இந்த தடவை மிஸ் ஆனாலும் அவர் கூட இணைவது உறுதி? எதிர்பார்ப்பை எகிற வைக்கும் அட்லீ!

பிரபல மாஸ் நடிகருடன் கண்டிப்பாக ஒரு படம் பண்ணுவேன் என்று இயக்குநர் அட்லீ கூறியுள்ள நிலையில், இவரின் அடுத்த பட ஹீரோ அந்த நடிகராக கூட இருக்கலாம் என கூறப்படுகிறது.

அட்லீயின் அடுத்த பட ஹீரோ அஜித் என கூறப்படுகிறது

அட்லீ

தமிழ் சினிமாவில் முன்னணி இயக்குநர்களில் ஒருவராக இருப்பவர் அட்லீ. ராஜா ராணி படம் மூலமாக இயக்குநராக அவதாரம் எடுத்தவர் தான் இயக்குனர் அட்லீ. நடிகர் ஆர்யா, நயன்தாரா, நஸ்ரியா, ஜெய் போன்ற பலர் நடிப்பில் வெளியான இந்தப் படம் ரசிகர்களிடையே நல்ல வரவேற்பு பெற்றது.  இந்தப் படம் கொடுத்தைத் தொடர்ந்து தெறி, மெர்சல், பிகில் என்று விஜய்யை வைத்து ஹாட்ரிக் படத்தை இயக்கி வெற்றியையும் கொடுத்தார்.

ஷாருக்கானுடன் ஜவான்:

தமிழ் மட்டுமின்றி பாலிவுட்டிலும் கால் பதித்தார். ஷாருக்கான் நடிப்பில் வெளியான ஜவான் படத்தை இயக்கி ரூ.1500  கோடிக்கும் அதிகமாக வசூலை குவித்தார். இந்தப் படத்தில் விஜய் சேதுபதி, நயன்தாரா போன்ற கோலிவுட் பிரபலங்களையும் நடிக்க வைத்திருந்தார். இந்த நிலையில் தான் இப்போது அல்லு அர்ஜூன் நடிப்பில் உருவாகி வரும் அவரது 22ஆவது படத்தை இயக்கி வருகிறார். இப்படம் அட்லீ தனது 6ஆவது படமாக உருவாகி வருகிறது.

அல்லு அர்ஜூனுடன் அடுத்த படம்:

சன் பிக்சர்ஸ் நிறுவனம் இந்தப் படத்தை தயாரிக்கிறது. இந்த நிலையில் தான் அஜித்தை வைத்து ஒரு படம் கண்டிப்பாக இயக்குவேன் என்று இயக்குநர் அட்லீ கூறியுள்ளார். இது குறித்து அவர் கூறியிருப்பதாவது: நான் ராஜா ராணி படம் இயக்கிக் கொண்டிருந்த போது தான் 'ஆரம்பம்' படத்தின் படப்பிடிப்பும் நடந்தது. அப்போது நயன்தாரா தான் அஜித்திடம் என்னை அறிமுகம் செய்து வைத்தார். அப்போது அஜித் எனக்கு பல ஐடியாவும், அட்வைஸூம் கொடுத்தார்.

அஜித்தை வைத்து இயக்குகிறாரா? அட்லீ 

என்னிடம் அப்போது 2, 3 கதைகள் இருந்தது. அதைப் பற்றி அஜித்தின் மேனேஜரிடம் அந்த கதைகள் பற்றி கூறினேன். கதை நன்றாக இருப்பதாக கூறினார். நேரம் வரும் போது இருவரும் இணைந்து படம் பண்ணுவோம் என்று அட்லீ கூறியுள்ளார் என தெரிவித்துள்ளார். அட்லீ அடுத்ததாக அல்லு அர்ஜுனை வைத்து இயக்குகிறார். அதே போல் அஜித்தின் அடுத்த படத்தையும் ஆதிக் இயக்க உள்ளதாக கூறப்டுகிறது. எனவே ஆதிக் படத்தில் நடித்து முடித்த பின்னர், அஜித்தை வைத்து அட்லீ இயக்க வாய்ப்புள்ளதாக கூறப்படுகிறது.