Choreographer Kalyan on Thunivu: கெத்து.. குத்து.. ப்ரோமோ.. துணிவு ஆடியோ லிஸ்டை வெளியிட்ட கல்யாண் மாஸ்டர்!
துணிவு படத்தில் எத்தனை பாடல்கள் இடம்பெற்றுள்ளது, அவை எப்படி இருக்கும் என்பது பற்றி பிரபல நடன இயக்குநர் கல்யாண் பேசி இருக்கிறார்.
துணிவு படத்தில் எத்தனை பாடல்கள் இடம்பெற்றுள்ளது, அவை எப்படி இருக்கும் என்பது பற்றி பிரபல நடன இயக்குநர் கல்யாண் பேசி இருக்கிறார்.
அஜித்தின் ‘ஆலுமா டோலுமா’ ‘ அடிச்சுத்தூக்கு’ உள்ளிட்ட பல பாடல்களுக்கு நடனம் அமைத்தவர் மாஸ்டர் கல்யாண். இவரது நடனத்தில் அஜித் ஆடிய பல பாடல்கள் ரசிகர்கள் மத்தியில் நல்ல வரவேற்பை பெற்று இருக்கின்றன. இவர் தற்போது அஜித்தின் நடிப்பில் அடுத்ததாக வெளியாக இருக்கும் துணிவு படத்தில் நடன வடிவமைப்பாளராக பணியாற்றி வருகிறார். இந்த நிலையில் எஸ்.எஸ். யூடியூப் சேனலுக்கு பேட்டியளித்த அவர் துணிவு படத்தில் பணியாற்றியது குறித்த பல சுவாரசியமான சம்பவங்களை அவர் பகிர்ந்து இருக்கிறார்.
கல்யாண் மாஸ்டர் பேசும் போது, “ துணிவில் அனைத்து பாடல்களுக்கும் நான்தான் நடனம் அமைக்கிறேன். படத்தில் மொத்தம் 3 பாடல்கள் இருக்கின்றன. ஒரு கெத்து பாடல் ஒரு குத்து பாடல் ஒரு ப்ரோமோ பாடல் இருக்கின்றன. ப்ரோமோ பாடலுக்கான ஷூட் முடிந்திருக்கிறது. ‘சில்லா சில்லா’ பாடல் அருமையாக வந்திருக்கிறது. அந்தப்படத்தின் ஷூட் இன்னும் தொடங்கவில்லை. திரையரங்கில் ரசிகர்கள் நிச்சயம் என்ஜாய் பண்ணுவார்கள்.” என்று பேசினார்.
View this post on Instagram
கடந்த பிப்ரவரி மாதம் வெளியான வலிமை படத்திற்கு பிறகு போனிகபூர்- இயக்குநர் ஹெச்.வினோத் கூட்டணியில் 3வது முறையாக நடிகர் அஜித் நடித்துள்ள படம் “துணிவு”. வங்கி கொள்ளையை மையமாக வைத்து உருவாக்கப்பட்டுள்ள இப்படத்தில் ஹீரோயினாக மஞ்சு வாரியர் நடித்துள்ளார். ஜிப்ரான் இசையமைத்துள்ள துணிவு படத்தின் திரையரங்க விநியோக உரிமையை நடிகர் உதயநிதி ஸ்டாலினின் ரெட் ஜெயன்ட் மூவிஸ் நிறுவனம் கைப்பற்றியுள்ளது.
2023 ஆம் ஆண்டு பொங்கலுக்கு இப்படம் வெளியாகும் என தெரிவிக்கப்பட்டுள்ளது. அதே நாளில் நடிகர் விஜய் நடிக்கும் வாரிசு படம் ரிலீசாகவுள்ளதால் ரசிகர்கள் பெரும் எதிர்பார்ப்புடன் காத்திருக்கின்றனர். முன்னதாக துணிவு படத்தின் ஷூட்டிங் ஸ்பாட் புகைப்படங்கள் ரசிகர்களிடையே வைரலானதால் நாளுக்கு நாள் படத்தின் மீதான எதிர்பார்ப்பும் அதிகரித்துள்ளது.
தலைப்பு செய்திகள்
ட்ரெண்டிங் செய்திகள்
