Doctor | வெளிநாடுகளிலும் வசூல் வேட்டை நடத்தும் ‘டாக்டர்’ - விரைவில் 100 கோடியை எட்டும்?

அமெரிக்காவில் வெளியான தமிழ் படங்களிலேயே அதிக வசூலை பெற்ற படம் என்ற பெருமை டாக்டர் திரைப்படத்திற்கு கிடைத்துள்ளது.

டாக்டர்_வசூல்

கோலமாபு கோகிலா என்னும் வெற்றி படத்திற்கு பிறகு இயக்குநர் நெல்சன் படைப்பில் வெளியான திரைப்படம் ; டாக்டர்’ .சிவகார்த்திகேயன் தனது SK புரொடக்‌ஷன்  நிறுவனம் சார்பில் இந்த படத்தை அதிக பொருட்செலவில் தயாரித்து உள்ளார். இதில் சிவகார்த்திகேயனுக்கு ஜோடியாக பிரியங்கா மோகன் நடிக்க யோகி பாபு, வினய் உள்ளிட்டோர் படத்தில் முன்னணி கதாபாத்திரங்களில் நடித்து இருக்கின்றனர். மனித கடத்தலை மையமாக வைத்து டார்க் காமெடியாக இப்படம் உருவாகியுள்ளது. படத்தை ரசிகர்கள் கொண்டாடி வருகின்றனர். இந்நிலையில் படம் உலகம் முழுவதும் உள்ள திரையங்குகளில் வெளியாகி வசூல் வேட்டை நடத்தி வருகிறது. குறிப்பாக அமெரிக்காவில் இதுவரை 440000 டாலர் அளவில் வசூல் செய்து சாதனை  படைத்துள்ளது. இந்திய ரூபாய் மதிப்பீட்டில் கிட்டத்தட்ட  33,126,148 ரூபாயாகும் . இதுவரையில் அமெரிக்காவில் வெளியான தமிழ் படங்களிலேயே அதிக வசூலை பெற்ற படம் என்ற பெருமை டாக்டர் திரைப்படத்திற்கு கிடைத்துள்ளது. டாக்டர் படத்தின் வசூல் விரைவில் 100 கோடியை எட்டும் என கணிக்கப்பட்டுள்ளது. இதனை சிவ கார்த்திகேயன் ரசிகர்கள் கொண்டாடி வருகின்றனர். 

சிவகார்த்திகேயன் சில ஆண்டுகளுக்கு முன்னதாக தனது படத்தை வெளியிட முடியாமல் , இன்னலுக்கு உள்ளானார். பல மேடைகளில் தன்னை வாழ விடும்படி கண்ணீருடன் பேசியிருந்தார், இந்நிலையில் அவரே தயாரித்த டாக்டர் படம் வசூல் சாதனை படைத்திருப்பது, அவரின் இடைவிடாத முயற்சியின் பலனாக பார்க்கப்படுகிறது.  முன்னதாக படம் கொரோனா ஊரடங்கால் ஒடிடியில் வெளிட திட்டமிடப்பட்டிருந்தது. ஆனால் நெல்சன் மீது கொண்ட நம்பிக்கை காரணமான படத்தை திரையரங்கில் வெளியிட முடிவு செய்துவிட்டார் சிவகார்த்திகேயன். படம்  வெளியான நாளில் “நாளை என்றும் நம் கையில் இல்லை நாம் யாரும் தேவன் கை பொம்மைகளே என்றால் கூட போராடு நண்பா என்றைக்கும் தோற்காது உண்மைகளே..எதிர் நீச்சலடி வென்று ஏற்று கொடி" என குறிப்பிட்டிருந்தார். அவர் தன் மீது வைத்த நம்பிக்கை, இன்று வெற்றிக்கொடியை ஏற்ற வைத்துள்ளது.

நாளை என்றும் நம் கையில் இல்லை நாம் யாரும் தேவன் கை பொம்மைகளே என்றால் கூட போராடு நண்பா என்றைக்கும் தோற்காது உண்மைகளே..எதிர் நீச்சலடி வென்று ஏற்று கொடி👍 #DoctorInTheatres from today👏👏👍💪watch it,enjoy it with your friends and family❤️👍🤗😊 pic.twitter.com/14VWXFRnsE

— Sivakarthikeyan (@Siva_Kartikeyan) October 8, 2021

 

இயக்குநர் நெல்சன் தற்போது விஜயை வைத்து பீஸ்ட் படத்தை இயக்கி வருகிறார். டாக்டர் படத்திற்கு கிடைத்த மாபெரும் வெற்றி , பீஸ்ட் படத்தின் மீதான எதிர்பார்ப்பை எகிற செய்துள்ளது. முன்னதாக பீஸ்ட் படத்தின் ஃப்ர்ஸ்ட் லுக் வெளியான நிலையில் படம் தங்க கடத்தலை மையமாக வைத்து உருவாகியிருப்பதாக செய்திகள் வெளியானது. டாக்டர் படத்தின் புரமோஷனில் கலந்துக்கொண்ட இயக்குநர் நெல்சன் பீஸ்ட் அப்டேட் குறித்து கேட்ட கேள்விக்கு, டாக்டர் படம் வெளியானதும், பீஸ்ட் அப்டேட் கொடுப்போம் என தெரிவித்திருந்தார். இந்நிலையில் படம் குறித்த அப்டேட் விரைவில் வெளியாகும் என எதிர்பார்க்கப்படுகிறது.