Watch Video: இது அதிதி சங்கர் வெர்ஷன்... மால டம் டம் பாடலுக்கு நடனமாடி இன்ஸ்டா ரீல்... இதயங்களைப் பறக்கவிடும் ரசிகர்கள்!
தன் இன்ஸ்டா பக்கத்தில் தொடர்ந்து ஆக்டிவாக இருந்து வரும் நடிகை அதிதி தன் க்யூட்டான புகைப்படங்கள், வீடியோக்களைப் பகிர்ந்து தன் ரசிகர்களை உற்சாகப்படுத்தி வருகிறார்.
நடிகை அதிதி ஷங்கர் பகிர்ந்துள்ள இன்ஸ்டாகிராம் ரீல் சமூக வலைதளங்களில் ட்ரெண்டாகியுள்ளது.
முத்தையாவின் விருமன் படத்தில் கார்த்தி ஜோடியாக அதிரடியாக அறிமுகமானவர், இயக்குநர் சங்கரின் மகள் நடிகை அதிதி.
மருத்துவம் படித்து முடித்துள்ள நடிகை அதிதி, தான் நடித்து முடித்த பின் தன் நடிப்பு மீதுள்ள காதலால் தன் பெற்றோரிடம் பேசி நடிகையாக அறிமுகமானார்.
இசையிலும் ஆர்வம் கொண்டவரான அதிதி நடிக்க வரும் முன்பாகவே டோலிவுட்டில் ஏற்கெனவே தமன் இசையில் பாடகியாக அறிமுகமாகியுள்ளார்.
தொடர்ந்து சென்ற ஆண்டு முத்தையாவின் விருமன் படத்தில் நடிகர் கார்த்திக்கு ஜோடியாக அறிமுகமான அதிதி, தேனு என்ற தன் கதாபாத்திரத்தின் மூலம் பெரும் திரளான ரசிகர்களைப் பெற்றார். மேலும் இந்தப் படத்தின் இசையமைப்பாளர் யுவன் சங்கர் ராஜாவுடன் இணைந்து ’மதுரை வீரன் எனும் பாடலைப் பாடி லைக்ஸ் அள்ளினார்.
தொடர்ந்து ஏ.ஆர்.ரஹ்மான் இசையமைத்து, விக்னேஷ் சிவன் இயக்கிய ‘வணக்கம் சென்னை செஸ்’ என்ற பாடலில் பரதநாட்டிய நடனமாடி ரசிகர்களின் இதயங்களை வென்றார்.
எனினும் விருமன் பட ப்ரொமோஷன் பணிகளின்போது கடிஜோக் சொன்ன அதிதியின் செயல் இணையத்தில் பெரும் கேலிக்குள்ளானது. தொடர்ந்து அதிதி சமூக வலைதளங்களில் நீக்கமற நிறைந்திருந்த நிலையில், சமூக வலைதளங்களின் சென்சேஷனாக மாறினார்.
மற்றொருபுறம் தன் இன்ஸ்டா பக்கத்தில் தொடர்ந்து ஆக்டிவாக இருந்து வரும் நடிகை அதிதி தன் க்யூட்டான புகைப்படங்கள், வீடியோக்களைப் பகிர்ந்து தன் ரசிகர்களை உற்சாகப்படுத்தி வருகிறார்.
அந்த வகையில் தற்போது இன்ஸ்டாவில் ட்ரெண்டிங்கில் இருந்து வரும் ‘மால டம் டம்’ பாடலுக்கு நடனமாடி அதிதி பகிர்ந்துள்ள வீடியோ இன்ஸ்டாவில் லைக்ஸ் அள்ளி வைரலாகியுள்ளது.
View this post on Instagram
முன்னதாக நடிகை அதிதி ராவ் ஹைதாரி - நடிகர் சித்தார்த் இருவரும் இணைந்து இந்த ரீலுக்கு நடனமாடி பகிர்ந்த வீடியோவும் இன்ஸ்டாவில் ட்ரெண்டாகி லைக்ஸ் அள்ளியது.
இந்நிலையில், அதிதி சங்கரின் இந்த வீடியோவை அவரது ரசிகர்கள் பகிர்ந்து உற்சாகத்தை வெளிப்படுத்தி வருகின்றனர். அதிதி தற்போது சிவகார்த்திகேயன் ஜோடியாக மாவீரன் படத்தில் நடித்து வருகிறார்.
தேசிய விருது பெற்ற இயக்குநர் மடோன் அஸ்வின் இந்தப் படத்தினை இயக்குகிறார். முன்னதாக இந்தப் படத்தின் முதல் சிங்கிள் பாடலான சீனு சீனு பாடல் வெளியாகி கவனமீர்த்தது குறிப்பிடத்தக்கது,
தலைப்பு செய்திகள்
ட்ரெண்டிங் செய்திகள்
