கழுத்தெல்லாம் கருப்பா ஆகுதா.. இத பண்ணுங்க : பாரதி கண்ணம்மா, வெண்பா கொடுத்த டிப்ஸ்தான் இது..!

பாரதி கண்ணம்மா தொடர் ஃபரினா, கருவளையம் வராமல் இருக்க என்ன செய்யவேண்டும் என்பது குறித்து அழகுக் குறிப்பு கொடுத்துள்ளார்.

ஃபரினா

வெள்ளித்திரையில் நடிக்கும் நடிகர், நடிகைகளே விட தற்போது உள்ள காலகட்டத்தில் சின்னத் திரையில் நடிக்கும் நடிகர், நடிகைகளே  அதிக அளவு பிரபலமாகிறார்கள். அந்த அளவில் மக்கள் மனதில் இடம் பிடித்தவர் ஃபரினா. விஜய் தொலைக்காட்சியில் ஒளிப்பரபான பாரதி கண்ணம்மா தொடரில் வில்லியாக வெண்பா என்ற கதாபாத்திரத்தில் நடித்துப் பிரபலமானார். வில்லி என்றால் கோபமாக இருப்பார்கள். அதனாலேயே அவர்களை பலரும் வசப்படுவார்களே. ஆனால் வெண்பாவை மட்டும், அனைவரும் ரசித்தனர். ஒரு வில்லி இவ்ளோ அழகாக இருப்பாரா என்ற அளவுக்கும் ரசிகர்கள், ரசிக்க ஆரம்பித்தனர். சமூக வலைதளங்களில் எப்போதும் ஆக்டிவாக இருக்கும் இவர், அடிக்கடி தனது புகைப்படங்களை வெளியிட்டு வருவதை வழக்கமாக வைத்து இருக்கிறார். 

இந்நிலையில் சமீபத்தில் ஃபரினா யூடியூப் சேனல் ஒன்றுக்கு பேட்டி கொடுத்தார். அப்போது அவரிடம், அழகு சம்பந்தமான ரகசியக் குறிப்புகள் குறித்த கேள்வி கேட்கப்பட்டது. அதற்கு பதிலளித்த ஃபரினா, "ஃபேசியல் செய்வதில் மக்கள் அதிகமாகக் கவனம் செலுத்தி வருகின்றனர். ஆனால் அதை செய்வதால் மட்டும் ஒன்றும் மாற்றம் வருவதில்லை. நாம் சாப்பிடும் பொருட்கள்தான் முக்கியம்.  பரு வருகிறது என்றால், சிக்கன் சாப்பிடுவதை நிறுத்த வேண்டும். சாப்பிட்டாலும் அதனை ஈடு செய்யும் படி தயிர் சாப்பிட வேண்டும். தினமும் ஜூஸ், சர்க்கரை போடாமல் குடிக்க வேண்டும். 

தூக்கம் இல்லாமல் இருந்தால் தான் கருவளையம் வரும். அதனால் நான் தூக்கத்திற்கு நான் அதிகமாக முக்கியத்துவம் கொடுக்கிறேன். கருவளையம் வரக்கூடாது என்றால் உருளைக்கிழங்குகளை அரைத்து கண்ணுக்கு கீழே பூச வேண்டும். 

இன்ஸ்டன்ட் ஃபேஸ் பேக்

காபி தூள்களுடன், தேன் கலந்து  ஃபேஸ் பேக் போடவேண்டும். வெளியே போகும் முன்னாடி 20 நிமிடத்திற்கு முன்னால், இதனைப் பயன்படுத்திவிட்டுச் சென்றால் முகம் பளிச்சு என்று மாறிவிடும். மஞ்சளில், பால் சேர்த்து முகத்தில் போட வேண்டும். பலரும் அதிகமாக மஞ்சள் போடுவார்கள். ஆனால் மஞ்சளை கம்மியாக போட்டுவிட்டு, பாலை அதிகமாகப் பயன்படுத்த வேண்டும்.  கழுத்திலும் இந்த பேக் போட்டால் கருப்பாக மாறாது

நகத்தை எப்படி பராமரிப்பது

நகத்திற்குக் கூட எண்ணெய் வைக்கலாம். ஆலிவ் எண்ணெய் வைக்கலாம். சுடு தண்ணீரில், உப்பு போட்டு காலை வைத்தால், கால் மிகவும் சுத்தமாக மாறும். கால்களுக்கு என்னவெல்லாம் செய்கிறோமோ அதை கைகளிலும் போட வேண்டும். ஏனென்றால் வெயில் படும் இடம் கைகள்தான். அதனால் முகத்திற்குப் போடும் அனைத்தையும் கைகளுக்கும் போட்டால் கருப்பாகாமல்,  இருக்கும். முகம், கைகளில் மொத்தமாக ஃபேஸ் பேக் போட வேண்டும். இந்த உணவைத்தான் சாப்பிடுவேன். மற்றதைச் சாப்பிட மாட்டேன் என சொல்லக்கூடாது. அனைத்திலும் ஊட்டச்சத்து இருக்கிறது" என கூறினார். இவரின் அழகு குறிப்பு வீடியோவை பார்த்த பலரும் அதனைப் பின்பற்ற உள்ளதாக சமூக வலைதளங்களில் தெரிவித்துள்ளனர்.