Indian 2 | கமல் ரசிகர்களுக்கு ஒரு குட் நியூஸ்! கியர் போட்டு கிளம்பும் இந்தியன் 2!

பின்னர் கொரோனா ஊரடங்கும் தொற்றிக்கொள்ள அட என்னாடா இது இந்தியன்2 படம் வெளியாகுமா இல்லை அவ்வளவுதானா? என ரசிகர்கள் கிசுகிசுக்க தொடங்கிவிட்டனர்.இப்போது அந்த பிரச்சனை முடிவுக்கு வந்துவிட்டதாம்.

இந்தியன்_2

பிரம்மாண்ட இயக்குநர் என பெயர் போன ஷங்கர் இயக்கத்தில் 1996 ஆம் ஆண்டு வெளியான திரைப்படம்தான் இந்தியன் . இந்த திரைப்படத்தின் இரண்டாம் பாகத்தை எடுக்க முயற்சிகள் எடுக்கப்பட்ட நிலையில், ஆல் செட்...லைட்..கேமரா..ஆக்‌ஷனுடன் கடந்த ஆண்டு இதன் படப்பிடிப்பு தொடங்கப்பட்டது. இந்த படத்தில் முதல் பாகத்தில் நடித்த கமல்ஹாசன்தான் கதாநாயகநாக நடிக்கிறார் என்பது நாம் அறிந்ததே..இந்நிலையில் படம் பிரம்மாண்ட செட் அமைத்து ஷூட்டிங் நடந்துக்கொண்டிருந்த சமயத்தில் , கிரேன் நிலை தடுமாறி கீழே விழுந்து உதவி இயக்குநர் உட்பட மூன்று பேர் உயிரிழந்தனர். அதன் பிறகு சிறிது காலம் அமைதியாக இருந்த சூழலில் , தயாரிப்பு நிறுவனமான லைகா ஷங்கர் படத்தை விரைந்து முடித்துக்கொடுக்க வேண்டும் என வழக்கு தொடர்ந்தது.அதற்கு ஷங்கர் தரப்பும் சில காரணங்களை கூறி எதிர்ப்பு தெரிவித்தது. அந்த வழக்கு நீதிமன்றத்தில் விசாரணையில் இருக்கும் சூழலில்தான்  அரசியல் களம் கண்டார் கமல் , பின்னர் கொரோனா ஊரடங்கும் தொற்றிக்கொள்ள அட என்னாடா இது இந்தியன்2 படம் வெளியாகுமா இல்லை அவ்வளவுதானா? என ரசிகர்கள் கிசுகிசுக்க தொடங்கிவிட்டனர்.

இந்நிலையில் கடந்த சில நாட்களுக்கு முன்னதாக மீண்டும் விசாரணைக்கு வந்த இந்தியன் 2 வழக்கில், தயாரிப்பு தரப்பு மற்றும் இயக்குநர் தரப்பு இரண்டும் சுமூகமான நிலையை எட்டியதாக தெரிகிறது. மேலும் ஷங்கர் மற்ற படங்களை தற்காலிகமாக ஒத்தி வைத்துவிட்டு , முதலில் இந்தியன் 2 படத்திர்கு முன்னுரிமை கொடுக்க வேண்டும் என நீதிமன்றம் உத்தவிட்டுள்ளது. இந்நிலையில் படத்தை வருகிற டிசம்பர் 15 ஆம் தேதி முதல் மீண்டும் மறுதுவக்கம் செய்ய இருப்பதாக செய்திகள் வெளியாகியுள்ளது. இது கமல் ரசிகர்களை குஷியில் ஆழ்த்தியுள்ளது.

 முன்னதாகவே இது குறித்து வெளியான செய்தியில் அடுத்த மாதம் இடையில் படப்பிடிப்பு தொடங்கப்படும் என தெரிவிக்கப்பட்டிருந்தது. ஏற்கனவே இந்தியன் 2 படத்தின் 50 சதவிகித படப்ப்பிடிப்புகள் படமாக்கப்பட்ட நிலையில் தற்போது அடுத்தக்கட்ட படப்பிடிப்பை 100 நாட்களில் எடுத்து முடிக்க திட்டமிட்டுள்ளாராம் இயக்குநர் ஷங்கர். படத்தில் ஏற்கனவே  முக்கியமான வேடங்களில் ஒப்பந்தமாகியிருந்த விவேக் மற்றும் நெடுமுடி வேணு ஆகிய இருவரும் சமீபத்தில் உயிரிழந்ததால் அவர்களின் இடத்தை நிரப்ப சில மாறுதல்களை செய்ய படக்குழு முடிவெடுத்துள்ளதாக செய்திகள் வெளியாகியுள்ளது.இந்தியன் 2 படத்தில்  கமல்ஹாசனுக்கு ஜோடியாக காஜல் அகர்வால் நடிக்கிறார். இவர்கள் தவிர சித்தார்த், பிரியா பவானி சங்கர் உள்ளிட்ட பல முன்னணி நடிகர்களும் நடிக்க ஒப்பந்தமாகியுள்ளனர். படத்திற்கு இசையமைக்கவுள்ளார் ராக் ஸ்டார் அனிருத். ஏற்கனவே படத்தில் சில போஸ்டர் வெளியாகி எதிர்பார்ப்பை ஏற்படுத்திய நிலையில் படத்தின் அடுத்தடுத்த அப்டேட் விரைவில் வெளியாகும் என எதிர்பார்க்கலாம்