மாறி மாறி அன்புமழை பகிர்ந்துகொள்ளும் விராட் - அனுஷ்கா… இன்ஸ்டாகிராம் ஸ்டோரி வைரல்!

91 வயதான பாப் இளைய தலைமுறையினருக்கு உறவுமுறை ஆலோசனைகளை வழங்குவதாக இந்த புகைப்படம் அமைந்துள்ளது.

விராட் - அனுஷ்கா

சமகால கிரிக்கெட்டின் தலைசிறந்த வீரர்களில் ஒருவரும் இந்திய அணியின் முன்னாள் கேப்டனுமான விராட் கோலியின் மனைவி பாலிவுட் நடிகை அனுஷ்கா சர்மா. 2017ம் ஆண்டு டிசம்பர் மாதம் திருமணம் செய்துகொண்ட விராட் கோலி - அனுஷ்கா சர்மா தம்பதிக்கு 2021ம் ஆண்டு ஜனவரி மாதம் பெண் குழந்தை பிறந்தது. குழந்தைக்கு வாமிகா என்று கோலி - அனுஷ்கா தம்பதி பெயர் சூட்டியது. பலநாட்கள் குழந்தையை வெளியில் காட்டாமல் இருந்து சில மாதங்கள் முன்பே உலகிற்கு காண்பித்தனர். இப்போதும் பாலிவுட்டின் மிகவும் ரசிக்கப்படும் ஜோடியாக அவர்கள் இருப்பதற்கு வெளியில் அவர்கள் காட்டிக்கொள்ளும் அன்புதான். கிரிக்கெட் மேட்சின் போது, வெளியில் நடக்கும் விழாக்களின் போது, இருவரும் பகிரும் அன்பு ரசிகர்களை கவரும். அவர்கள் இணைந்திருக்கும் புகைப்படங்கள் எப்போதும் வைரலாகும். சமீபத்தில் வைரலானது அவர்களின் புகைப்படம் அல்ல, ஆனால் அதையும் விட உணர்வுப்பூர்வமாக அவர்களது அன்பை வெளிப்படுத்திக் கொண்டதுதான். 

 

 

 

 

 

View this post on Instagram

 

 

 

 

 

 

 

 

 

 

 

A post shared by AnushkaSharma1588 (@anushkasharma)

தனது இன்ஸ்டாகிராம் ஸ்டோரியில் பிரபலமான அக்கவுண்ட் மூலம் வெளியிடப்பட்ட வைரல் படத்தை ஷேர் செய்து விராட் கோலியை டேக் செய்தார். 91 வயதான பாப், இளைய தலைமுறையினருக்கு உறவுமுறை ஆலோசனைகளை வழங்குவதாக இந்த புகைப்படம் அமைந்துள்ளது. "அன்பு செய்ய ஒருவரைக் கண்டுபிடி, அவர்களை தொடர்ந்து நேசி" என்று எழுதப்பட்ட ஒரு போர்டை பிடித்துக்கொண்டு அமர்ந்திருக்கிறார் அந்த பெரியவர். அதனை தனது இன்ஸ்டாகிராம் ஸ்டோரியில் ஷேர் செய்து விராட் கோலியை டேக் செய்து ஒரு ஹார்ட்டும் இட்டிருந்தார். அதனை மீண்டும் ஷேர் செய்த விராட் கோலி அனுஸ்கா ஷர்மாவை டேக் செய்து அவரும் ஒரு ஹார்ட் இட்டிருக்கிறார்.

சமீபத்தில் நடந்த ஆர்சிபி மற்றும் டெல்லி அணிகளுக்கு இடையேயான போட்டிக்கு வந்திருந்த அனுஷ்கா சர்மாவின் புகைப்படமும் வைரலாகி இருந்தது. அந்த போட்டியில் விராட் கோலி ஒற்றை கையில் அசால்ட்டாக கேட்ச் பிடித்துவிட்டு மனைவியை பார்த்து கையசைத்த விடியோ வைரலாகி இருந்தது.

கடந்த நான்கு வருடங்களாக படங்கள் எதிலும் நடிக்காத அனுஷ்கா சர்மா நடிப்பில் கடைசியாக வெளியானது ஷாருக்கானுடன் நடித்த ஸீரோ திரைப்படம்தான். அதன் பிறகு பட தயாரிப்பில் கவனம் செலுத்திய நடிகை, தற்போது கிரிக்கெட் வீராங்கனை ஜூலான் கோஸ்வாமியின் பயோபிக்கில் நடித்துக்கொண்டிருக்கிறார். ஜக்தா எக்ஸ்பிரஸ் என்று பெயர் சூட்டப்பட்ட அந்த திரைப்படம் நெட்ஃப்ளிக்ஸ் வெளியீடாக வர இருக்கிறது.