Enna Solla Pogirai Release: இறைவனை நம்பி.. என்ன சொல்ல போகிறாய் ரிலீஸ் தேதி அறிவித்த அஸ்வின்.. கொண்டாட்டத்தில் ரசிகர்கள்..!
அஸ்வின் நடிப்பில் உருவாகியிருக்கும் என்ன சொல்ல போகிறாய் படத்தின் ரிலீஸ் அதிகாரப்பூர்வமாக அறிவிக்கப்பட்டுள்ளது.
Trident Arts நிறுவன தயாரிப்பாளர் R.ரவீந்திரன் தயாரிப்பில், குக் வித் கோமாளி புகழ் அஷ்வின் குமார் லக்ஷ்மிகாந்தன் நாயகனாக நடிக்கும் திரைப்படம் “என்ன சொல்ல போகிறாய்”. A.ஹரிஹரன் இயக்கத்தில் உருவாகியுள்ள இந்தத் திரைப்படத்தின் இசை வெளியீட்டு விழாவில் பேசிய நடிகர் அஸ்வின் படத்தின் கதை பிடிக்காவிட்டால், தான் தூங்கிவிடுவேன் என்றும் இதுவரையில் 40 கதைகளை கேட்டு தூங்கியிருக்கிறேன். ஆனால் நான் கதை கேட்டு தூங்காத ஒரே இயக்குநர் ஹரிதான் என இயக்குநரை புகழ்ந்து பேசினார்.
View this post on Instagram
அவரது இந்தப் பேச்சு சமூகவலைதளங்களில் கடுமையான விமர்சனங்களை பெற்றது. பலரும் அவர் பேசிய வீடியோ எடிட் செய்து ட்ரோல் செய்தனர். இது தொடர்பாக விளக்கம் அளித்த நடிகர் அஸ்வின் “நான் பேசியது யாரையாவது புண்படுத்தி இருந்தால் மன்னித்து விடுங்கள். என்னுடைய முதல் படம் என்பதால் அங்கு நான் மிகவும் சந்தோஷமாக இருந்தேன். அதனால் அங்கு நின்று என்ன பேசுவது என்று தெரியவில்லை” என்று பேசினார். அதனைத்தொடர்ந்து டிசம்பர் 24 ஆம் தேதி வெளியாக இருந்த என்ன சொல்லப்போகிறாய் திரைப்படத்தின் ரிலீஸ் தள்ளிவைக்கப்பட்டது.
இந்த நிலையில் அண்மையில் இந்த விவகாரம் குறித்து அவர் மீண்டும் தனது ட்விட்டர் பக்கத்தில் பதிவு ஒன்றை பதிவிட்டார். அந்தப் பதிவில், “ இது எனக்கு நம்ப முடியாத தருணம். இன்னும் அந்த குரல்களை என்னால் கேட்க முடிகிறது. உண்மையில் அது அபரிவிதமான அன்பு” என்று பதிவிட்டார். இதனை பார்த்த நெட்டிசன்கள் அவருக்கு ஆதரவாகவும், கலாய்த்தும் கருத்துக்களை பதிவிட்டனர். இந்த நிலையில் இந்தப்படம் வருகிற பொங்கலுக்கு வெளியாவதாக நடிகர் அஸ்வின் தனது ட்விட்டர் பக்கத்தில் குறிப்பிட்டுள்ளார்.
இறைவனை நம்பி, மற்றும் உங்களின் அன்பு 🤍
— Ashwin Kumar Lakshmikanthan (@i_amak) January 8, 2022
My Debut as HERO. A common man’s dream. Only I know how much it means to me. Thankful & grateful to all the good souls.😇🙏🏻#இறைவனுக்கு நன்றி 🙏🏻 #உங்கள் அன்பு 💪🏻#Spreadlove ♥️ pic.twitter.com/4WXbU6zEwO
தலைப்பு செய்திகள்
ட்ரெண்டிங் செய்திகள்
