‛இந்த யுகத்தில் இப்படி ஒரு மனிதரா...’ அஜித் பற்றி அதிசயத்த ரன்பீர்!
Brahmastra: ரன்பீர் கபூர் சென்னையில் நடைபெற்ற "பிரம்மாஸ்திரா" படத்தின் விளம்பரத்தின் போது தமிழ் சினிமா ஹீரோக்கள் பற்றிய சில ஸ்வாரஸ்யமான தகவல்களை பகிர்ந்து கொண்டார்.
Ranbeer Kapoor about Ajith: படத்தை தவிர வேறு எங்கும் அவரை பார்க்கமுடியாது... ரன்பீர் சொன்ன அவரு யாரு?
நட்சத்திர ஜோடிகளான ரன்பீர் கபூர் - ஆலியா பட், அமிதாப் பச்சன், நாகார்ஜூனா நடிப்பில் வெளியாக தயாராக இருக்கும் திரைப்படம் "பிரம்மாஸ்திரா". ஹாலிவுட்டின் பிரபல தயாரிப்பு நிறுவனமான பாக்ஸ் ஸ்டார் ஸ்டுடியோஸ், இயக்குநர் கரண் ஜோஹரின் தர்மா தயாரிப்பு நிறுவனத்துடன் இணைந்து இப்படத்தை தயாரித்துள்ளது.
செப்டம்பர் 9 ரிலீஸ்:
செப்டம்பர் 9ம் தேதி இப்படம் தமிழ், தெலுங்கு, ஹிந்தி, மலையாளம், கன்னடம் என அனைத்து மொழிகளிலும் உலகளவில் வெளியாகவுள்ளது. சுமார் 300 கோடி ரூபாய் பொருட்செலவில் உருவாகியிருக்கும் இப்படத்தின் விளம்பர பணிகளில் மும்மரமாக படக்குழுவினர் ஈடுபட்டுள்ளனர்.
சென்னையில் ரன்பீர்:
"பிரம்மாஸ்திரா" படத்தின் விளம்பர பணிகளில் ஈடுபட்டுள்ளனர் ரியல் மற்றும் ரீல் ஜோடிகளான ரன்பீர் கபூர் மற்றும் ஆலியா பட். சென்னையில் நடைபெற்ற விளம்பரத்தின் போது ரன்பீர் கபூர் தமிழ் சினிமாவை பற்றிய சில ஸ்வாரஸ்யமான தகவல்களை பகிர்ந்து கொண்டார். அந்த வகையில் ரன்பீர் கபூர் தமிழ் சினிமாவின் முன்னணி ஹீரோக்கள் பற்றியும் அவர்களில் பிடித்த சில விஷயங்களை பற்றியும் பகிர்ந்து கொண்டார்.
Stunning visuals of #DanceKaBhoot song#Brahmastra #Ranbirkapoor pic.twitter.com/AzluSMa1yC
— Brahmastra (@Brahmastrabot) August 25, 2022
தல அஜித் பற்றி ரன்பீர் :
அந்த வகையில் நம்ம அல்டிமேட் ஸ்டார் அஜித் குமார் பற்றி ரன்பீர் கபூர் கூறிய சில விஷயங்களை நாமே உணர்ந்து இருக்கிறோம். நடிகர் அஜித் ஒரு சிறந்த மனிதர். அவரை படங்களில் மட்டுமே நாம் காணமுடியும். மிகவும் தன்னடக்கமானவர். அவரின் புகைப்படங்களை கூட நாம் சமூகவலைத்தளங்களில் அவ்வளவு எளிதாக பார்த்து விட முடியாது. இந்த யுகத்தில் இப்படியும் ஒரு மனிதரை என்று அனைவரும் வியக்கும் அளவிற்கு இருக்கிறார். அவர் ஒரு சூப்பர் நடிகர் என்பதை தாண்டியும் அவரிடம் எனக்கு பிடித்த நான் வியக்கும் சில விஷயங்கள் இவை" என மிகவும் சந்தோஷமாக நம்ம அஜித் பற்றி பேசியிருந்தார் ரன்பீர் கபூர். இந்த நியூஸ் தற்போது சமூக வலைத்தளங்களில் வைரலாகி வருகிறது.
Meme material 😍😂#NagarjunaAkkineni #RanbirKapoor pic.twitter.com/giYG8MurEj
— 🌼 (@Rk_is_unique) August 25, 2022
AK 61 எப்போ வெளியாகிறது :
நடிகர் அஜித் குமார் தற்போது AK 61 படத்தில் நடித்து வருகிறார். ஹெச். வினோத் இயக்கத்தில் போனி கபூர் தயாரிப்பில் உருவாகி வரும் இப்படத்திற்கு தற்காலிகமாக AK 61 என்று வைத்துள்ளனர். படத்தின் படப்பிடிப்பு தற்போது நடைபெற்று வருகிறது. இப்படத்தில் அஜித் ஜோடியாக நடிகை மஞ்சு வாரியார் நடிக்கிறார் என கூறப்படுகிறது. படத்திற்கு இசையமைக்கிறார் ஜிப்ரான். இப்படம் டிசம்பர் 2022 அல்லது ஜனவரி 2023 வெளியாகும் என எதிர்பார்க்கப்படுகிறது. இந்த படத்தின் படப்பிடிப்பு முடிவடைந்தவுடன் AK 62 படத்தில் நடிக்க உள்ளார் என சினிமா வட்டாரங்கள் கூறுகின்றன.
தலைப்பு செய்திகள்
ட்ரெண்டிங் செய்திகள்
