Dorothy vs The Paradise OTT: டோரதி, தி பாரடைஸ் ஓடிடி ரிலீஸ் தேதி அறிவிப்பு.. எப்போ தெரியுமா? - நோட் பண்ணுங்க!
தசரா படத்திற்கு பிறகு மீண்டும் ஸ்ரீகாந்த் ஓடேலா எழுதி இயக்கிய தி பாரடைஸ் படத்தில் இரட்டை சடையுடன் அவரின் கெட்டப் பான் இந்திய அளவில் பேசுபொருளாக மாறியது. அதேபோல் டோரதி படமும் மிகப்பெரிய வரவேற்பை பெற்றது.

சினிமா ரசிகர்கள் பெரும் எதிர்பார்ப்புடன் காத்திருந்த தி பாரடைஸ், டோரதி படத்தின் ஓடிடி ரிலீஸ் தேதி அறிவிக்கப்பட்டுள்ளது.
தி பாரடைஸ் ஓடிடி தேதி
2023ம் ஆண்டு நானி நடிப்பில் தசரா படம் வெளியானது. இப்படம் கலவையான விமர்சனத்தைப் பெற்ற நிலையில் அவரின் அடுத்தப்படம் மிகப்பெரிய எதிர்பார்ப்பை உண்டாக்கியது. தசரா படத்திற்கு பிறகு மீண்டும் ஸ்ரீகாந்த் ஓடேலா எழுதி இயக்கிய தி பாரடைஸ் படத்தில் இரட்டை சடையுடன் அவரின் கெட்டப் பான் இந்திய அளவில் பேசுபொருளாக மாறியது. இந்த படத்தில் மோகன் பாபு, கயாடு லோஹர், சோனாலி குல்கர்னி, ராகவ் ஜூயல், தனிகெல்லா பரணி, ஈஸ்வரி ராவ் மற்றும் சம்பூர்னேஷ் பாபு ஆகியோர் நடித்திருந்தனர். ஜெர்சி, கேங் லீடர் படத்துக்குப் பின் மீண்டும் அனிருத் நானியின் படத்துக்கு இசையமைத்திருந்தார். எஸ்.எல்.வி சினிமாஸ் பேனரின் கீழ் சுதாகர் செருகூரி இப்படத்தை தயாரித்திருந்தார். இப்படம் அக்டோபர் 22 அன்று நெட்ஃபிலிக்ஸ் ஓடிடி தளத்தில் வெளியாகும் என அறிவிக்கப்பட்டுள்ளது.
Watch The Paradise on Netflix, out 22 October in Telugu, Hindi, Tamil, Kannada and Malayalam. Explore The Paradise, along with all your other favourite South Indian films and shows by searching for "Southverse" on Netflix. #TheParadiseOnNetflix #NetflixSouthverse
— Netflix India South (@Netflix_INSouth) October 18, 2026
டோரதி படம் ஓடிடி ரிலீஸ்
பீட்சா, ஜிகர்தண்டா, பேட்ட, ஜெகமே தந்திரம், மகான், ரெட்ரோ, ஜிகர்தண்டா 2 டபுள் எக்ஸ் ஆகிய படங்கள் மூலம் ரசிகர்களின் கவனம் ஈர்த்த கார்த்திக் சுப்பராஜ் டோரதி என்ற படத்தை இயக்கியிருந்தார். இப்படம் டொராண்டோ சர்வதேச திரைப்பட விழாவில் உலக அளவில் முதலில் திரையிடப்பட்ட நிலையில் செப்டம்பர் 25 அன்று திரையரங்குகளில் வெளியானது. சரவணன் சந்திரன் மற்றும் கார்த்திக் சுப்பராஜ் இணைந்து எழுதிய இக்கதை திருநர் மக்களின் வாழ்க்கையை மையப்படுத்தி எடுக்கப்பட்டு இருந்தது.
இளையராஜா இசையமைத்த இப்படத்தில் சனந்த், ரிஷிகாந்த், கீர்த்தி சுரேஷ் உள்ளிட்ட பலரும் நடித்திருந்தனர். முத்துக்குமார், ராமச்சந்திரன் துரைராஜ், ஜீவா சுப்ரமணியன், கஜராஜ், சௌந்தரராஜா ஆகியோர் முக்கிய கேரக்டரில் வந்தனர். டோரதி படம் பொதுமக்களிடையே மிகப்பெரிய அளவு வரவேற்பை பெற்றது. அதேசமயம் சில சர்ச்சைக்குரிய விமர்சனங்களையும் பெற்றது. படத்துக்கு எதிராக கருத்து தெரிவித்தவர்களை இயக்குநர் கார்த்திக் சுப்பராஜ், திருநர் மக்கள் கடுமையாக கண்டித்தனர். இந்நிலையில் டோரதி படம் வரும் அக்டோபர் 23 அன்று நெட்ஃபிளிக்ஸ் ஓடிடி தளத்தில் வெளியாகும் என தெரிவிக்கப்பட்டுள்ளது.
தலைப்பு செய்திகள்
ட்ரெண்டிங் செய்திகள்






















