”சண்முகம் வண்டிய எட்றா” - மீண்டும் நாட்டாமையாக ரீ-எண்ட்ரி கொடுக்கும் விஜயகுமார்
வெள்ளித்திரையில், நாட்டாமையாக நடித்து புகழ் பெற்ற விஜய் குமார், சின்னத்திரை சீரியலிலும் நாட்டாமையாக நடிக்கிறார் என தகவல் வெளியாகி உள்ளது.
சின்னத்திரையில் இருந்து சினிமாவுக்கு சென்ற நடிகர்கள் நிறையப்பேர். அதே போல, சினிமாவில் கொடிகட்டிப் பறந்த முன்னணி நடிகர் நடிகைகளும் கூட சீரியலில் எண்ட்ரி தந்து தங்களுக்கான இடத்தைப் பிடித்துள்ளனர். அந்த வரிசையில், சினிமாவிலும் பல படங்களில் நடித்து, சீரியலிலும் நடித்திருக்கும் விஜய் குமார், சில காலம் நடிப்புக்கு இடைவெளி விட்டிருந்தார். இந்நிலையில், மீண்டும் சீரியலில் ரீ-எண்ட்ரி தந்திருக்கிறார்.
2009-ம் ஆண்டு ‘தங்கம்’ சீரியலில் நடித்தது மூலம், சீரியலில் எண்ட்ரி தந்தார். அதனை தொடர்ந்து, சில சீரியல்களில் நடித்து வந்தார். கடைசியாக 2019-ம் ஆண்டு ‘ராசாத்தி’ சீரியலில் நடித்த அவர், சில காலம் சீரியலில் நடிக்காமல் இருந்தார். இப்போது ஜீ தமிழில் ஒளிபரப்பாகி வரும் “ஒரு ஊருல ரெண்டு ராஜகுமாரி” சீரியல் மூலம் மீண்டும் சின்னத்திரையில் நடிக்க உள்ளார். வெள்ளித்திரையில், நாட்டாமையாக நடித்து புகழ் பெற்ற விஜய் குமார், இந்த சீரியலிலும் நாட்டாமையாக நடிக்கிறார் என தகவல் வெளியாகி உள்ளது.
View this post on Instagram
சின்னத்திரையில் கலக்க இருக்கும் விஜய்குமாரின் எண்ட்ரிக்காக “நாட்டாமை” ரசிகர்கள் காத்திருக்கின்றனர். இன்னொரு புறம், விஜய் குமாரின் மகளான வனிதா விஜய்குமார், பிக் பாஸ் அல்டிமேட் நிகழ்ச்சியில் கலக்கி வருகிறார். அவரைச் சுற்றி சண்டைகளும், சர்ச்சைகளுமாக இருந்தாலும், வனிதாவுக்கென தனி ரசிகர் கூட்டம் இருக்கிறது. இதனால், பிக் பாஸ் நிகழ்ச்சியை அடுத்து பிக் பாஸ் அல்டிமேட்டிலும் பங்கேற்றிருக்கிறார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
