Radhika In Trailer Launch : ”தென்னிந்தியாவைப் பாத்து எல்லாரும் பயப்படுறாங்க” : விக்ரம் ட்ரெயிலர் வெளியீட்டு விழாவில் ராதிகா..

விஜய் சேதுபதியை பார்த்து பேபி எல்லாம் ஓகேயா பேபி என்று கேட்க அரங்கமே அதிர்ந்தது. பின்னர் அனிருத்தை பார்த்து "அனி நீ ராக் ஸ்டார் யா" என்று கூற அரங்கம் அடங்கவே ஐந்து நிமிடம் ஆனது.

ராதிகா சரத்குமார்

நடைபெற்றுவரும் விக்ரம் திரைப்படத்தின் ஆடியோ லாஞ்சில் நடிகை ராதிகா சரத்குமார் சரவெடியாக பேச அரங்கம் கைதட்டி ஓய்ந்தது.

உலக நாயகன் கமல்ஹாசன் நடித்து லோகேஷ் கனகராஜ் இயக்கியுள்ள படம் 'விக்ரம்'. இந்தப் படத்தின் ட்ரைலர் மற்றும் ஆடியோ வெளியீடு சென்னையில் உள்ள நேரு உள்விளையாட்டு அரங்கில் 6 மணிக்கு தொடங்கியிருக்கிறது. இதற்கான புகைப்படங்கள் இணையத்தில் வெளியாகி வைரலாகி வருகிறது.

இந்த நிகழ்ச்சியில் ட்ரெயிலர் விழாவில், விஜய் சேதுபதி, உதயநிதி, சிலம்பரசன், அனிருத், இயக்குநர் பா. ரஞ்சித், மகேந்திரன், ரோபா ஷங்கர், நரேன் உள்ளிட்ட பல நட்சத்திரங்கள் கலந்துகொண்டனர். இந்த நிகழ்ச்சியில் பேசிய ராதிகா சரத்குமார் தென்னிந்தியாவை பார்த்து வட இந்தியா அஞ்சுவதாக கூறினார்.

மேடையில் எறிய அவர் விஜய் சேதுபதியை பார்த்து பேபி எல்லாம் ஓகேயா பேபி என்று கேட்க அரங்கமே அதிர்ந்தது. பின்னர் அனிருத்தை பார்த்து "அனி நீ ராக் ஸ்டார் யா" என்று கூற அரங்கம் அடங்கவே ஐந்து நிமிடம் ஆனது.

இந்தி திணிப்பு சர்ச்சையால் தற்போது வெளிவரும் திரைப்பட பிரபலங்களின் கருத்துக்களை குறித்து பேசினார். "சவுத்த பார்த்து எல்லாரும் பயப்புடறாங்க, இது கமல் சாருக்கே தெரியும், அவரு அங்க போகும்போதுகூட எல்லாரும் பயந்தாங்க", என்று பேசி மைலேஜ் ஏற்றினார். 

நிகழ்ச்சியில் கலந்துகொண்டு பேசிய இயக்குநர் பா. ரஞ்சித், கமல் நடித்த விருமாண்டி திரைப்படம் எனக்கு மிகவும் பிடிக்கும். விருமாண்டி திரைப்படத்திற்கு பிறகு மதுரையில் கோர்ட் சூட் போட்ட கமலை இயக்க ஆசை. மதுரையில் கமலை வைத்து சம்பவம் செய்ய வேண்டும் என்று தெரிவித்தார். இதையடுத்து, விரைவில் பா. ரஞ்சித் இயக்கும் அடுத்த படத்தில் உலக நாயகன் கமல்ஹாசன் குறித்த அடுத்தடுத்த அப்டேட் வெளியாகலாம் என்று எதிர்பார்க்கப்படுகிறது. 

முன்னதாக, கமல்ஹாசன் நடித்துள்ள விக்ரம் படம் வரும் ஜூன் 3-ஆம் தேதி வெளியாக உள்ளது. லோகேஷ் கனகராஜ் இயக்கியுள்ள இந்த படத்திற்கு அனிருத் இசையமைத்துள்ளார். இந்தப் படத்தின் பாடல்கள் பட்டியலை அனிருத் தனது ட்விட்டர் பக்கத்தில் வெளியிட்டு இருக்கிறார். ட்ரெய்லர் வெளியாகி நாலாபக்கமும் தீயாக பரவிவரும் நிலையில், கமலஹாசனை இப்படி பார்த்து ரொம்ப நாளாச்சுப்பா என ரசித்து வருகின்றனர். விஜய் சேதுபதியும், ஃபகத் பாசிலும் கூட மாஸ் செய்திருப்பதாக ஃபயர் விட்டு வருகின்றனர். சமீபத்தில் இந்த படத்தின் ”பத்தல பத்தல” பாடல் வெளியாகி யூ-ட்யூப்பில் ட்ரெண்டாகி வருகிறது. விக்ரம் படத்தில் கமல்ஹாசனுடன் இணைந்து விஜய் சேதுபதி, ஃபஹத் பாசில் நடித்துள்ளனர். பழைய விக்ரம் படத்தில் கமல்ஹாசன் போலீஸ் அதிகாரியாக நடித்திருந்தார். இந்த படத்திலும் கமல்ஹாசன் போலீஸ் அதிகாரியாக நடித்துள்ளார் என்பது குறிப்பிடத்தக்கது.