Simran reviews KVRK: 'காத்து வாக்குல ரெண்டு காதல்' படம் எப்படி? - சிம்ரன் பதிவிட்ட இன்ஸ்டா ரிவ்யூ!
காத்துவாக்குல ரெண்டு காதல் படத்தை விஜய் சேதுபதி, நயன்தாரா, விக்னேஷ் சிவன் ஆகியோர் சேர்ந்து திரையரங்கிற்கு சென்று படத்தை பார்த்த புகைப்படங்கள் சமூக வலைதளங்களில் சமீபத்தில் வைரலானது.
விக்னேஷ் சிவன் இயக்கத்தில் விஜய் சேதுபதி, நயன்தாரா, சமந்தா உள்ளிட்டோர் நடிப்பில் உருவான காத்துவாக்குல ரெண்டு காதல் திரைப்படம் கடந்த ஏப்ரல் 28-ம் தேதி வெளியானது. ரசிகர்களிடையே இப்படம் நல்ல வரவேற்பை பெற்றதை அடுத்து, பிரபலங்கள் சிலரும் படத்தை பார்த்து தங்களது விமர்சனங்களை பதிவிட்டு வருகின்றனர்.
தானா சேர்ந்த கூட்டம் படத்திற்கு பிறகு விக்னேஷ் சிவன் சிறிய இடைவெளிக்கு பிறகு இந்த படத்தை இயக்கினார். ரவுடி பிக்சர்ஸ் தயாரித்த இந்த படம் சென்னையிலே பெரும்பாலான காட்சிகள் படமாக்கப்பட்டது. படத்திற்கு அனிருத் இசையமைத்திருந்தார்.
இந்நிலையில், படத்தை பார்த்திருக்கும் நடிகை சிம்ரன் தனது இன்ஸ்டாகிராம் பக்கத்தில் படத்தின் விமர்சனத்தை பதிவிட்டிருக்கிறார். அதில், “மீண்டும் விக்னேஷ் சிவன் வெற்றி கண்டுள்ளார். வழக்கத்திற்கு மாறான படத்தை சரியாக இயக்க வேண்டும், அதை விக்னேஷ் சிவன் சரியாக செய்திருக்கிறார். மிகச்சிறந்த பொழுதுபோக்கு திரைப்படம். விக்னேஷ் சிவனுக்கும் படக்குழுவினருக்கும் வாழ்த்துகள்” என பதிவிட்டிருக்கிறார்.
சிம்ரனின் இன்ஸ்டாகிராம் பதிவு:
View this post on Instagram
காத்துவாக்குல ரெண்டு காதல் படம் நன்றாக வசூலில் கலக்கிக் கொண்டிருக்கும் சூழலில் விஜய் சேதுபதி, நயன்தாரா, விக்னேஷ் சிவன் ஆகியோர் சேர்ந்து திரையரங்கிற்கு சென்று படத்தை பார்த்த புகைப்படங்கள் சமூக வலைதளங்களில் சமீபத்தில் வைரலானது. சென்னையில் உள்ள தேவி சினிமாஸ் திரையரங்கிற்கு நேரில் சென்ற விக்னேஷ் சிவன், நயன்தாரா மற்றும் விஜய்சேதுபதி படத்தை ரசிகர்களுடன் பார்த்து கொண்டாடினர்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
