Lal Salam Movie: தந்தையின் ஆசி.. மூன்றாவது முறையாக இயக்குநர் அவதாரம்.. ‘லால் சலாம்’ பட பூஜை எக்ஸ்க்ளூசிவ் போட்டோஸ்!
ஐஸ்வர்யா ரஜினிகாந்த் இயக்கும் 3-வது படமான 'லால் சலாம்' பூஜையுடன் துவங்கியது. அதன் புகைப்படங்கள் தற்போது வெளியாகி வைரலாகி வருகிறது.
ஐஸ்வர்யா ரஜினிகாந்த் இயக்கும் 3-வது படமான 'லால் சலாம்' பூஜையுடன் துவங்கியது. அதன் புகைப்படங்கள் தற்போது வெளியாகி வைரலாகி வருகிறது.
View this post on Instagram
கடந்த 2012ல் 3 படம் மூலம் இயக்குனராக அறிமுகமான ஐஸ்வர்யா ரஜினிகாந்த் அடுத்ததாக 2015ல் கௌதம் கார்த்திக் நடிப்பில் வை ராஜா வை என்கிற படத்தை இயக்கினார். அதனை தொடர்ந்து ஸ்டண்ட் இயக்குனர்களை மையமாக வைத்து ஒரு டாக்குமெண்டரி படத்தையும், ‘ஸ்டாண்டிங் ஆன் ஆப்பிள் பாக்ஸ்: தி ஸ்டோரி ஆஃப் எ கேர்ள் அமாங் தி ஸ்டார்ஸ்’ என்ற ஒரு புத்தகத்தையும் எழுதியிருந்தார். மேலும் 'ஓ சாத்தி சால்' எனும் ஹிந்தி திரைப்படம் மூலம் பாலிவுட்டில் இயக்குனராக அறிமுகமாவதாகவும் அறிவித்தார். இந்த நிலையில் தற்போது மீண்டும் மூன்றாவது முறையாக டைரக்ஷனில் இறங்கி இருக்கிறார். அவர் இயக்கவுள்ள புதிய படம் குறித்து அறிவிப்பு தற்போது வெளியாகியுள்ளது.
லால் சலாம் பட பூஜை ஸ்டில்ஸ்!
— ABP Nadu (@abpnadu) November 5, 2022
ரஜினிகாந்த், விஷ்ணு விஷால், ஐஸ்வர்யா ரஜினிகாந்த், விக்ராந்த் உள்ளிட்டோர் பங்கேற்பு https://t.co/wupaoCzH82 | #Rajinikanth𓃵 #LalSalaam #VishnuVishal @rajinikanth pic.twitter.com/YxTRgCR5uM
லைகா புரொடக்ஷன்ஸ் சார்பில் சுபாஸ்கரன் தயாரிக்கும் இந்தப்படத்தில் விஷ்ணு விஷால் மற்றும் விக்ராந்த் இருவரும் இணைந்து கதாநாயகர்களாக நடிக்கின்றனர். ' லால் சலாம்' என பெயரிட்டுள்ள இப்படத்தில் சூப்பர்ஸ்டார் ரஜினிகாந்த் சிறப்பு தோற்றத்தில் நடிக்க உள்ளார். இந்த படத்திற்கு விஷ்ணு ரங்கசாமி ஒளிப்பதிவு செய்கிறார். மேலும் கலை இயக்குனராக ராமு தங்கராஜ் மற்றும் படத்தொகுப்பாளராக B.பிரவீண் பாஸ்கர் ஆகியோர் இந்த படத்தில் பணியாற்ற உள்ளனர். இந்த படத்தில் நடிக்கும் மற்ற நடிகர்கள் மற்றும் இதர தொழில்நுட்ப குழுவினர்கள் குறித்த விபரங்கள் விரைவில் அதிகாரப்பூர்வமாக அறிவிக்கப்பட உள்ளது. லால் சலாம் படத்தின் படப்பிடிப்பு விரைவில் தொடங்கும் என்று head of lyca production gkm தமிழ் குமரன் தெரிவித்தார் .
தலைப்பு செய்திகள்
ட்ரெண்டிங் செய்திகள்
