Ajith Kumar: தம்பி போற ஊருக்கு வழி சொல்லு.. உடல்நலன் தேறி உற்சாகமாக பயணத்தைத் தொடங்கிய அஜித் குமார்!

Ajith Kumar: மருத்துவமனையில் இருந்து வெளிவந்த சில நாட்களில் தனது அடுத்தக்கட்ட பயணத்தைத் தொடங்கியுள்ளார் நடிகர் அஜித் குமார்.

அஜித் குமார். (Image source: Twitter)

நடிகர் அஜித் குமார் கடந்த மார்ச் 8ஆம் தேதி திடீரென்று சென்னை தனியார் மருத்துவமனையில் அனுமதிக்கப்பட்டது பரபரப்பை ஏற்படுத்தியது. இதனைத் தொடர்ந்து அஜித்துக்கு மூளையில் அறுவை சிகிச்சை நடைபெறுவதாக சமூக வலைதளங்களில் தவறான தகவல்கள் வெளியாகின.

இதனைத் தொடர்ந்து அஜித்தின் மேலாளர் சுரேஷ் சந்திரா தனது நெருங்கிய நண்பர்களின் மறைவைத் தொடர்ந்து நடிகர் அஜித் குமார் கொஞ்சம் மன வருத்தத்தில் இருந்ததாகவும் தனக்கு நெருக்கமானவர்களை மருத்துவ பரிசோதனை எடுத்துக் கொள்ளும் படி அவர் அறிவுறுத்தியதாகவும் கூறினார். இதனை ஊக்குவிக்கும் வகையில் அஜித் மருத்துவப் பரிசோதனை செய்துகொண்டதாக அவர் தெரிவித்தார்.

காதில் ஒரு சிறு புடைப்பு இருந்ததாக இந்த மருத்துவ சோதனையில் தெரியவந்த நிலையில் அடுத்த அரைமணி நேரத்தில் அதை நீக்கி அடுத்த நாள் மருத்துவமனையில் இருந்து வெளியேறினார் அஜித் குமார். அடுத்தக்கட்டமாக அஜர்பைஜானில் விடாமுயற்சி படத்தின் படப்பிடிப்பை அவர் தொடர்வார் என எதிர்பார்க்கப் பட்ட நிலையில் நடிகர் அஜித் தற்போது மீண்டும் தனது பைக் சுற்றுலாவைத் தொடங்கியுள்ளார்.

Fit And Agile !!! AK back on Track #Ajithkumar pic.twitter.com/gvLYjnMony

— Suresh Chandra (@SureshChandraa) March 19, 2024

அதன்படி, உடல் நலம் குணமாகி சிரித்த முகத்தோடு இருக்கும் அஜித் குமாரின் புகைப்படம் சமூக வலைதளத்தில் வைரலாகி வருகிறது.