SK 21: வேற மாறி வேற மாறி.. எஸ்.கே 21 பட டீசர் பார்த்து மிரண்டுபோன இயக்குநர் நெல்சன்!

சிவகார்த்திகேயன் நடித்து வரும் எஸ்.கே 21 படத்தின் டீசரைப் பார்த்து இயக்குநர் நெல்சன் திலிப்குமார் பாராட்டியுள்ளார்

சிவகார்த்திகேயன், நெல்சன் திலிப்குமார். (Image source: Twitter)

சிவகார்த்திகேயன் நடித்து வரும் எஸ்.கே 21 படத்தின் ஃபர்ஸ்ட் லுக் டீசரைப் பார்த்த இயக்குநர் நெல்சன் திலீப்குமார் படக்குழுவைப் பாராட்டியுள்ளார்.

எஸ்.கே 21

 நடிகர் சிவகார்த்திகேயனின் 21ஆவது படமாக உருவாகி வருகிறது எஸ்.கே 21. ராஜ்குமார் பெரியசாமி இயக்கும் இந்தப் படத்தில் சிவகார்த்திகேயன் ராணுவ வீரராக நடிக்க, சாய் பல்லவி கதாநாயகியாக நடிக்கிறார்.

ஜி.வி.பிரகாஷ் இந்தப் படத்திற்கு இசையைமைக்கிறார். கமல்ஹாசனின் ராஜ்கமல் ஃபிலிம்ஸ் இந்தப் படத்தை தயாரிக்கிறது. இந்தப் படத்தின் பெரும்பாலான காட்சிகள் காஷ்மீரில் படப்பிடிக்கப்பட்டு வருகின்றன. இந்தப் படத்தின் ஃபர்ஸ்ட் லுக் டீசரை ரசிகர்கள் ஆவலாக எதிர்பார்த்து வருகிறார்கள்.

இப்படியான நிலையில் இயக்குநர் நெல்சன் திலீப்குமார் எஸ்.கே 21 படத்தின் ஃபர்ஸ்ட் லுக் டீசரை பார்த்து படக்குழுவினரை பாராட்டியுள்ளார்.  நெல்சன் இயக்கிய டாக்டர் படத்தில் வித்தியாசமான கதாபாத்திரத்தில் சிவகார்த்திகேயன்  நடித்திருந்தார். இந்த இருவரின் காம்பினேஷனை அனைவரும் ரசித்தனர். தற்போது எஸ்.கே 21 படத்தின் ஃபர்ஸ்ட் லுக் டீசர் பார்கக வெறித்தனமாக இருப்பதாக நெல்சன் கூறி எதிர்பார்ப்புகளை அதிகரித்துள்ளார்.

Woah!!!! Just saw #SK21 first look teaser!! It’s complete rage ! Can’t wait for the world to see what you have made on this emotional journey @Rajkumar_KP 👏👏 big applause to team #SK21 !

— Nelson Dilipkumar (@Nelsondilpkumar) January 21, 2024

கடந்த ஆண்டு மே மாதம் இந்தப் படத்திற்கான அறிவிப்பு வெளியாகியதைத் தொடர்ந்து படப்பிடிப்பு வேலைகள் தொடங்கின. முதல் பாதி படப்பிடிப்பில் தாடி நீளமான முடி வைத்து சிவகார்த்திகேயன் நடித்திருந்தார். மேலும் இரண்டாம் பாதி படப்பிடிப்பு தொடங்கியவுடன் க்ளீன் ஷேவ் செய்து கல்லூரி மாணவனைப் போல் தோற்றமளித்தார். இந்த கதாபாத்திரத்துக்காக சிவகார்த்திகேயன் தனது எடையையும் குறைத்துள்ளார்.

அயலான்

சிவகார்த்திகேயன் நடித்து தற்போது திரையரங்கில் வெற்றிகரமாக ஓடிக் கொண்டிருக்கும் படம் அயலான் . ரவிகுமார் இயக்கத்தில் கடந்த ஜனவரி 12 ஆம் தேதி இந்தப் படம் திரையரங்கில் வெளியானது. ரசிகர்களிடம்  நல்ல வரவேற்பைப் பெற்ற அயலான் படம்  வெளியான முதல் வாரத்தில் உலகளவில் 50 கோடிகள் வசூல் செய்தது. ரகுல் ப்ரீத்,கருணாகரன் , யோகிபாபு ஆகியோர் இந்தப் படத்தில் துணைக் கதாபாத்திரத்தில் நடித்துள்ளார்கள். ஏ. ஆர் ரஹ்மான் இந்தப் படத்திற்கு இசையமைத்துள்ளார்.

---

மேலும் படிக்க : Nasar : ”அப்பாவ பாக்குற மாதிரியே இருந்துது..” எம் மகன் படம் பற்றி நாசர் சொன்னது என்ன?