Aishwarya rajesh | ”பாத்ரூம் கூட போகமுடியாது.. அவ்ளோ கஷ்டம்..” : ஐஸ்வர்யா ராஜேஷின் பகிர்ந்த அனுபவங்கள்..
"நான் ரோட்டு கடையில கூட சாப்பிடுவேன். எனக்கு விஜய் சார், அஜித் சார் கூட நடிக்க ஆசைதான் . ஆனால் யாரும் கூப்பிடல"
பார்ப்பதற்கு பக்கத்து வீட்டு பெண் போன்ற தோற்றம் கொண்டவர் நடிகை ஐஸ்வர்யா ராஜேஷ். பல ரசிகர்கள் அவரது வெற்றியை தனது வெற்றியாக கொண்டாடி வருகின்றனர். சின்னத்திரையில் அறிமுகமான ஐஸ்வர்யா தனது தனித்திறமையால் இன்று முன்னேறிக்கொண்டிருக்கிறார். பொதுவாக கருப்பாக இருந்தால் ஹீரோயினாக முடியாது என்ற ஸ்டீரியோடைப்பை உடைத்த பெருமையில் ஐஸ்வர்யா ராஜேஷிற்கு பங்குண்டு . நேர்காணல் ஒன்றில் தனது சினிமா அனுபவம் , முதன் முதலாக கேரவேன் கிடைத்த அனுபவம் குறித்து வெளிப்படையாக பகிர்ந்துள்ளார் ஐஸ்வர்யா ராஜேஷ்.
View this post on Instagram
அதில் "எனக்கு பண்ணையாரும் பத்மினியும் படத்துலதான் கேரவேன் கொடுத்தாங்க. அதுக்கு முன்னால நடிச்ச எந்த படத்துக்குமே எனக்கு கேரோவேன் கொடுக்கல . காக்கா முட்டை படம் எடுத்தபொழுது அந்த ஏரியாவுல சின்னதா ஒரு லாட்ஜ் இருந்தது. அதுல ஒரு ரூம் , எல்லோரும் அதுலதான் தங்கி இருந்தோம் . அதன் பிறகு ரம்மி படத்துலயும் கேரவேன் இல்லை. அந்த படத்துல கூட மேல கூட வச்சு பாட்டு எடுக்கும்பொழுது லொகேஷன்ஸ் எல்லாம் பாறை மாதிரியெல்லாம் இருக்கும் . அப்போ பெட் போர்ட் வண்டியிலதான் காஸ்டியூம் மாத்தணும். இதுல கழிவறைதான் பெரிய தலைவலி. இப்போதெல்லாம் பெண்களுக்கு முக்கியத்துவம் கொடுத்து, தயாரிப்பாளர் தரப்புல நிறைய வசதிகள் செய்து கொடுக்குறாங்க. அப்போதெல்லாம் நான் தண்ணியே குடிக்க மாட்டேன். ஆனா பாட்டு எடுக்கனும் , வெயில் அதுபோல நிறைய சிரமப்பட வேண்டியதாக இருந்தது.எ னக்கு இந்த மாதிரியான தட்டுலதான் சாப்பிடனும்., இதுலதான் தண்ணி குடிக்கனும் அப்படினு நினைக்குற ஆள் இல்லை. நான் எல்லா மாதிரியான சூழலுக்கும் பழக்கப்பட்டவள்.
நான் எப்போதும்போல இருப்பேன். எனக்கு மாற பிடிக்கல. நான் ரோட்டு கடையில கூட சாப்பிடுவேன். எனக்கு விஜய் சார், அஜித் சார் கூட நடிக்க ஆசைதான் . ஆனால் யாரும் கூப்பிடல . ஒரு வேளை எனக்கான கதாபாத்திரமா, அது இல்லையோ என்னவோ. நான் நிறைய படங்கள்ல காசு இல்லாமல் கூட நடிச்சிருக்கேன். காசு என்னங்க காசு. சினிமா நிரந்தரம்.. எண்ணங்கள் நல்லா இருந்தா கடவுள் காசு கொடுப்பார். எனக்கு நடந்திருக்கு “ என தனது சினிமா மற்றும் ஷூட்டிங் ஸ்பாட் அனுபவங்களை பகிர்ந்துள்ளார் ஐஸ்வர்யா ராஜேஷ்.
தலைப்பு செய்திகள்
ட்ரெண்டிங் செய்திகள்
