”கார்த்திக்கை பார்த்து ஜொள்ளு விடுவேன் ! அவ்வளவு பிடிக்கும்” : ஷர்மிலி சொன்ன ஷூட்டிங் சீக்ரெட்..
ராமராஜன் , விஜயகாந்த் உள்ளிட்ட அப்போதைய டாப் நடிகர்களை அண்ணன் என அழைப்பாராம் ஷர்மிலி . சத்தியராஜை மட்டும் சார் என்பாராம்.
ஷர்மிலி :
இளம் வயதிலேயே சினிமாவை தேர்வுசெய்த நடிகைகளுள் நடிகை ஷர்மிலியும் ஒருவர் . 113 வயதில் குழு நடன கலைஞராக தனது சினிமா பயணத்தை தொடர்ந்தவர். 80 மற்றும் 90-களில் வெளியான படங்களில் கவர்ச்சி மற்றும் துணை நடிகையாக நடித்திருக்கிறார். ஒரு சில படங்களில் கவுண்டமணி , விவேக் , வடிவேலு உள்ளிட்ட நடிகர்களுடன் காமெடி கதாபாத்திரங்களை ஏற்றும் நடித்திருக்கிறார். இளவரசன், ஆவாரம்பூ உள்ளிட்ட பல படங்களில் நடித்திருக்கிறார்.
பிடித்த நடிகர் :
ஷர்மிலி தீவிரமான கார்த்திக் ரசிகையாம். அது கார்த்திக்குக்கும் தெரியும் என்கிறார். கார்த்திக்குடன் இரண்டு படங்களில் நடித்திருக்கும் ஷர்மிலி ஷூட்டிங் ஸ்பாட்டில் கார்த்திக்கை பார்த்து ஜொள்ளு விட்டுக்கொண்டிருப்பேன் என்கிறார். கனகா உள்ளிட்ட நடிகைகள் கார்த்திக்குடன் நடிக்கும்பொழுது , ஷர்மிலிக்கு கால் செய்து , உன் ஆளுடன்தான் நடிக்க போகிறேன் என்பார்களாம். அதற்கு ஷர்மி விளையாட்டாக “நெருக்கமான காட்சிகளில் நடித்தால் கொன்றுவிடுவேன்“ என மிரட்டுவாராம்.
அதை நான் கிரஸ் என்றெல்லாம் சொல்லமாட்டேன் என்னும் ஷர்மிலி , தீவிர ரசிகை என்றுதான் குறிப்பிடுகிறார். ராமராஜன் , விஜயகாந்த் உள்ளிட்ட அப்போதைய டாப் நடிகர்களை அண்ணன் என அழைப்பாராம் ஷர்மிலி . சத்தியராஜை மட்டும் சார் என்பாராம். ஆனால் கார்த்திக்கை , கார்த்திக் ஜி என அழைப்பேன் என்கிறார்.
View this post on Instagram
பட வாய்ப்பு :
ஷர்மிலி கவர்ச்சி நடிகையாக பெரும்பாலும் அறியப்பட்டவர். திருமணத்திற்கு பிறகு வெளி்நாட்டில் செட்டில் ஆனார். ஆனால் கணவருடன் அங்கு ஏற்பட்ட கருத்து வேறுபாடு காரணமாக, விவாகரத்து பெற்று மீண்டும் இந்தியாவிற்கே திரும்பிவிட்டார். அவருக்கு தற்போது வரும் கதாபாத்திரங்கள் அனைத்தும் வில்லி அல்லது வயதான கதாபாத்திரமாகத்தான் இருக்கிறது என வருத்தம் தெரிவிக்கிறார்.
தலைப்பு செய்திகள்
ட்ரெண்டிங் செய்திகள்
