ராணி எலிசபெத்துடன் கைகுலுக்கி உள்ளேன்... வனிதா வெளியிட்ட பதிவை பார்த்து ரசிகர்கள் அதிர்ச்சி
ஸ்காட்லாந்தில் உள்ள பால்மொரல் அரண்மனை வீட்டில் இங்கிலாந்து நாட்டின் ராணி இரண்டாம் எலிசபெத் உடல்நலக்குறைவால் பாதிக்கப்பட்டிருந்த நிலையில் சிகிச்சை பலனின்றி நேற்று உயிரிழந்தார்.
இங்கிலாந்து ராணி இரண்டாம் எலிசபெத் மறைவுக்கு நடிகை வனிதா விஜயகுமார் இரங்கல் தெரிவித்து வெளியிட்ட பதிவு ரசிகர்களை அதிர்ச்சியில் ஆழ்த்தியுள்ளது.
ஸ்காட்லாந்தில் உள்ள பால்மொரல் அரண்மனை வீட்டில் இங்கிலாந்து நாட்டின் ராணி இரண்டாம் எலிசபெத் உடல்நலக்குறைவால் பாதிக்கப்பட்டிருந்த நிலையில், சிகிச்சை பலனின்றி நேற்று உயிரிழந்தார். அவருக்கு வயது 96. உலகின் நீண்டகாலம் ராணியாக ஆட்சி செய்த பெருமைக்குரிய இரண்டாவது நபர் என்ற பெருமைக்கு ராணி எலிசபெத் சொந்தக்காரரான அவரது இறப்புக்கு உலகத் தலைவர்கள் பலர் இரங்கல் தெரிவித்து வருகின்றனர்.
எழுபதாண்டுகளாக இங்கிலாந்தின் மகாராணியாக திகழ்ந்த இரண்டாம் எலிசபெத் இயற்கை எய்திய செய்தியைக் கேட்டு துயருற்றேன். ஆங்கிலேயர்கள் மட்டுமல்லாது, அகில உலகத்தவரின் நேசத்தையும் பெற்றவராக அவர் விளங்கினார். (1/3) pic.twitter.com/EFmKfqls7U
— Kamal Haasan (@ikamalhaasan) September 9, 2022
ராணி இரண்டாம் எலிசபெத் மறைவைத் தொடர்ந்து அவரின் மூத்த மகனான சார்லஸ் அடுத்த மன்னராக பொறுப்பேற்றுக் கொண்டார். ராணி இரண்டாம் எலிசபெத் மறைவுக்கு இரங்கல் தெரிவிக்கும் வகையில் நடிகர் கமல்ஹாசன் தனது ட்விட்டர் பக்கத்தில் பதிவு ஒன்றை பதிவிட்டுள்ளார். அதில் எழுபதாண்டுகளாக இங்கிலாந்தின் மகாராணியாக திகழ்ந்த இரண்டாம் எலிசபெத் இயற்கை எய்திய செய்தியைக் கேட்டு துயருற்றேன். ஆங்கிலேயர்கள் மட்டுமல்லாது, அகில உலகத்தவரின் நேசத்தையும் பெற்றவராக அவர் விளங்கினார்.
25 ஆண்டுகளுக்கு முன்னர் எங்களது அழைப்பை ஏற்று மருதநாயகம் திரைப்படத்தின் தொடக்கவிழாவில் கலந்துகொண்டு வாழ்த்தினார். அநேகமாக அவர் கலந்து கொண்ட ஒரே திரைப்பட படப்பிடிப்பு அதுதான்.5 ஆண்டுகளுக்கு முன்னர் லண்டனில் நடந்த கலாச்சார நிகழ்வில் அரண்மனையில் அவரை சந்தித்துப் பேசியது இன்னமும் பசுமையாக நினைவிருக்கிறது. தங்கள் பிரியத்திற்குரிய ராணியை இழந்து வாடும் இங்கிலாந்து மக்களுக்கும், அரச குடும்பத்தினருக்கும் எனது ஆழ்ந்த இரங்கலைத் தெரிவித்துக்கொள்கிறேன் என பதிவிட்டுள்ளார்.
View this post on Instagram
இந்த பதிவைத் தொடர்ந்து நடிகை வனிதா விஜயகுமார் ட்விட்டரில் பதிவு ஒன்றை வெளியிட்டுள்ளார். அதில், ராணி எலிசபெத்தை சந்திக்கும் வாழ்நாள் வாய்ப்பு கிடைத்த போது கம்பீரத்துடன் அவர் என்னுடன் கைகுலுக்கலைப் பகிர்ந்துகொண்டார். இந்த வாய்ப்பை ஏற்படுத்திக் கொடுத்த கமல்ஹாசனுக்கு நன்றி என மருதநாயகம் படத்தின் தொடக்க நாள் நடந்த நிகழ்வுகளை வனிதா பகிர்ந்துள்ளார்.
தலைப்பு செய்திகள்
ட்ரெண்டிங் செய்திகள்
