![ABP Premium](https://cdn.abplive.com/imagebank/Premium-ad-Icon.png)
Vengal Rao : பிரபல காமெடி நடிகர் வெங்கல் ராவ், ஐசியூவில் அனுமதி.. அவரது உடல்நிலை எப்படி இருக்கிறது?
பிரபல நடிகர் வடிவேலுவுடன் நகைச்சுவை காட்சிகளில் இணைந்து நடித்த பிரபல நடிகர் வெங்கல்ராவ் உடல்நலக்குறைவால் மருத்துவமனையில் அனுமதிக்கப்பட்டுள்ளார்.
![Vengal Rao : பிரபல காமெடி நடிகர் வெங்கல் ராவ், ஐசியூவில் அனுமதி.. அவரது உடல்நிலை எப்படி இருக்கிறது? comedy actor vengalrao famous combo performed with vadivelu admitted in vijayawada government hospital ICU Vengal Rao : பிரபல காமெடி நடிகர் வெங்கல் ராவ், ஐசியூவில் அனுமதி.. அவரது உடல்நிலை எப்படி இருக்கிறது?](https://feeds.abplive.com/onecms/images/uploaded-images/2022/06/29/3a8667e5014ac8e5bd2eb13089fc0b35_original.jpg?impolicy=abp_cdn&imwidth=1200&height=675)
தமிழ் திரையுலகின் முன்னணி ஜாம்பவான் காமெடியன் வடிவேலுவுடன். இவருடன் இணைந்து பல்வேறு காமெடிகளில் இணைந்து நடித்தவர் வெங்கல்ராவ். சண்டைக்கலைஞராக தமிழ், தெலுங்கு படங்களில் பணியாற்றிய இவர் வடிவேலுவுடன் இணைந்து காமெடி நடிகராக மிகவும் பிரபலமானார்.
இந்த நிலையில், கடந்த சில நாட்களாகவே வெங்கல்ராவ் சிறுநீரக கோளாறால் அவதிப்பட்டு வந்தார். இந்த நிலையில், ஆந்திராவைப் பூர்வீகமாக கொண்ட அவர் ஆந்திராவில் உள்ள விஜயவாடாவில் உள்ள அரசு மருத்துவமனையில் சிகிச்சைக்காக அனுமதிக்கப்பட்டுள்ளார். வடிவேலுவுடன் இணைந்து கந்தசாமி படத்தில் இடம்பெற்ற தேங்காய் காமெடி, தலைநகரம் படத்தில் இடம்பெற்றுள்ள சிறையில் நடக்கும் காமெடி, வடிவேலு இவர் தலையில் கையை வைத்து படாதபாடுபடும் காமெடி என்று வடிவேலுவுடன் இவர் இணைந்து நடித்த அனைத்து நகைச்சுவை காட்சிகளும் மிகவும் பிரபலம் ஆகும்.
அடிப்படையில் சண்டைக் கலைஞரான வெங்கல்ராவ் தமிழ் மற்றும் தெலுங்கில் முன்னணி நாயகர்கள் படத்தில் இடம்பெற்ற சண்டைக்காட்சியில் நடித்துள்ளார். வடிவேலு கடந்த சில ஆண்டுகளாக படங்களில் நடிக்காத காரணத்தால் அவருடன் இணைந்து நடித்த பல துணை நடிகர்களும் கடுமையான பொருளாதார நெருக்கடிக்கு ஆளாகினர். அவர்களில் நடிகர் வெங்கலராவும் ஒருவர்.
வடிவேல்தான் தன்னுடைய கடவுள் என்று கூறும் அவர், வடிவேலு மீண்டும் நடிக்க வந்தால் தங்களது வாழ்வாதாரமும் மேம்பட்டுவிடும் என்று நம்பிக்கை தெரிவித்திருந்தார். இந்த நிலையில், அவர் உடல்நலக்குறைவால் மருத்துவமனையில் அனுமதிக்கப்பட்டிருப்பது திரையுலகினர் மத்தியில் அதிர்ச்சியை ஏற்படுத்தியுள்ளது. அவரது சிகிச்சைக்கு திரைப்பிரபலங்கள் உதவ வேண்டும் என்று ரசிகர்கள் வேண்டுகோள் விடுத்துள்ளனர்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)