ஸ்விட்சர்லாந்தில் ‛மனம்’ திறந்த 40 கதை அஷ்வின்... AK இப்போ ஃபீக்ல இருக்காரு!
‛பெரிய மனங்கள் யோசனைகளைப் பற்றி விவாதிக்கின்றன; சராசரி மனம் நிகழ்வுகளை விவாதிக்கிறது; சிறிய மனங்கள் மக்களைப் பற்றி விவாதிக்கின்றன’
‛எனக்கு ஒரு கெட்ட பழக்கம் இருக்கு... கதை கேட்கும் போது... எனக்கு கதை பிடிக்கலைனா... நான் தூங்கிடுவேன்... இப்படி தான் 40 கதை கேட்டேன்... 40 லும் தூங்கிட்டேன்’ என்று ஒரே ஒரு விழாவில் பேசி, ஒட்டுமொத்த சினிமா வாழ்க்கைக்கு தனக்கு தானே வேட்டு வைத்துக் கொண்டனர் அஷ்வின் குமார். மன்னிக்கவும் ஏகே.
குக் வித் கோமாளி டிவி நிகழ்ச்சி மூலம் பிரபலமான அஷ்வின், இரட்டை வால் குருவி சீரியல் மூலம் அனைவராலும் அறியப்படுகிறார். குக் வித் கோமாளி மூலம் கிடைத்த வெளிச்சத்தில் என்ன சொல்லப் போகிறாய் என்கிற படத்தில் நடித்து, முதல் படத்திலேயே தனது வாயால், தன் வாய்ப்பை கெடுத்துக்கொண்டார் அஷ்வின். அடுத்த ஒரு மாதத்திற்கு மீம்ஸ் கன்டன்ட் கொடுத்த அஷ்வின், அதன் பின் பலவகைகளில் அதற்கு வருத்தம் தெரிவித்தும் கூட, யாரும் பெரிதாக கண்டுகொள்ளவில்லை.
View this post on Instagram
அடுத்த மீம் கன்டன்ட் கிடைக்கும் வரை சோஷியல் மீடியாவில் அட்மிட் ஆகியிருந்த அஷ்வின், வேறொரு கன்டன்ட் வந்த பின் டிஸ்சார்ஜ் செய்யப்பட்டார். சரி, அதன் பிறகாவது அவர் விடுபடுவார் என்று பார்த்தால், நடிகர் அஜித் தனது பெயரை ஏகே என சுருக்கமாக மாற்ற ரசிகர்களிடம் கோரிக்கை வைக்க, அதற்கு முந்திக் கொண்டு, அஸ்வின் குமார் என்பதை ஏகே என மாற்றி, தானும் ஏகே என பெயரை மாற்றிக் கொண்டார் அஷ்வின்.
View this post on Instagram
‛எங்க தல பெயரையா போடுறீங்க...’ என சீறி எழுந்த தல குரூப்ஸ், அதன் பிறகும் அஷ்வினை துரத்தோதுரத்தென்று துரத்தினர். அப்புறம் ஒரு வழியாக அஷ்வின் விடுவிக்கப்பட்டார். கடந்த சில மாதங்களாக என்ன ஆனார் என்பதே தெரியாமல் இருந்த நிலையில், திடீரென ஸ்விர்சர்லாந்த் சுற்றுப்பயணம் புறப்பட்டுள்ள அஷ்வின் அங்கு மகிழ்ந்து போட்டோக்களை வெளியிட்டு வருகிறார். அதுமட்டுமன்றி,எலினோர் ரூஸ்வெல்ட் வாசகங்களை குறிப்பிட்டு ஒரு கவிதையையும் பதிவிட்டுள்ளார் அஷ்வின்.
‛பெரிய மனங்கள் யோசனைகளைப் பற்றி விவாதிக்கின்றன; சராசரி மனம் நிகழ்வுகளை விவாதிக்கிறது; சிறிய மனங்கள் மக்களைப் பற்றி விவாதிக்கின்றன’
View this post on Instagram
என்கிற கவிதை தான் அது. மனங்களை பற்றி சுவிட்சர்லாந்தில் இருந்து பதிவு வெளியிட்டுள்ள அஷ்வினை, கலாய்ப்பதா, விட்டுவிடுவதா என்கிற குழப்பத்தில் ரசிகர்கள் தள்ளி நின்று வேடிக்கை பார்க்கிறார்கள்.
தலைப்பு செய்திகள்
ட்ரெண்டிங் செய்திகள்
