‛வீடு ரெடி..வீரர்கள் ரெடி.. வேட்டையாட நீங்க ரெடியா?’ கர்ஜிக்கும் பிக்பாஸ் கமல்!
Bigboss Season 6 Promo : இன்னும் இரண்டே நாட்களில் துவங்கவிருக்கும் பிக் பாஸ் 6-வது சீசனின் துவக்க விழா ப்ரோமோ வெளியாகிவுள்ளது
பிக்பாஸ் 6 வது சீசன் ஆரம்பிக்க, இன்னும் இரண்டு நாட்கள் மட்டும் உள்ள நிலையில், அந்நிகழ்ச்சியை ஒளிபரப்பாக்கும் தனியார் தொலைகாட்சி, அதற்கான ப்ரோமோ வீடியோ ஒன்றை வெளியிட்டுள்ளது.
இதுவரை வெற்றிகரமாக 5 சீசன்களை கடந்த பிக்பாஸ் நிகழ்ச்சி, 6வது சீசனுக்கு ஆயத்தம் ஆனது. இந்தியன் 2 படப்பிடிப்பில், கமல் பிசியாக உள்ளதால், இந்நிகழ்ச்சியை யார் தொகுத்து வழங்வார் என்ற சந்தேகம் முன்பு நிலவி வந்தது. ஆனால் உலக நாயகன் பிக்பாஸ் சீசன் 6-ன் போஸ்டரில் போஸ் கொடுத்து, இந்த சீசனையும் நான் தான் தொகுத்து வழங்கவேன் என்று பச்சை கொடி காட்டிவிட்டார்.
பொதுவாக ஒரு சீசன் துவங்கும் முன்னர், பிரமாண்ட துவக்க விழா ஒன்று விடிய விடிய ஒளிபரப்படும். 6 மணிக்கு ஆரம்பித்து இரவு 12 மணி வரை கூட இந்த துவக்க விழா நீண்டு கொண்டு போகும். இந்த நிகழ்ச்சியில்தான், பிக்பாஸில் கலந்து கொள்பவர்களின் பட்டியல் வெளியாகும். ஒவ்வொருவருக்கும் ஸ்பெஷல் வரவேற்பு கொடுக்கப்படும், அதில் அவர்கள் தங்களை பற்றி அறிமுகப்படுத்தி கொள்வர்.
View this post on Instagram
இந்த நிகழ்ச்சி வரும் ஞாயிற்றுகிழமை 6 மணிக்கு (அக்டோபர் 9) துவங்கவுள்ளது. அதனையொட்டி ஒரு குட்டி ப்ரொமோ ஒன்று வெளியாகிவுள்ளது. அதில் நடிகர் கமல் “ வீடு ரெடி, வீரர்கள் ரெடி , வேட்டையாட நீங்க ரெடியா? இன்னும் இரண்டு நாட்களில்..” என்று மாஸாக பேசியுள்ளார். தனியார் தொலைக்காட்சியில் ஒரு மணி நேர தொகுப்பையும், ஓடிடி தளமான டிஸ்னி ப்ளஸ் ஹாட்ஸ்டாரில் நேரலை காட்சியையும் காணலாம்.
இந்த சீசனில் விஜய் டிவி தொகுப்பாளர் ரக்ஷன், சுசித்ராவின் முன்னள் கணவர் கார்த்திக்குமார், சூப்பர் சிங்கர் ராக லெட்சுமி, இசையமைப்பாளர் இமானின் முன்னாள் மனைவி மோனிகா, தொகுப்பாளினி டிடி, பாலிமர் செய்தி வாசிப்பாளர் ரஞ்சித், சீரியல் நடிகை ஸ்ரீநதி, குக் வித் கோமாளி தர்ஷா குப்தா உள்ளிட்டோர் பங்கேற்க இருப்பதாக சொல்லப்படுகிறது.
மேலும் படிக்க : Arun Bali: ஹேராம் படத்தில் நடித்த பிரபல நடிகர் மரணம்...திரையுலகினர் அதிர்ச்சி!
Before You Go
Parthiban Apology | ”நான் சாதி பார்க்குறவனா? வாய் தவறி பேசிட்டேன்” பார்த்திபன் அந்தர்பல்டி
தலைப்பு செய்திகள்
ட்ரெண்டிங் செய்திகள்
