Actress Uma: மார்பக புற்றுநோயால் பாதிக்கப்பட பிரபல நடிகை.. சிகிச்சையின்போது வெளியான புகைப்படம்!
2015ம் ஆண்டு திருமணம் செய்துக் கொண்ட பிறகு உமா சினிமாவில் நடிக்கவே இல்லை. இந்த நிலையில் அவர் புற்றுநோயால் பாதிக்கப்பட்டு சிகிச்சைப் பெற்று வருவதாக சொல்லப்படுகிறது.
புற்றுநோயால் நடிகை உமா சங்கரி பாதிக்கப்பட்டு சிகிச்சைப் பெற்று வரும் சம்பவம் ரசிகர்களிடையே சோகத்தை ஏற்படுத்தியுள்ளது.
நடிகை சுமித்ராவின் மகள்
தமிழ் சினிமாவின் வாரிசு நடிகைகளில் அதிகம் கவனிக்கப்படாமல் போனவர் உமா சங்கரி. கன்னட கமர்ஷியல் இயக்குநர் ராஜேந்திர பாபு மற்றும் தமிழ் சினிமாவின் சிறந்த குணச்சித்திர நடிகையாக திகழ்ந்த சுமித்ராவின் மகளான உமா சினிமாவில் 2000ம் ஆண்டு சீமான் இயக்கிய வீரநடை படத்தின் மூலம் நடிகையாக அறிமுகமானார்.
தொடர்ந்து வானவில், கலகலப்பு, கடல் பூக்கள், சொக்கத்தங்கம், விகடன், சூரி, தென்றல், ரைட்டா தப்பா, செல்வம், அமுதே, கோவை பிரதர்ஸ், இலக்கணம், அடைக்கலம், மணிகண்டா, ரசிகர் மன்றம், பாக்யலட்சுமி என பல படங்களில் நடித்தார். கடைசியாக அஜித் நடித்த வலிமை படத்தில் சிறிய வயது சுமித்ரா கேரக்டரில் நடித்திருந்தார்.
View this post on Instagram
இதில் சொக்கத்தங்கம் மற்றும் கோவை பிரதர்ஸ் படம் ரசிகர்களிடத்தில் அவரைக் கொண்டு சேர்த்தது. ஆனால் 2015ம் ஆண்டு திருமணம் செய்துக் கொண்ட பிறகு உமா சினிமாவில் நடிக்கவே இல்லை. பலரும் அவர் எங்கிருக்கிறார் என்ற கேள்வி எழுப்பி வருகின்றனர். இந்த நிலையில் சமூக வலைத்தளங்களில் ஆக்டிவாக இருக்கும் உமா ஒரு புகைப்படம் ஒன்றை பகிர்ந்துள்ளார். அதில் தான் புற்றுநோயால் பாதிக்கப்பட்டு சிகிச்சை எடுத்து வருகிறேன் என தெரிவித்துள்ளார்.
இரண்டாம் சுற்று சிகிச்சை
அவர் வெளியிட்ட பதிவில், “கீமோ/இம்யூனோ சிகிச்சையின் இரண்டாம் சுற்று இது.நான் ஒவ்வொரு நாளையும் அதன் போக்கில் எதிர்கொள்கிறேன். கடினமான நாட்களை எப்படிச் சமாளிப்பது என்று கற்றுக்கொள்கிறேன், மேலும் வலிமையாக உணரும் நாட்களைக் கொண்டாடுகிறேன். எப்போதும் எனக்குத் துணையாக நிற்கும் என் குடும்பத்தினருக்கும், அன்பும் ஆதரவும் அளிக்கும் என் ரசிகர்களுக்கும் நன்றி. நான் என் பணிகளைத் தொடர்கிறேன், குணமடைகிறேன், மேலும் முன்னேற்றத்தில் கவனம் செலுத்துகிறேன். முன்னேற்றம் முழுமையானதாக இருக்காது, ஆனால் அது உண்மையானது என தெரிவித்துள்ளார். உமா மார்பக புற்றுநோயால் பாதிக்கப்பட்டிருப்பதாக சொல்லப்படுகிறது.
இதனைக் கண்ட ரசிகர்கள் பலரும் விரைவில் நீங்கள் குணமாகி சினிமாவில் நடிக்க வேண்டும். உங்களுடைய தைரியத்தைப் பாராட்டுகிறேன். மற்றவர்களுக்கு முன்மாதிரியாக இருக்கிறீர்கள் என தெரிவித்துள்ளார்கள். ஏற்கனவே கௌதமி, மமதா மோகந்தாஸ், லிசா ரே, சோனாலி பிந்த்ரா, மனிஷா கொய்ராலா போன்றோர் புற்றுநோயால் பாதிக்கப்பட்டு அதிலிருந்து மீண்டவர்கள் என்பது குறிப்பிடத்தக்கது.
தலைப்பு செய்திகள்
ட்ரெண்டிங் செய்திகள்
