Actress Meena : வதந்திகள் முட்டாள்களால் பரப்பப்படுகிறது...திருமண வதந்திகள் குறித்து சீறிய மீனா

பிரபல நடிகரை திருமணம் செய்துகொள்ள இருப்பதாக சமூக வலைதளத்தில் பரவும் வதந்திகளுக்கு நடிகை மீனா கடுமையாக பதிலளித்துள்ளார்

Written By : ராகேஷ் தாரா | Updated at : 19 Jul 2024 08:24 PM (IST)

actress meena reacts to marriage rumours with popular actor Actress Meena : வதந்திகள் முட்டாள்களால் பரப்பப்படுகிறது...திருமண வதந்திகள் குறித்து சீறிய மீனா

மீனா

Source : Twitter

மீனா

’நெஞ்சங்கள்' திரைப்படத்தில் குழந்தை நட்சத்திரமாக அறிமுகமானவர் மீனா. ஆனால் இவர் அனைவரின் கவனத்தையும் ஈர்த்தது நடிகர் ரஜினிகாந்த் கெளரவ வேடத்தில் நடித்த 'அன்புள்ள ரஜினிகாந்த்' திரைப்படம். அன்று தூக்கி வைத்து கொண்டாடிய நடிகர் ரஜினிக்கே, குழந்தை நட்சத்திரமாக அறிமுகமாகி, பின்பு ஜோடியாக நடித்து தமிழ் சினிமாவின் முன்னணி நடிகையானவர் மீனா.

ரஜினி , கமல், அஜித் , சூர்யா என தமிழ் சினிமாவின் அனைத்து முன்னணி நடிகர்களுடன் திரையில் தோன்றியுள்ளார். தமிழ், தெலுங்கு , மலையாளம் என பல மொழிகளில் கமர்ஷியல் மற்றும் எதார்த்தமான படங்களில் அசத்திய மீனா நடிப்பைத் தவிர்த்து ரியாலிட்டி ஷோவில் நடுவராகவும் இருந்து வருகிறார். மீனாவின் மகள் நைனிகா அட்லீ இயக்கத்தில் விஜய் நடித்த தெறி படத்தின் மூலம் குழந்தை நட்சத்திரமாக அறிமுகமானார். கடந்த 2022 ஆம் ஆண்டு உடல் நலக் குறைவால் மீனாவின் கணவர் வித்யாசாகர் காலமானார். இதனைத் தொடர்ந்து தனது மகளுடன் மீனா வசித்து வருகிறார். இப்படியான நிலையில் நடிகை மீனா இரண்டாவது திருமணம் செய்துகொள்ள இருப்பதாக நீண்ட நாட்களாக தகவல்கள் வெளியாகியபடியே இருந்தன.

முட்டாள்கள் தான் வதந்திகளை பரப்புவார்கள் - சீறிய மீனா

Rumors are created by haters,
spread by fools,
and accepted by idiots 🙂#Meena pic.twitter.com/DI8ieqGLVB
— Meena (@ActressMeena_) July 18, 2024

தனது திருமணம் குறித்தான வதந்திகளுக்கு நடிகை மீனா பலமுறை விளக்கமளித்துள்ள போதும் இந்த வதந்திகள் தொடர்ந்து கொண்டே இருக்கின்றன. சமூக வலைதளத்தில் உண்மையை பேசும்படியும் தன்னைப் போல் குழந்தைகளுடன் இருக்கும் நிறைய பெண்களைப் பற்றி யோசித்து பேசுங்கள் என்று அவர் முன்பு தெரிவித்திருந்தார். இதற்கு பின்னும் நடிகை மீனா பிரபல நடிகர் ஒருவருடன் நெருக்கமாக இருப்பதாகவும் அவரையே திருமணம் செய்துகொள்ள இருப்பதாகவும் வதந்திகள் பரவி வருகின்றன. தற்போது தனது எக்ஸ் பக்கத்தில் வதந்திகளை பரப்புபவர்களை கடுமையாக திட்டியுள்ளார் நடிகை மீனா. தனது பதிவில் “ வதந்திகள் வெறுப்பவர்களால் பரப்பப் படுகிறது. முட்டாள்களால் நம்பப் படுகிறது “ என்று குறிப்பிட்டுள்ளார்.

மேலும் படிக்க : Mari Selvaraj : “நான் நாடகக்காதல் திருமணம்தான் செய்திருக்கிறேன்; ஆனால்...” - மனைவி குறித்து பேசிய மாரி செல்வராஜ்

Mari Selvaraj: என்னை சந்தேகப் படுபவர்களுக்கு இந்த படம்... வாழை குறித்து இயக்குநர் மாரி செல்வராஜ்

About the author ராகேஷ் தாரா

He covers Tamil cinema, film and OTT reviews, entertainment news, and key developments across the film industry for ABP Nadu. He explores film criticism, storytelling, performances, and the evolving landscape of cinema and streaming platforms. He has produced and conducted interviews with film-industry personalities, including director Thiyagarajan Kumararaja and playback singer Chinmayi. Beyond journalism, he pursues his passion for writing, filmmaking, and creative storytelling. He also co-authored the Tamil non-fiction book Noruṅgum Puvi Arangal (Breaking Planetary Boundaries).