Fahadh Faasil on Pushpa: 'புஷ்பா 3க்கு சுகுமார் ரெடியா இருக்க சொல்லி இருக்கார்.... அப்டேட் தந்த ஃபகத் ஃபாசில்!

புஷ்பா கதையை சுகுமார் தன்னிடம் சொல்லும்போது அப்படம் ஒரே பாகமாக மட்டுமே எடுக்கப்பட இருந்ததாக ஃபகத் ஃபாசில் தெரிவித்துள்ளார்.

ஃபகத் ஃபாசில்

புஷ்பா கதையை சுகுமார் தன்னிடம் சொல்லும்போது அப்படம் ஒரே பாகமாக மட்டுமே எடுக்கப்பட இருந்ததாக ஃபகத் ஃபாசில் தெரிவித்துள்ளார்.

 இது குறித்து நடிகர் ஃபகத் ஃபாசில் கூறும்போது, “சுகுமார் சார் முதலில் கதையை சொல்லும்போது, புஷ்பாவை ஒரே படமாக எடுப்பதாகவே சொன்னார். ஆனால், படத்தில் போலீஸ் ஸ்டேஷன் சீன் இடம்பெற்ற பிறகும், இராண்டாம் பாதியில் என்னுடைய பகுதி இடம் பெற்ற பிறகும் அந்த முடிவு மாறியது.

படம் இரண்டு பாகங்களாக மாற்றப்பட்டது. அண்மையில் சுகுமார் என்னிடம் பேசினார். அப்போது புஷ்பா 3க்கு தயாராகுங்கள் எனவும், அதற்கு தேவையான அனைத்துடன் தான் தயாராக இருப்பதாகவும் சொன்னார்.” என்று பேசியிருக்கிறார். 

 

 

#FahadhFaasil : "When Sukku sir first told me the story, #Pushpa was only in one film, after the police station scene and my part in the second half, then it became two parts.Recently when he talked to me, he said be prepared for #Pushpa3 because he had enough materials to do it" pic.twitter.com/WQCSlagcz0

— Thyview (@Thyview) July 19, 2022

அல்லு அர்ஜூன், ராஷ்மிகா மந்தனா நடிப்பில் உருவான புஷ்பா படம் அல்லு அர்ஜூனின் ஸ்டைல், ராஷ்மிகாவின் க்ளாமர், சமந்தாவின் ஊ அன்ட்டாவா குத்துப் பாடல் எனப் பல விஷயங்களால் பிரபலமானது.

அதே போல அல்லு அர்ஜூன் தாடியை கோதும் ஸ்டைலும், தோளைத் தூக்கி நடக்கும் ஸ்டைலும் கடல் கடந்து ரசிகர்களைப் பெற்றது. பேன் இந்தியா திரைப்படம், பிரம்மாண்ட கதையம்சம், ஊ சொல்றியா பாடல் என பல எதிர்பார்ப்புகளுடன் புஷ்பா வெளியானது. 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by FAHADH FAASIL (@fahadhfaasil_universe)

ஆனால் ரசிகர்களின் எதிர்பார்ப்பை அந்த அளவுக்கு படம் பூர்த்தி செய்யவில்லை. இதற்கிடையே படத்தின் இரண்டாம் பாகத்தை தொடங்கிவிட்டது படக்குழு. முதல் பாகம் அனைத்து தரப்பு ரசிகர்களையும் திருப்திப்படுத்தவில்லை என்பதால், இரண்டாம் பாகத்தை வெறித்தனமாக எடுத்துவிட வேண்டுமென படக்குழு மெனக்கெட்டு வருகிறது.

முன்னதாக ராஷ்மிகா மந்தனா நடித்த வள்ளி கதாபாத்திரம் முடிவுக்கு வரும் எனக் கூறப்பட்ட நிலையில், அந்தத் தகவலை தயாரிப்பாளர் மறுத்தார். மேலும், நடிகர் விஜய்சேதுபதியிடம் படத்தில் நடிக்க பேச்சு வார்த்தை நடத்தப்பட்டுள்ளதாகவும் தகவல்கள் வெளியாகி உள்ளன.