Bianca Censori : சென்ஸாரே இல்லாமல் விருதுவிழாவிற்கு வந்த மாடல்...துரத்திய நிர்வாகம்

கிராமி விருது விழாவில் பிரபல மாடல் முழு நிர்வாணமாக வந்ததைத் தொடர்ந்து நிர்வாகம் அவரை விருது விழாவில் இருந்து திருப்பி அனுப்பியது

பியான்கா சென்ஸரி

Source : Twitter

கிராமி விருதுகள் 2025

அமெரிக்காவின் இசைத்துறை நடப்பாண்டிற்கான அதன் முதல் முக்கிய நிகழ்வாக,  67வது வருடாந்திர கிராமி விருதுகள் நிகழ்ச்சியை கொண்டாடி உள்ளது. முக்கிய நிகழ்விற்கு முன்னதாக நடைபெற்ற பிரீமியர் விழாவில், இந்த ஆண்டுக்கான கிராமி விழாவை அதிகாரப்பூர்வமாக தொடங்கப்பட்டது. அதோடு தெற்கு கலிஃபோர்னியாவில் காட்டுத்தீயால் பாதிக்கப்பட்டவர்களுக்கு இதயப்பூர்வமான அஞ்சலி செலுத்தப்பட்டது. மொத்தமுள்ள 94 பிரிவுகளில் 84 பிரிவுகளில் வெற்றி பெற்றவர்களின் விவரங்களும் அறிவிக்கப்பட்டது. அதன்படி, சிறந்த நாட்டுப்புற ஆல்பமாக Beyoncé-ன் கவ்பாய் கார்ட்டர் பாடல் தேர்வானது. அதிகபட்சமாக ‘Not Like Us’ பாடல் மூன்று விருதுகளை வென்றது. 

பியான்கா சென்ஸரி Bianca Censori

விருது விழாவில் பல பிரபல இசை கலைஞர்கள் விதவிதமான காஸ்டியூமில் வருகை தந்தார்கள். அந்த வகையில்  பிரபல ராப் பாடகர் கான்யே வெஸ்ட் மற்றும் அவரது மனைவி பியான்கா சென்ஸரி சர்ச்சையை ஏற்படுத்தியுள்ளார்க. பிரபல மாடலான பியன்கா சென்ஸரி மற்றும் பிரபல ராப் பாடகர் கான்யெ வெஸ்ட் கடந்த 2022 ஆம் ஆண்டு திருமணம் செய்துகொண்டார்கள். இருவரும் தங்கள் செல்லும் இடங்களில் தங்களது உடுத்தும் ஆடைகளில் தொடர் பரபரப்பை ஏற்படுத்துவது வழக்கம். 

அந்த வகையில் நடந்து முடிந்த கிராமி விருது விழாவில் இருவரும் கலந்துகொண்டார்கள். அப்போது பியான்கா சென்ஸரி உடல் மொத்தமும் தெரியும்படி திரை போல் மெல்லிய ஆடை அணிந்தது விருது விழாவில் பெரும் பரபரப்பை ஏற்படுத்தியுள்ளது. அவரது ஆடையை கண்டித்த நிர்வாகம் இருவரை விழாவை விட்டு திருப்பி அனுப்பியது .

பியான்காவின் வீடியோ சமூக வலைதளங்களில் காட்டுத்தீப் போல் ஷேர் செய்யப்பட்டு வருகிறது. ஒரு தரப்பு மக்கள் இதை போல்டான பேஷனாக வரவேற்து வருகிறார்கள். இதே மாதிரி ஒரு சாமானியன் ஆடை அணிந்தால் அவனை கைது செய்கிறார்கள் அதுவே செலிபிரிட்டி செய்தால் சும்மா விடுகிறார்கள் என இன்னொரு தரப்பு விமர்சனம் தெரிவித்து வருகிறார்கள்.