வானமோ நீலம்.. நீதான் என் பாலம்.. பொறுமையை சோதிக்கும் பாரதி கண்ணம்மா.. கலாய்க்கும் நெட்டிசன்கள்..

லட்சுமி, பாரதியின் குடும்பத்தையே கதறவைக்க முடிவு எடுத்தது போன்று கதைக்களம் நகர்கிறது.

பாரதி கண்ணம்மா சீரியல்

லட்சுமியின் அப்பா டாக்டர் பாரதி தான் எனத் தெரிந்துக்கொண்ட பின்னர், சீரியலுக்கு என்கார்ட் போட போகிறார்கள் என நினைத்தால், தற்போது கண்ணம்மாவுக்காக இனி பாரதி குடும்பத்தையே கதற வைக்க முடிவு எடுத்துள்ளார் லட்சுமி..இந்த ப்ரோமோவைப்பார்த்த ரசிகர்கள் இச்சீரியலைப்பார்க்கும் ரசிகர்களுக்குப் பொறுமைசாலி விருதுதான் தர வேண்டும் என கலாய்த்துவருகின்றனர்.

பாரதி கண்ணம்மா சீரியல் கடந்த சில வாரங்களாகவே விறுவிறுப்பாக நடைபெற்றுவருகிறது. 8 ஆண்டுகளாகப் பிரிந்து வாழும் பாரதி மற்றும் கண்ணம்மா தங்களது குழந்தைகளுடன் எப்போது சேரப் போகிறார்கள் என ரசிகர்கள் எதிர்ப்பார்த்துக் காத்துள்ளனர். ஆனால் சேருவது போன்று கதைக்களம் நகர்ந்து மீண்டும் புதிய கதைக்குள் ரசிகர்களை அழைத்து சென்றது. இந்நிலையில் தனது அப்பாவைத் தேடி அலைந்த லட்சுமி, பாரதி தான் தனது அப்பா என்பதை அறிந்துக்கொள்கிறார். இதனையடுத்து இந்த வாரம் முழுவதுமே மிகவும் உணர்ச்சிப்பூர்வமான வாரமாக அமையும் என்று எதிர்ப்பார்த்த நிலையில், லட்சுமி, பாரதியின் குடும்பத்தையேக் கதறவைக்க முடிவு எடுத்தது போன்று கதைக்களம் நகர்கிறது. அதுமட்டுமில்லை தாத்தா, பாட்டி, சித்தி, சித்தப்பா என இவ்வளவு சொந்தங்கள் இருக்கிறார்கள் எனவும் தெரிய வந்தது.

ஆனால் அவர்கள் எல்லோருடன் சேர்ந்து வாழும் சூழ்நிலை இப்போது இல்லாத நேரத்தில்பாரதி, கண்ணம்மாவை பிரிந்து இருப்பதற்கானக் காரணம் லட்சுமிக்கு தெரியவில்லை.இதனால் இதுவரை கண்ணம்மாவால் கேட்க முடியாத அனைத்துக் கேள்விகளையும் சாட்டையடி போன்று விலாசி சவுந்தர்யாவைப் பார்த்து கேட்கிறார் லட்சுமி.

இதோடு மட்டுமின்றி ஹேமாவுடன் சேர்ந்து, எப்படியாவது கண்ணம்மாவை சேர்த்து வைக்க வேண்டும் என்று நினைக்கிறார் லட்சுமி. எனவே இனிமேல் பாரதி கண்ணம்மாவில் குழந்தைகள் ஆட்டம் என இருக்கும் என சீரியல் குழுவினர் தெரிவித்து வந்தாலும், அனைவரையும் கடுப்பில் தான் ஆழ்த்துகிறது என்று சொல்ல வேண்டும். குறிப்பாக இதுக்குறித்து வெளியான ப்ரோமாவைப் பார்த்த ரசிகர்கள் சீரியலை மரணகலாய் கலாய்த்து வருகின்றனர்.

 

குறிப்பாக, கடல்ல இருக்கு நண்டு, இச்சீரியலுக்கு இல்லையா எண்டு என்று சோசியல் மீடியாவில் கருத்துக்களைப் பகிர்ந்துவருகின்றனர். மேலும் பாரதி கண்ணமாவைப்பார்த்த ரசிகர்களுக்கு பொறுமை சாலி விருது தான் கொடுக்க வேண்டும் என்று பதிவிட்டுவருகின்றனர். இப்படி மாறி மாறி கருத்துக்களை ஒருபுறம் நெட்டிசன்கள் பகிர்ந்துவரும் நிலையில், மற்றொருபுறம் சீரியலைப்பார்க்க வேண்டும் எனவும் ரசிகர்கள் ஒரு முடிவுக்கு வந்துள்ளனர். 

இன்னும் 10 ஆண்டுகள் ஆனாலும் பாரதி கண்ணம்மா இதே நிலையில்தான் இருக்கும் என்பது போன்ற கருத்துக்களும் வைரலாகிவருகிறது. என்னதான் பல பாசிடிவ் மற்றும் நெகடிவ் கமெண்ட்ஸ்கள் வந்தாலும் இச்சீரியலைப் பார்ப்பதற்கே தனி ரசிகர்கள் பட்டாளம் உள்ளது என்பதுதான் நிதர்சன உண்மை.