AR Rahman Portrait: சின்ன சின்ன ஆசை.. பாட்டு வரிகளால் உருவான ஏ.ஆர்.ரஹ்மான்.. குவியும் பாராட்டு!
கேரளாவைச் சேர்ந்த ரசிகை ஒருவர் ஏ.ஆர்.ரஹ்மானின் ஓவியத்தை. அவரது பாடல் வரிகளிலே உருவாக்கி அசத்தியுள்ளார்.
இந்திய திரையுலகின் பிரபல இசையமைப்பாளர் ஏ.ஆர்.ரஹ்மான். 1990ம் ஆண்டு பிரபல இயக்குனர் மணிரத்னம் இயக்கிய ரோஜா படத்தின் மூலம் திரையுலகில் அறிமுகமானார். இதுவரை நூற்றுக்கும் மேற்பட்ட திரைப்படங்களுக்கு இசையமைத்துள்ள ஏ.ஆர்.ரஹ்மானுக்கு இந்தியா முழுவதும் கோடிக்கணக்கான ரசிகர்கள் உள்ளனர்.
ஸ்லம்டாக் பில்லியனர் படத்திற்காக இரண்டு ஆஸ்கார் விருதுகளை பெற்றதன் மூலமாக. ஏ.ஆர்.ரஹ்மானின் புகழ் உலகம் முழுவதும் பரவியது. ஏ.ஆர்.ரஹ்மான் சமீபகாலமாக டுவிட்டரில் அவ்வப்போது சில பதிவுகளை இட்டு வருகிறார்.
இந்த நிலையில், சமீபத்தில் ஏ.ஆர்.ரஹ்மான் டுவிட்டரில் பதிவொன்றை இட்டார். அதில், கேரளாவைச் சேர்ந்த சூர்யா என்ற பெண் வித்தியாசமான முறையில் ஏ.ஆர்.ரஹ்மானின் ஓவியத்தை உருவாக்கி உள்ளார். அந்த ரசிகை உருவாக்கிய அந்த போட்டாவை ஏ.ஆர்.ரஹ்மான் தனது டுவிட்டர் பக்கத்தில் பகிர்ந்துள்ளார்.
Girl draws portrait of AR Rahman with lyrics of 391 songs; enters India Book of Records https://t.co/mIeVSvw6Kh
— A.R.Rahman #99Songs 😷 (@arrahman) October 30, 2021
இந்த ஓவியத்தின் சிறப்பம்சம் என்னவென்றால் இந்த ஓவியம் முழுவதும் ஏ.ஆர்.ரஹ்மானின் இசையில் உருவாகிய பாடல் வரிகள் மூலமாகவே உருவாக்கப்பட்டுள்ளது. அந்த பாடல் வரிகளில் ரோஜா படத்தில் இடம்பெற்றுள்ள சின்ன சின்ன ஆசை என்ற பாடல் முதல் பாம்பே படத்தில் இடம்பிடித்த பாடல்வரிகள் வரை பயன்படுத்தப்பட்டுள்ளது.
Watch Video | Beach ட்ரெஸ்ஸில் ஹன்சிகா.. சோஷியல் மீடியா வைரல்..
இந்த ஓவியம் 2021ம் ஆண்டிற்கான இந்திய சாதனை புத்தகத்தில் இடம்பெற்றுள்ளது. இந்த ஓவியத்தை ஏ.ஆர்.ரஹ்மானின் மிகப்பெரிய டைபோகிராபிக் என்று அறிவிக்கப்பட்டுள்ளது. சூர்யா வரைந்த பாடல் வரி ஓவியத்துக்கு இணையத்தில் பாராட்டு குவிந்து வருகிறது. இது அருமையான படைப்பு என பலரும் பாராட்டுகளை தெரிவித்து வருகின்றனர்.
ஏ.ஆர்.ரஹ்மான் தற்போது தமிழில் பொன்னியின் செல்வன், பார்த்திபன் இயக்கி வரும் இரவின் நிழல் படங்களுக்கு இசையமைத்து வருகிறார். ஏ.ஆர்.ரஹ்மான் தமிழ், தெலுங்கு. ஹிந்தி, ஆங்கிலம் என்று பல மொழிகளில் இசையமைத்து வருகிறார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
