Kavin : எந்த நடிகையுடன் முத்தக்காட்சியில் நடிக்க ஆசை ? கவின் சொன்ன பதில் என்ன தெரியுமா ?

எந்த நடிகையுடன் முத்த காட்சியில் நடிக்க ஆசை என்கிற கேள்விக்கு நடிகர் கவின் அளித்த பதில் ரசிகர்களை கவர்ந்துள்ளது

பிளடி பெக்கர் , கவின்

Source : Twitter

கவின்

நடிகர் கவின் அடுத்தடுத்த வெற்றிப்படங்களை கொடுத்து தமிழ் சினிமாவில் தனக்கென ஒரு தனி அடையாளத்தை உருவாக்கி வருகிறார் . டாடா , ஸ்டார் ஆகிய படங்களின் வெற்றியைத் தொடர்ந்து தற்போது அவர் நடிப்பில் வெளியாகியுள்ள பிளடி பெக்கர் படம் திரையரங்கில் வெற்றிகரமாக ஓடிக்கொண்டிருக்கிறது. பிளடி பெக்கர் படம் இதுவரை இந்தியளவில் 5 கோடிக்கும் மேலாக வசூலித்துள்ளதாக சாக்னிக் தளம் தகவல் வெளியிட்டுள்ளது. இயக்குநர் நெல்சனின் ஃபிலமெண்ட் பிக்ச்சர்ஸ் இப்படத்தை தயாரித்துள்ளது. அறிமுக இயக்குநர் சிவபாலன் இந்த படத்தை இயக்கியுள்ளார். நெல்சனின் உதவி இயக்குநர் என்பதால் இப்படத்தை முழுக்க முழுக்க டார்க் ஹ்யூமர் படமாக சிவபாலன் இயக்கியுள்ளார் . இப்படம் அனைத்து தரப்பு ரசிகர்களுக்கும் பிடிக்குமா என்று தெரியவில்லை ஆனால் கொஞ்சம் வித்தியாசமான ஒரு படம் பார்க்க நினைப்பவர்களுக்கு நிச்சயம் பிடிக்கும் என படம் பார்த்த ரசிகர்கள் தெரிவித்துள்ளார்கள்.

முன்னதாக கவின் நடித்த ஸ்டார் படம் 17 கோடி வரை வசூலித்திருந்த நிலையில் தற்போது பிளடி பெக்கர் படமும் வசூல் ரீதியாக வெற்றிபெற்றுள்ளது அவருக்கு அடுத்தடுத்த பட வாய்ப்புகளை அதிகரிக்கும் என எதிர்பார்க்கலாம்

முத்தக்காட்சி குறித்து கவின்

பொதுவாக நடிகர்கள் தங்களது ஆரம்பகால படங்களில் காமெடி கதைக்களங்களையே பெரிதும் நம்பியிருக்கிறார்கள். அடுத்தபடியாக ரொமான்ஸ் , ஆக்‌ஷன் என அவர்களது கரியர் வளரும். அந்த வகையில் கவினும் தற்போது ரொமான்ஸ் மற்றும் காமெடி அம்சம் உள்ள கதைக்களங்களை தேர்ந்தெடுத்து நடித்து வருகிறார். கூடிய விரைவில் அவரை ஆக்‌ஷன் ஹீரோவாகவும் எதிர்பார்க்கலாம். சமீபத்தில் நிகழ்ச்சி ஒன்றில் கவின் எந்த நடிகையுடன் முத்த காட்சியில் நடிக்க விரும்புகிறார் என்கிற கேள்வி கேட்கப்பட்டது. இதற்கு கவின் கொடுத்த பதில் ரசிகர்களை ஈர்த்துள்ளது.

" இந்த நடிகையுடன் தான் முத்தக் காட்சியில் நடிக்க வேண்டும் என்று எல்லாம் எந்த ஆசையும் இல்லை. எனக்கு எப்போதும் கதை தான் முக்கியம். கதைக்கும் தேவைப்படும் போது தான் முத்த காட்சியில் நடிப்பேன்' என கவின் தெரிவித்துள்ளார். 

---

மேலும் படிக்க : Thalapathy 69: விஜய்யின் கடைசி படம்! இன்று மீண்டும் தொடங்கிய ஷூட்டிங் - குஷியில் ரசிகர்கள்!