Bigg Boss Promo: சாப்பாட்டால் வெடிக்கப்போகும் மோதல்.. சண்டைக்கோழியாக மாறிய பிரதீப் ஆண்டனி.. சூடுபிடிக்கும் பிக்பாஸ்!

Bigg Boss Season 7: டிஸ்கஸ் பண்ணாத உணவுகளை சமைப்பதாக பிரதீப் குற்றம்சாட்டுகிறார். தொடர்ந்து இன்னைக்கு நைட் சிக்கன் ஃப்ரை எனக்கு வேண்டும் என்று பிரதீப் கேட்க சமைப்பவர்கள் மறுக்கின்றனர்.

பிரதீப் ஆண்டனி, விஜய்

பிக்பாஸில் இன்றைய மூன்றாவது நாளின் அடுத்த ப்ரோமோ வெளியாகி எதிர்பார்ப்பைக் கூட்டியுள்ளது.
இந்த ப்ரோமோவில் கவினின் நண்பரும் நடிகருமான பிரதீப் ஆண்டனிக்கும், இந்த வார கேப்டன் விஜய்க்க்கும் மோதல் வெடித்துள்ளது ரசிகர்களை பரபரப்பாக்கும் வகையில் அமைந்துள்ளது.

பரபரப்பான மூன்றாவது நாள்

பிக்பாஸ் நிகழ்ச்சி (Bigg Boss Season 7) தொடங்கி மூன்றாவது நாளில் இன்று போட்டியாளர்கள் அடியெடுத்து வைத்திருக்கும் நிலையில்,  சண்டையும் சச்சரவுமாய் இன்றைய பொழுது விடிந்துள்ளது. அதன்படி முந்தைய ப்ரோமோவில் விசித்ரா, விஜய் இருவருடனும் பிரதீப் ஆண்டனிக்கு வாக்குவாதம் வெடித்தது. 

ஸ்மால் பாஸ் வீட்டில் இருப்பவர்கள் தான் சமைக்க வேண்டும் என்ற விதியை மீறி விசித்ரா, யுகேந்திரன் இருவரும் சமைத்த நிலையில், அவர்கள் ஸ்மால் பாஸ் வீட்டுக்கு அனுப்பப்படுவார்கள் என பிக் பாஸ் கூறினார். இதனை அடுத்து ஸ்மால் பாஸ் இருந்து வீட்டில் நாமினேட் ஆகாத இருவரை விசித்ரா, யுகேந்திரனுக்கு பதிலாக அனுப்பும்படி பிரதீப் கேட்க, இவர்களுக்குள் உடனே வாக்குவாதம் வெடித்தது.

சண்ட பண்ணுவோம்..

இந்நிலையில் தற்போதைய ப்ரோமோவில் வாக்குவாதம் முற்ற, இந்த வார கேப்டன் விஜய் இவர்களை குக் பண்ண விட்டதாக பிரதீப் புகார் வைக்கிறார். இதனை அடுத்து விஜய்க்கும் பிரதீப்புக்கும் வாக்குவாதம் சூடிபிடிக்கிறது. 

மேலும் டிஸ்கஸ் பண்ணாத உணவுகளை சமைப்பதாக பிரதீப் குற்றம்சாட்டுகிறார். தொடர்ந்து இன்னைக்கு நைட் சிக்கன் ஃப்ரை எனக்கு வேண்டும் என்று சமைக்கும் நபர்களிடம் பிரதீப் கேட்க, அவர்கள் மறுக்கின்றனர். தான் வாங்கிய சாமான்களை தன்னிடம் தரும்படியும் பிரதீப் கேட்கிறார்.

பிக் பாஸ் கோர்த்து விடாமலேயே இவர்களுக்குள் முட்டல் மோதல் தொடங்கியுள்ள நிலையில், இன்றைய மூன்றாவது எபிசோடை எதிர்பார்த்து பரபரப்புடன் காத்திருக்கின்றனர் ரசிகர்கள்!

ஆடை பற்றி அட்வைஸ் தந்த விசித்ரா

இதேபோல முன்னதாக ரவீனா தாஹாவிடம் ஆடை பற்றி விசித்ரா அட்வைஸ் கொடுத்த நிலையில், அது ஒரு விவாதமாக மாறியது, ஐஸூ, மாயா, ஆகியோர் கூடி பேசிக்கொண்டிருக்கும் நிலையில், இதற்காக ரவீனா வருத்தப்படுகிறார். அதற்கு மாயா “அவங்க அவங்க பெட்டில இருக்க ட்ரெஸ் தான் போட முடியும், புடிச்சமாதிரி தான் ட்ரெஸ் போட முடியும்” என ஸ்ட்ரிக்க்ட்டாக பேசுகிறார். இதனைக் கேட்டு ரவீனா ஆறுதல் அடைந்த நிலையில், விசித்ராவின் ஆடை பற்றிய இந்த கமெண்ட் சோஷியல் மீடியாவில் எதிர்ப்புகளை சம்பாதித்து வருகிறது.

 ஸ்மால் பாஸ், பிக் பாஸ் என இந்த சீசனில் வீடுகள் பிரிந்து புதிய விதிமுறைகள் பின்பற்றப்படுவது ஏற்கெனவே போட்டியாளர்களை அதிர்ச்சியில் ஆழ்த்தியுள்ளது. 

அக்‌ஷயா உதயகுமார், ஐஷூ, விஜய், நிக்ஸன்,  கூல் சுரேஷ்,  ஜோவிகா விஜயகுமார், பிரதீப் ஆண்டனி, பவா செல்லதுரை,  விஷ்ணு விஜய்,அனன்யா ராவ், பூர்ணிமா ரவி, வினுஷா தேவி, யுகேந்திரன் வாசுதேவன்,  சரவண விக்ரம்,  மாயா கிருஷ்ணா, விசித்ரா,  மணி சந்திரா, ரவீனா தாஹா என மொத்தம் 18 பேர் போட்டியாளர்கள் இந்த சீசனில் பங்கேற்றுள்ளனர்.