Kamalhassan quits Bigg Boss: குட் பை பிக் பாஸ்... விலக தயாரான கமல்ஹாசன்... குறையும் டிஆர்பி தான் காரணமா?

விஜய் டிவியில் ஒளிபரப்பாகி வரும் பிக் பாஸ் நிகழ்ச்சியில் இருந்து விலகி நடிப்பில் தனது முழு கவனத்தை செலுத்த உள்ளார் கமல்ஹாசன் எனும் தகவல் வெளியாகி ரசிகர்களை சோகத்தில் ஆழ்த்தியுள்ளது.

பிக் பாஸ் நிகழ்ச்சியில் இருந்து விலகும் கமல்

 

விஜய் டிவியில் ஒளிபரப்பாகி வரும் ரியாலிட்ட  ஷோவான பிக் பாஸ் நிகழ்ச்சிக்கு ஏராளமான ரசிகர்கள் உள்ளனர். பிக்பாஸ் தமிழ் தற்போது தனது 6 ஆவது சீசனை ஒளிபரப்பி வருகிறது. இந்த நிகழ்ச்சியை கடந்த ஆறு சீன்களாக வெற்றிகரமாக தொகுத்து வழங்கி வருகிறார் கமல்ஹாசன். இவருக்காகவே பிக் பாஸ் நிகழ்ச்சியை பார்ப்பவர்களும் உண்டு. அப்படி ரசிகர்களை சந்தோஷப்படுத்தி வந்த கமல்ஹாசன் நிகழ்ச்சியில் இருந்து வெளியேறுவதாக தகவல் வெளியாகியுள்ளது. 

 

மாஸ் என்ட்ரி கொடுத்த கமல் :

தமிழ் சினிமாவின் மிக பெரிய அடையாளமாக இருக்கும் கலைஞன கமல்ஹாசன் நடிப்பில் இந்த ஆண்டு வெளியான 'விக்ரம்' திரைப்படம் ஒரு பிளாக் பஸ்டர் ஹிட் படமாக வெற்றி பெற்றதை தொடர்ந்து அடுத்தடுத்து பல படங்களில் ஒப்பந்தமாகி நடித்து வருகிறார். முன்னதாக, கமல்ஹாசன் தன்னுடைய மக்கள் நீதி மய்யம் கட்சியில் முழு கவனத்தை செலுத்துவதற்காக திரைப்படங்களில் நடிப்பதில் இருந்து சற்று விலகி இருந்தார். ஆனால் மறுபடியும் திரை துறையில் மீண்டும் ஒரு மாஸான என்ட்ரி கொடுத்துள்ளதால் தற்போது அவர் தொகுத்து வழங்கி வரும் பிக் பாஸ் நிகழ்ச்சியின் அடுத்த சீசனில் இருந்து விலக உள்ளார் எனும் தகவல் தற்போது வெளியாகியுள்ளது.

 

The task held by #Kamal sir about #Promo content, whom do u think giving promo contents.

Enakku ennamo #Dhanalakshmi said #Shivin name only becoz shiv said her name. #BiggBoss #BiggBossTamil #BiggBossTamil6 pic.twitter.com/ENLzpAL74z

— Bigg Boss Tamil S6 (@BBTamil_S6) December 3, 2022

 

பிக் பாஸ் நிகழ்ச்சியில் இருந்து விலக காரணம் :

தற்போது ஒளிபரப்பாகி வரும் பிக் பாஸ் சீசன் 6 வரும் ஜனவரி 2023ல் நிறைவு பெறவுள்ளது. எனவே பிக் பாஸ் ஃபைனல்ஸ் முடிந்த பிறகு கமல்ஹாசனின் விலகல் குறித்த அதிகாரப்பூர்வமான தகவல் வெளியாகும் என எதிர்பார்க்கப்படுகிறது. பிக் பாஸ் நிகழ்ச்சியின் தயாரிப்பாளார்கள் கமலுக்கு பெரிய அளவில் சம்பளம் கொடுக்கவும் தயாராக இருந்தாலும், அவர் இந்த நிகழ்ச்சியில் தொடர விருப்பம் காட்டவில்லை என கூறப்படுகிறது. மேலும் தற்போது ஒளிபரப்பாகி வரும் சீசன் டிஆர்பியும் மிகவும் குறைவாக இருப்பதும் இதற்கு ஒரு காரணமாக இருக்கலாம் என கூறப்படுகிறது. இதனால், அவருடைய நேரத்தையும் கவனத்தையும் நடிப்பில் செலுத்த விருப்பப்படுவதாக தெரிகிறது. 

கமல்ஹாசனின் பிஸி ஷெட்யூல் :
 
கமல்ஹாசன் தற்போது இந்தியன் 2 படப்பிடிப்பில் பிஸியாக இருந்து வருகிறார். ஷங்கர் இயக்கத்தில் உருவாகி வரும் இப்படத்தின் டீசர் புத்தாண்டை முன்னிட்டு வெளியாகும் என எதிர்பார்க்கப்படுகிறது. இப்படத்தின் படப்பிடிப்பு மார்ச் 2023 முடிக்க திட்டமிட்டுள்ளனர் படக்குழுவினர். அதைத்தொடர்ந்து அவரின் KH 234 படத்தை இயக்குனர் மணிரத்னம் இயக்க உள்ளார் எனும் தகவல் ஏற்கனவே வெளியானது. அதை தொடர்ந்து பல இளம் இயக்குனர்களின் படங்களிலும் நடிக்க உள்ளார் கமல்ஹாசன் என கூறப்படுகிறது.