அரசன் படத்திற்காக 12 கிலோ எடை குறைப்பு...சிம்புவை செதுக்கும் வெற்றிமாறன்

Arasan Update : வெற்றிமாறன் இயக்கத்தில் நடிக்கும் அரசன் படத்திற்காக சிம்பு 12 கிலோ எடை குறைக்க இருப்பதாக தகவல்கள் வெளியாகியுள்ளன

சிம்பு , அரசன் , வெற்றிமாறன்

Source : X

வெற்றிமாறன் இயக்கத்தில் சிம்பு நடிக்கும் அரசன் படத்தின் டைட்டில் அறிவிப்பு கடந்த மாதம் வெளியானது. கலைப்புலி எஸ் தானு தயாரிப்பில் உருவாகும் இப்படத்திற்கு அனிருத் இசையமைக்கிறார். கூடிய விரைவில் அரசன் படத்தின் படப்பிடிப்பு துவங்க இருக்கும் நிலையில் படத்திற்காக சிம்பு துபாய் சென்று கடுமையான உடற்பயிற்சி செய்து 12 கிகோ எடையை குறைத்துள்ளார். 

அரசன் படப்பிடிப்பு எப்போது 

வடசென்னையை மையப்படுத்திய கதைக்களத்தை மையமாக வைத்து அரசன் திரைப்படம் உருவாக இருக்கிறது. பெரும்பாலான காட்சிகள் சென்னையில் லைவ் லொக்கேஷன்களில் படமாக்கப்பட இருக்கின்றன. அண்மையில் மாஸ்க் படத்தின் பத்திரிகையாளர் சந்திப்பி வரும் நவம்பர் 24 ஆம் தேதி படப்பிடிப்பு துவங்க இருப்பதாக வெற்றிமாறன் தெரிவித்தார். அதன்படி முதற்கட்ட படப்பிடிப்பு காசிமேடில் துவங்க இருக்கிறது. 

படக்குழு

அரசன் படத்தின் ப்ரோமோவில் நெல்சன் ஒரு குட்டி கேமியோ செய்திருந்தார். அதேபோல் படத்திலும் அவருக்கு ஒரு கதாபாத்திரம் இருக்கலாம். வடசென்னை படத்தில் நடித்த  கிஷோர் , சமுத்திரகனி ஆகிய நடிகர்கள் இப்படத்திலும் நடிக்க இருக்கிறார்கள். நாயகியாக நடிக்க சமந்தாவுடன் பேச்சு வார்த்தை நடந்து வருவதாக கூறப்படுகிறது. வேல்ராஜ் ஒளிப்பதிவு செய்கிறார். 

12 கிலோ குறைக்கும் சிம்பு 

25 வயது மற்றும் 45 வயது என இரு தோற்றங்களில் சிம்பு இப்படத்தில் நடிக்க இருக்கிறார். இளம் தோற்றத்திற்காக சிம்புவிடம் வெற்றிமாறன் 12 கிலோ குறைக்க சொல்லியதாகவும் இதனால் துபாயில் கடுமையான உடற்பயிற்சி செய்து சிம்பு தனது உடன் எடையை குறித்து தயாராகி வருகிறார். தனது புதிய லுக்கில் புகைப்படத்தை தனது இன்ஸ்டாகிராம் பக்கத்தில் சிம்பு அப்லோட் செய்திருந்தார்.  நவம்பர் முதற்கட்ட படப்பிடிப்பிற்கு சிம்பு விரைவில் தமிழ்நாடு வரவிருக்கிறார். 

தனுஷ் நடித்த வடசென்னை கதையுலகத்திற்குள் நிகழும் கதையே அரசன். இரண்டும் கதைகளுக்கும் கால வித்தியாசங்கள் இருந்தாலும் இரண்டையும் வெற்றிமாறன் இந்த படத்தில் எப்படி இணைக்கப் போகிறார் என்பதை தெரிந்துகொள்ள ரசிகர்கள் ஆவலாக காத்திருக்கிறார்கள்

 

 

 

 

 

View this post on Instagram

 

 

 

 

 

 

 

 

 

 

 

A post shared by Silambarasan TR (@silambarasantrofficial)