Chennai metro free travel: சென்னை மெட்ரோ ரயிலில் இன்று இலவசமாக பயணிக்கலாம்.! யார் யாருக்கெல்லாம்- வெளியான சூப்பர் அறிவிப்பு

Chennai metro free travel: சென்னையில் மெட்ரோ ரயில் மூலம் பல லட்சம் பேர் பயணம் செய்து வரும் நிலையில், இன்று ஏ.ஆர் ரகுமான் இசை நிகழ்ச்சி நடைபெறுவதையொட்டி இலவச பயணம் தொடர்பாக அறிவிப்பு வெளியாகியுள்ளது.

chennai metro free travel

Source : File imge

மெட்ரோ ரயில் இலவச பயணம்

சென்னையில் மெட்ரோ ரயில் மூலமாக குறிப்பிட்ட இடங்களுக்கு உடனடியாக சென்று சேர முடிகிறது. அந்த வகையில் சென்னை விமான நிலையம், எழும்பூர், சென்ட்ரல் ரயில் நிலையம், கோயம்பேடு பேருந்து நிலையம் உள்ளிட்ட இடங்களில் இயக்கப்பட்டு வருகிறது. தினமும் பல லட்சம் பேர் மெட்ரோ ரயில் சேவையை பயன்படுத்தி வருகிறார்கள். இந்த நிலையில் சென்னையில் நடைபெறும் விளையாட்டு போட்டி, இசை நிகழ்ச்சி உள்ளிட்ட நிகழ்வுகள் நடைபெறும் போது மெட்ரோ ரயில் மூலமாக இலவசமாக பயணிக்கலாம் என்ற அறிவிப்பு வெளியாகும்.அந்த வகையில் இன்று ஏஆர் ரகுமான் இசை நிகழ்ச்சியையொட்டி சென்னை மெட்ரோ ரயிலில் இலவச பயணம் தொடர்பான அறிவிப்பு வெளியாகியுள்ளது.

ஏ.ஆர் ரகுமான் இசை நிகழ்ச்சி

இது தொடர்பாக சென்னை மெட்ரோ ரயில் நிர்வாகம் வெளியிட்டுள்ள அறிக்கையில், புரட்சித்தலைவர் டாக்டர் எம்.ஜி.இராமசந்திரன் சென்ட்ரல் மெட்ரோ இரயில் நிலையம் அருகில் உள்ள Nehru Outdoor Stadium வளாகத்தில், இன்று (14.02.2026) "A.R.Rahman's The Wonderment Tour இன்னிசை கச்சேரி" நடைபெறவுள்ளது. இந்நிகழ்ச்சியில் பங்கேற்கும் ரசிகர்களுக்கு தடையில்லா போக்குவரத்தை வழங்குவதற்காக சென்னை மெட்ரோ இரயில் நிறுவனம் தென்னிந்தியாவின் முன்னணி ஊடக தயாரிப்பு நிறுவனமான Noise and Grains Private Limited உடன் இணைந்து கட்டணமில்லா பயணத்தை வழங்குவதற்காக உடன்பாடு செய்துள்ளது.

 இசை நிகழ்ச்சிக்கு வருபவர்களுக்கு மெட்ரோ இரயிலில் இலவசமாகப் பயணம் செய்ய ஸ்பான்சர் செய்கிறது. நிகழ்ச்சி ஏற்பாட்டாளர்களால் வழங்கப்படும் தனித்தனி நிகழ்ச்சி நுழைவு சீட்டானது (Event Ticket) மெட்ரோ பயண சீட்டாகவும் (Metro Ticket) செயல்படும். பயனாளர்கள் இந்த நுழைவு மெட்ரோ பயண சீட்டை நிகழ்ச்சி நடைபெறும் நாளான 14.02.2026 அன்று ஒரு சுற்று பயணத்திற்கு மட்டும் பயன்படுத்தலாம் (2 நுழைவு, 2 வெளியேறு).

இந்தப் பயணச் சீட்டு வைத்திருப்பவர்கள், சென்னையிலுள்ள எந்தவொரு மெட்ரோ இரயில் நிலையத்திலிருந்தும் புரட்சித்தலைவர் டாக்டர் எம்.ஜி.இராமசந்திரன் சென்ட்ரல் மெட்ரோ நிலையம் வரை சென்று வரலாம். இதற்கு மெட்ரோ நிலையங்களில் உள்ள தானியங்கி வாயில்களில் நுழைவதற்கும் வெளியேறுவதற்கும் QR-ஐ ஸ்கேன் செய்யலாம்.

நிகழ்ச்சி பங்கேற்பாளர்களின் கவனத்திற்கு,

• புரட்சித்தலைவர் டாக்டர் எம்.ஜி. இராமசந்திரன் சென்ட்ரல் மெட்ரோ இரயில் நிலையத்தில் இருந்து விம்கோ நகர் பணிமனை மெட்ரோ நிலையம் வரை செல்லும் கடைசி மெட்ரோ இரயில் நள்ளிரவு 12 மணிக்கும் (12am 15.02.2026),
• வழித்தடம் 1-ல் (நீலவழித்தடம்) விமான நிலைய மெட்ரோ இரயில் நிலையம் வரை செல்லும் கடைசி இரயில் நள்ளிரவு 12 மணிக்கும் (12am-15.02.2026),
• பரங்கிமலை மெட்ரோ இரயில் நிலையம் வரை செல்லும் கடைசி இரயில் நள்ளிரவு 12 மணிக்கும் (12am- 15.02.2026), புறப்படும்.
• 10 நிமிடங்களுக்கு பயணிகள் கடைசி இரயில் புறப்படுவதற்கு முன்னதாகவே புரட்சித்தலைவர் டாக்டர் எம்.ஜி.இராமசந்திரன் சென்ட்ரல் மெட்ரோ இரயில் நிலையத்திற்குள் வருமாறு கேட்டுக்கொள்ளப்படுகிறார்கள்.

இந்த பிரத்யேக சலுகையைப் பயன்படுத்தி, நிகழ்ச்சி நடைபெறும் இடத்திற்குச் சென்று, தடையில்லா பயணத்தை அனுபவிக்கும்படி சென்னை மெட்ரோ இரயில் நிறுவனம் கேட்டுக்கொள்கிறது.