'' அப்பா என்னை நடிக்க விடவே இல்லை''- நடிகை வரலட்சுமி பகிர்ந்த சுவாரஸ்யம்!

"அப்பாவோட நடிச்சவங்கள்ல எனக்கு குஷ்பு ஆண்டி எனக்கு ரொம்ப பிடிக்கும். அவங்களுடைய கெரியர் கிராஃப் ரொம்ப பிடிக்கும்.”

By : ABP NADU | Updated at : 31 Mar 2022 01:40 PM (IST)

வரலட்சுமி

கோலிவுட்டில் பிரபலமான நடிகைகளுள் ஒருவர் நடிகை வரலட்சுமி. போடா போடி திரைப்படம் மூலமாக தமிழ் சினிமாவிற்கு எண்ட்ரி கொடுத்த வரலட்சுமி தற்போது தெலுங்கு சினிமாவிலும் அதிக கவனம் செலுத்தி வருகிறார். நடித்தால் ஹீரோயின் தான் என்றில்லாமல் நெகட்டிவ் ஷேடிலும் நடித்து பலரின் பாராட்டை பெற்றவர். உடல் எடை அதிகரித்தால் தன்னை வீக்காக நினைத்துக்கொள்ளும் நடிகைகளுக்கு மத்தியில் , உடல் பருமனுக்கு ஏற்ற மாதிரிதான் ஆடையை தேர்வு செய்ய வேண்டுமே தவிர, ஆடையின் அளவுக்கு ஏற்ற மாதிரியாக உடல் எடையை குறைப்பதில் தனக்கு உடன்பாடு இல்லை என தெரிவிப்பவர் வரு. வரலட்சுமி தனக்கு தோன்றும் கருத்துகளை வெளிப்படையாக பேசக்கூடியவர். இவரின் துணிச்சல் மிக்க கருத்திற்கும் , பட பட பேச்சிற்கென்றே தனி ரசிகர் பட்டாளம் உள்ளனர். வரலட்சுமி , நடிகை சங்கீதா உடனான உரையாடல் ஒன்றில் தான் நடிக்க வந்தது எப்படி என்பது குறித்து பகிர்ந்திருக்கிறார்.

View this post on Instagram

A post shared by Varalakshmi Sarathkumar (@varalakshmi_sarathkumar)

அதில்” நான் நடிக்க வருவேன்னு யோசிக்கவே இல்லை. வீட்டுலையும் அதை பற்றியெல்லாம் பேசினதே கிடையாது. நான் நல்லா நடனம் ஆடுவேன். டென்னிஸ் விளையாடுவேன். விளையாட்டு போட்டிகளில் அதிக ஆர்வம் இருந்தது.எனக்கு நடிப்பு தோன்றவே இல்லை. நான் போடா போடி ஸ்கிரிப்ட் கேட்ட பிறகுதான் நடிக்கும் ஆசையே வந்துச்சு.அது எனக்கு பொருத்தமான கதாபாத்திரமாக இருந்தது. என் அப்பா என்னை நடிக்க விடவே இல்லை. 6 மாதம் ஆச்சு , அவரை சமாதானப்படுத்த. அதன் பிறகு எனக்கு ஏற்ற ஸ்கிரிப்ட்னுதான் அப்பா ஒப்புக்கொண்டார். நான் குடும்பத்துடன் நேரம் செலவிட அதிக விரும்புவேன். எனக்கு குழந்தையை தத்தெடுத்து வளர்க்க ஆசை. எனக்கு தமிழ் சினிமாவுல சிம்ரன் , ஜோதிகா எனக்கு ரொம்ப பிடிக்கும். நீண்ட காலமாக அவங்க நடிச்சுட்டு இருக்காங்க. அப்பாவோட நடிச்சவங்கள்ல எனக்கு குஷ்பு ஆண்டி எனக்கு ரொம்ப பிடிக்கும். அவங்களுடைய கெரியர் கிராஃப் ரொம்ப பிடிக்கும்.” என வரலக்‌ஷ்மி பகிர்ந்திருக்கிறார்.