அட.. நம்ம சந்திரமுகி 'பொம்மி...' 18 ஆண்டுகளுக்கு பின் சீரியல் மூலம் ரீ எண்ட்ரி..!

சந்திரமுகி திரைப்படத்தில் பொம்மி என்ற கதாப்பாத்திரத்தில் குழந்தை நட்சத்திரமாக நடித்த பிரஹர்ஷேதா தனியார் தொலைக்காட்சியில் ஒளிபரப்பாகவுள்ள சீரியலில் நடிக்க உள்ளதாக தகவல் வெளியாகி உள்ளது.

பிரஹர்ஷேதா

சூப்பர் ஸ்டார் ரஜினிகாந்த் நடிப்பில் 2005-ஆம் ஆண்டு வெளியான திரைப்படம் சந்திரமுகி. அதில், பொம்மி என்ற குழந்தை நட்சத்திரமாக நடித்திருந்தவர் பிரஹர்ஷேதா. இவர் சந்திரமுகி தவிர வேலன், ராஜ ராஜேஸ்வரி போன்ற திரைப்படங்களில்  நடித்துள்ளார். பிரஹர்ஷேதா 18 ஆண்டுகளுக்குப் பின்னர் மீண்டும் சீரியல் மூலம் கம்பேக் கொடுக்கவுள்ளதாக தகவல் வெளியாகி உள்ளது. 

சந்திரமுகி பொம்மி:

பி .வாசு இயக்கத்தில் 2005-ஆம் ஆண்டு வெளியான சந்திரமுகி திரைப்படம் ரசிகர்கள் மத்தியில் நல்ல வரவேற்பை பெற்றது. ரஜினி, வடிவேலு காம்போவில் காமெடியில் பட்டையை கிளப்பியது. இத்திரைப்படத்தில் பொம்மி என்ற கேரக்டரில் பிரஹர்ஷேதா நடித்திருந்தார். இப்படத்தில் குழந்தை நட்சத்திரமாக வரும் இவர், அத்திந்தோம்' பாடலில் க்யூட்டாக டான்ஸும் ஆடி அசத்தியிருந்தார். சந்திரமுகி படத்தில் கிடைத்த வரவேற்பால், வேலன், ராஜ ராஜேஸ்வரி படங்களிலும் குழந்தை நட்சத்திரமாக  நடித்திருந்தார். அதன் பிறகு சினிமாவில் இருந்து விலகியிருந்த பிரஹர்ஷேதா, தற்போது திருமணம் முடிந்து ஒரு குழந்தைக்கும் அம்மாவாகிவிட்டார்.

சீரியங் மூலம் கம்பேக்:

18 ஆண்டுகளுக்குப் பின்னர் மீண்டும் நடிப்பில் கவனம் செலுத்த முடிவு செய்துள்ளாராம்  பிரஹர்ஷேதா. அவர் சீரியலில் நடிக்க உள்ளதாக தகவல் வெளியாகி உள்ளது. இதற்கான பேச்சுவார்த்தை முடிந்துவிட்டதாகவும், விரைவில் சீரியலில் நடிக்கத் தொடங்குவார் எனவும் தகவல்கள் தெரிவிக்கின்றன. தமிழில் முன்னணி சேனலில் ஒளிபரப்பாகும் சீரியலில் அவர் நடிக்கவுள்ளாராம்.

இதற்கான அறிவிப்புகள் விரைவில் வெளியாகும் என எதிர்பார்க்கப்படுகிறது. 18 ஆண்டுகளுக்குப் பின்னர் சீரியலில் களமிறங்கும் பொம்மி பிரஹர்ஷேதா, சினிமாவிலும் கவனம் செலுத்த வாய்ப்புள்ளதாகவும் கூறப்படுகிறது. சந்திரமுகி படத்தில் பொம்மி என்ற கதாப்பாத்திரத்தில் குழந்தை நட்சத்திரமாக நடித்த பிரஹர்ஷேதா தற்போது சீரியலில் நடிக்க உள்ளதாக வெளியாகி உள்ள தகவல் ரசிகர்களை மகிழ்ச்சியில் ஆழ்த்தி உள்ளது. 

சீரியல்களுக்கான வரவேற்பு அப்போதிலிருந்து இப்போது வரை குறையவில்லை. ஏராளமான இல்லத்தரசிகள் சீரியலை பார்க்க ஆர்வம் காட்டுகின்றனர். இந்நிலையில் சினிமா நடிகர்கள் இயக்குனர்கள் போன்றோரும் சீரியல் பக்கம் திரும்பி உள்ளனர். சினிமாவில் நடிப்பில் அசத்தி வந்த நடிகை ராதிகா சின்னத்திரையிலும் சாதனை படைத்தார். சினிமாவில் இயக்குனராக இருந்த மாரிமுத்து தற்போது சினிமாவில் பெரிய அளவில் வாய்ப்புகள் இல்லாத நிலையில், எதிர் நீச்சல் என்ற சீரியலில் நடித்து வருகிறார். இவரின் நடிப்புக்கு ரசிகர்கள் மத்தியில் நல்ல வரவேற்பு கிடைத்துள்ளது. இப்படிப்பட்ட சூழலில் சீரியலுக்கு என்ட்ரி கொடுக்கும், பிரஹர்ஷேதாவுக்கும் நல்ல வரவேற்பு கிடைக்கும் என்று எதிர்பார்க்கப்படுகிறது.

மேலும் படிக்க