Vemal : இத பண்ணா வாழவே முடியாது...நடிகர் விமல் சிம்பிள் டிப்ஸ்

இன்னொருவரின் வாழ்க்கையோடு நம் வாழ்க்கையை ஒப்பிட்டால் நம் வாழ்க்கையை நாம் வாழவே முடியாது என்பது தான் நடிகர் விமலில் லைஃப் டிப்ஸ்

நடிகர் விமல் . விமல்

Source : Twitter

விமல்

கில்லி , கிரீடம் , குருவி என பல படங்களில் துணை கதாபாத்திரத்தில் நடித்த விமல் பாண்டிராஜ் இயக்கிய பசங்க படத்தில் நாயகனாக அறிமுகமானார். தொடத்ந்து களவானி , வாகை சூட வா , கலகலப்பு , கேடி பில்லா கில்லாடி ரங்கா , தேசிங்கு ராஜா என அடுத்தடுத்த படங்கள் விமலுக்கு ஹிட் கொடுத்தன. அடுத்தடுத்து நிறைய படங்களில் நடித்தாலும் அவை விமலை ஒரு நடிகராக அடுத்த கட்டத்திற்கு கொண்டு செல்லவில்லை. கடந்த 2022 ஆம் ஆண்டு புஷ்கர் காயத்ரி இயக்கத்தில் விமல் நடித்த சுழல் வெப் சீரிஸ் நல்ல வரவேற்பைப் பெற்றது. தொடர்ந்து கடந்த ஆண்டு போஸ் வெங்கட் இயக்கத்தில் விமல் நடித்த சார் திரைப்படம் விமர்சன ரீதியாக பாராட்டப் பட்டாலும் வசூல் ரீதியாக வெற்றிபெறவில்லை. 

விமல் கொடுத்த லைஃப் அட்வைஸ்

பெரிய ஆக்‌ஷன் ஹீரோ அளவிற்கு பெரிய நடிகராகவில்லை என்றாலும் விமலுக்கு என ஒரு தனி ரசிகர்கள் இருக்கிறார்கள். எதற்கும் பெரிதாக அலட்டிக் கொள்ளாமல் விமல் கொடுக்கும் லை அட்வைஸ் ரசிகர்களை கவரக் கூடியவை. பொழுது போகாத நேரத்தில் விமல் படங்களை பார்த்து டைம் பாஸ் செய்வது ரசிகர்களின் பொழுது போக்காய் இருக்கிறது. அந்த வகையில் விமல் நடித்துள்ள படவா திரைப்படம் நாளை பிப்ரவரி 14 ஆம் தேதி திரையரங்கில் வெளியாக இருக்கிறது. 

படவா

கே வி நந்தா இயக்கத்தில் விமல், சூரி, கேஜிஎஃப் ராம், தேவதர்ஷினி, நமோ நாராயணன், செந்தில், ஸ்ரீதா ராவ் ஆகியோர் பலரது நடிப்பில் உருவாகியுள்ள படம் தான் படவா. முழுக்க முழுக்க காமெடி கதையை மையப்படுத்திய இந்தப் படம் 6 ஆண்டுகளுக்கு முன்பு வெளியாக இருந்து கிடப்பில் போடப்பட்டது. இந்த நிலையில் தான் பிப்ரவரி 14 ஆம் தேதி காதலர் தினத்தன்று படவா படம் திரைக்கு வருகிறது. ஜான் பீட்டர் இந்தப் படத்திற்கு இசையமைத்துள்ளார். இப்படத்தின் ப்ரோமோஷனில் கலந்துகொண்ட விமல் கொடுத்துள்ள லைஃப் அட்வைஸ் ரசிகர்களை கவர்ந்துள்ளது. 

நம்ம எப்போதும் நம்மை இன்னொருவருடன் நம்மை கம்பேர் செய்யவே கூடாது. கம்பேசிஸனுக்கு எல்லையே கிடையாது. நம் வாழ்க்கையை இன்னொருவரின் வாழ்க்கையோடு ஒப்பிட்டால் நம் வாழ்க்கையை நாம் வாழவே முடியாது. நம்ம எப்டி இருக்கோம் நம்ம எப்டி வாழனும்னு எடுத்துகிட்ட லைஃப் ஜாலியா இருக்கும் " என விமர் தெரிவித்துள்ளது ரசிகர்களை கவர்ந்துள்ளது