தீவிர விஜய் ரசிகர்கள்...ஆனால் இருவரும் வாக்களிக்கவில்லை..வெளுக்கும் ரசிகர்கள்
இயக்குநர் நெல்சன் மற்றும் லோகேஷ் கனகராஜ் ஆகிய இருவரும் சட்டமன்ற தேர்தலில் வாக்களிக்காததை ரசிகர்கள் சமூக வலைதளத்தில் விமர்சித்து வருகிறார்கள்.
நடந்து முடிந்த சட்டமன்ற தேர்தலில் தமிழ் திரைத்துறையைச் சேர்ந்த பலரும் வாக்களித்தனர். ஒரு சிலரைத் தவிர. இயக்குநர் நெல்சன் மற்றும் லோகேஷ் கனகராஜ் இருவர் மட்டும் வாக்குச்சாவடிகளில் காணப்படவில்லை. விஜயின் தீவிர ரசிகர்களான இருவரும் தேர்தலில் வாக்களிக்காததை தவெக ஆதரவாளர்கள் விமர்சித்து வருகிறார்கள்.
தமிழ்நாட்டில் நேற்று ஏப்ரல் 23 ஆம் தேதி 234 தொகுதிகளிலும் சட்டமன்ற தேர்தல் விறுவிறுப்பாக நடந்து முடிந்தது. சுமார் 75 ஆயிரம் வாக்குச்சாவடிகளில் 4 ஆயிரம் வேட்பாளர்களுக்காக கோடிக்கணக்கான மக்கள் வாக்களித்தனர். தமிழக தேர்தல் வரலாற்றில் அதிகப்படியாக 84.51 சதவீதம் வாக்குகள் பதிவாகியுள்ளது. எஸ்ஐஆர் செயல்பாட்டிற்கு பிறகு தமிழ்நாட்டில் நடக்கும் முதல் தேர்தல் என்பதாலும், பொதுமக்கள் தன்னெழுச்சியாக வாக்களிக்க படையாக திரண்டு சென்றதாலும் வாக்குப்பதிவு விறுவிறுப்பாக நடந்தது.
அதிகபட்சமாக தமிழ்நாட்டில் கரூரில் 92 சதவீதம் , சேலத்தில் 90 சதவீதம் , தர்மபுரியில் 90 சதவீதம் , ஈடோடில் 90 சதவீதம் , நாமக்கலில் 89 சதவீதம் வாக்குகள் பதிவாகியுள்ளன.
தவெகவுக்கு உற்சாகமாக வாக்களித்த இளைஞர்கள்
இந்த தேர்தலில் விஜயின் தமிழக வெற்றிக் கழகத்திற்கு இளைஞர்களிடம் பெரும் ஆதரவு இருப்பதை பார்க்க முடிந்தது. பேருந்து கிடைக்காத போதிலும் அடித்து பிடித்து தங்களுக்கு ஊருக்கு போய் இளைஞர்கள் தவெகவுக்கு வாக்களித்ததை சமூக வலைதளத்திக் பகிர்ந்துக்கொண்டார்கள். அதேபோல் தமிழ் திரையுலகைச் சேர்ந்த பல்வேறு பிரபலங்கள் விஜய்க்கு தங்களது நேரடியான ஆதரவைத் தெரிவித்து வாக்களித்தார்கள்.
வாக்களிக்காத நெல்சன் மற்றும் லோகேஷ்
ஆனால் நெல்சன் மற்றும் லோகேஷ் கனகராஜ் மட்டும் இந்த தேர்தலில் வாக்களிக்காதது குறித்து ரசிகர்கள் அதிருபதி வெளிப்படுத்தி வருகிறார்கள். விஜயின் பீஸ்ட் படத்தை நெல்சன் இயக்கினார். மாஸ்டர் , லியோ என இரண்டு ப்ளாக்பஸ்டர் வெற்றிப்படங்களை இயக்கியவர் லோகேஷ். இருவரும் விஜயுடன் நெருக்கமாக நட்பு பாராட்டி வருபவர்கள். மேலும் விஜயின் ஜனநாயகன் படத்திலும் இருவரும் கேமியோ ரோலில் நடித்துள்ளார்கள். அப்படி இருக்கையில் ஏன் இருவரும் தேர்தலில் வாக்களிக்க வரவில்லை என ரசிகர்கள் கேள்வி எழுப்பி வருகிறார்கள். ரஜினியின் ஜெயிலர் திரைப்படத்தின் படப்பிடிப்பை அண்மையில் நிறைவு செய்தார் நெல்சன். அதேபோல் லோகேஷ் கனகராஜ் அருண் மாதேஸ்வரன் இயக்கிவரும் டிசி படத்தில் நடித்து வருகிறார். படப்பிடிப்பு காரணமாக இருவரும் வாக்களிக்க முடியாமல் போனதா அல்லது இருவரும் வாக்களிக்க விருப்பம் காட்டவில்லையா என்பது தெரியாத நிலையில் ரசிகர்கள் குழப்பத்தில் உள்ளார்கள் .
தலைப்பு செய்திகள்
ட்ரெண்டிங் செய்திகள்
