Bigg Boss 5 Tamil Winner: எத்தனையோ நடிகருக்கு இந்த வேலையை நான் செய்திருக்கேன் - கடந்த காலத்தை பகிர்ந்த பிக்பாஸ் வின்னர் ராஜு
சில வருடங்களுக்கு முன்னர் என்னோட வேலையே இதுதான். நான் பல ஸ்டார்ஸுக்கு AV கட் பண்ணியிருக்கிறேன் - ராஜு
விஜய் டிவியில் பிக்பாஸ் நிகழ்ச்சி மிகவும் பிரபலம் 2017ஆம் ஆண்டு முதல் ஒளிபரப்பாகி வரும் இந்நிகழ்ச்சியை கடந்த ஐந்து ஆண்டுகளாக நடிகரும், மக்கள் நீதி மய்யம் தலைவருமான கமல் ஹாசன் தொகுத்து வழங்கி வருகிறார்.
இந்நிகழ்ச்சியின் ஐந்தாவது சீசன் கடந்த அக்டோபர் மாதம் தொடங்கியது. இதில் ராஜு ஜெயமோகன், இமான் அண்ணாச்சி, பிரியங்கா, தாமரை செல்வி, அக்ஷரா, நிரூப், சிபி சந்திரன், வருண் உள்ளிட்டோர் போட்டியாளர்களாக பங்கேற்றனர். அமீர், சஞ்சீவ் உள்ளிட்டோர் வைல்ட் கார்டு என்ட்ரியாக பிக் பாஸ் வீட்டுக்குள் சென்றனர். இவர்களில் ராஜு, பிரியங்கா, பாவ்னி, அமீர், நிரூப் ஆகிய ஐந்து பேரும் இறுதி போட்டியாளர்களாக தேர்ந்தெடுக்கப்பட்டனர்.
இந்த ஐந்து பேரில் ராஜு ஜெயமோகன் டைட்டில் வின்னராகவும், பிரியங்கா ரன்னராகவும் வெற்றி பெற்றனர். பிக்பாஸ் ஃபைனலுக்கு நடிகர் சிவகார்த்திகேயன் சிறப்பு விருந்தினராக கலந்துகொண்டார்.
முன்னதாக இறுதி நிகழ்ச்சிக்கு முதல் நாள் அனைத்து போட்டியாளர்களையும் அழைத்து அவர்கள் பிக்பாஸ் வீட்டில் வாழ்ந்து முடித்த AV குறும்படங்களை பிக்பாஸ் ஒளிபரப்பினார். அப்படி ராஜூவையும் அழைத்து பிக்பாஸ், அவருக்கான குறும்படத்தை ஒளிபரப்பு செய்தார்.
ராஜுவிடம் பேசிய பிக்பாஸ், “ராஜூ உங்களை உலகுக்கு தெரியப்படுத்துவதற்காக பிக்பாஸ் வீட்டுக்குள் வந்தீர்கள். குறைவாக பேசி நிறைய உள்ளங்களை கவர்ந்தீர்கள்.
நாளடைவில் நகைச்சுவையின் நாயகனாக கவர்ந்தீர்கள். பல நேரங்களில் கோபத்தை கட்டுப்படுத்தி, சில நேரங்களில் அதற்கு இரையாவீர்கள். பின்னர் தம்பிக்கு அண்ணனாக, அண்ணனுக்கு தம்பியாக, இந்த வீட்டின் எண்டர்டெயினராக இருந்து வருகிறீகள். நல்ல பாடி, நல்ல பிரெய்ன் இருக்கும் ராஜூ பாய் நீங்கள்!” என்று குறிப்பிட்டார்.
அப்போது பேசிய ராஜூ, “சில வருடங்களுக்கு முன்னர் என்னோட வேலையே இதுதான். நான் பல ஸ்டார்ஸுக்கு AV கட் பண்ணியிருக்கிறேன். பல ஸ்டார்ஸ்க்கு நான் குட்டி குட்டி கன்டென்ட்டாக எடுத்து இப்படி AV கட் பண்ணுவேன். ஆனால் இன்று யாரோ எனக்கு இப்படி பண்ணியிருக்கிறார்கள்” என்றார் உருக்கமாக.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
மேலும் வாசிக்க: M.G.R. Birthday : எம்.ஜி.ஆர். தெரியும்.! இதெல்லாம் தெரியுமா? எம்.ஜி.ஆர். பற்றிய சுவாரஸ்ய தகவல்கள்!
தலைப்பு செய்திகள்
ட்ரெண்டிங் செய்திகள்
