![ABP Premium](https://cdn.abplive.com/imagebank/Premium-ad-Icon.png)
எளிமையாக, சத்தமில்லாமல் நிச்சயதார்த்தம் முடித்த வலிமை பட வில்லன்..!
ஹெச்.வினோத் இயக்கத்தில் போனி கபூர் தயாரிப்பில் தல அஜித் நடிக்கும் வலிமை திரைப்படத்தின் வில்லன் கார்திகேய கும்மாகொண்டாவிற்கு அமெரிக்காவில் ரகசியமாக நிச்சயதார்த்தம் நடந்து முடிந்திருக்கிறது.
![எளிமையாக, சத்தமில்லாமல் நிச்சயதார்த்தம் முடித்த வலிமை பட வில்லன்..! Actor Kartikeya Gummakonda Gets Engaged To Lohitha Reddy. See Pics எளிமையாக, சத்தமில்லாமல் நிச்சயதார்த்தம் முடித்த வலிமை பட வில்லன்..!](https://feeds.abplive.com/onecms/images/uploaded-images/2021/08/23/37dbda10e0621311ad446b67a507329b_original.jpg?impolicy=abp_cdn&imwidth=1200&height=675)
‘RX 100’ மூலம் நிறைய ரசிகர்களையும் புகழையும் பெற்ற நடிகர் கார்த்திகேய கும்மகொண்டா. பின்னர் வேறு சில தெலுங்கு படங்களில் தோன்றிஇருந்தாலும் நானியின் 'கேங் லீடர்' மற்றும் '90 ML' ஆகிய படங்களில் தனது படிப்பிற்காக வெகுவாக பாராட்டப்பட்டார். சீக்ரட்டாக நிகழப்பெற்ற அவரது நிச்சயதார்த்த விழாவின் படம் இணையத்தில் இன்று காலை முதல் வைரலாகி வந்தது. கும்மக்கொண்டா தற்போது அமெரிக்காவில் இருப்பதாகவும், நிச்சயதார்த்த விழா முடிந்து இந்தியா திரும்புவார் என்றும் தகவல்கள் வந்தவண்ணம் இருந்தன. ஆனால் அவரிடமிருந்து அதிகாரப்பூர்வ அறிவிப்புகள் எதுவும் தனது சமூக வலைதளங்களில் வெளியிடாமல் இருந்து வந்தார்.
முன்னதாக நடிகர் சுமந்தின் ஒரு திருமண நிச்சயம் புகைப்படம் இதேபோல் வைரலானது, ஆனால் பின்னர் அது போலியானது என்று தெளிவுபடுத்தப்பட்டது. அப்போது சுமந்த அது தான் செய்துகொண்டிருக்கும் திரைப்படத்திலிருந்து எடுக்கப்பட்ட புகைப்படம் என்றும், அவர் உண்மையாக திருமணம் செய்து கொள்ளவில்லை என்றும் தெளிவுபடுத்தினார். ஆனால் கார்த்திகேயா மீடியாக்களின் கவனம் பெறாமல் இருக்க ரகசியமாக நிச்சயம் செய்து கொண்டுள்ளார். ஆனால் இன்று மாலை வரை அது குறித்து எதுவும் பேசாததால் அந்த புகைப்படம் குறித்து கும்மகொண்டா என்ன சொல்கிறார் என்று தெரிந்துகொள்ள அவரது ரசிகர்களும் காத்திருந்தார்கள். தற்போது அவரே அந்த செய்தியை இரு புகைப்படங்கள் வெளியிட்டு ட்விட்டரில் உறுதிப்படுத்தியுள்ளார்.
கார்த்திகேய கும்மகொண்டா, போதுவெளிக்கு அறிவிக்காமல் ‘ரகசியமாக’ நிச்சயதார்த்தம் செய்து கொண்டது குறித்து தெலுங்கு திரையுலகம் விவாதித்து வருகிறது. ராக்கி பவுர்ணமி அன்று பாரம்பரிய முறையில் தான் காதலித்த பெண்ணுடன் தன் குடும்பத்தாரும் நெருங்கிய நண்பர்கள் மட்டும் சூழ நிச்சயதார்த்தத்தை நடத்தி முடித்திருக்கிறார்.
தேவையற்ற கவனத்தைத் தவிர்ப்பதற்காக வேண்டுமென்றே குறைந்த அளவிலான நபர்களை வைத்து நிச்சயதார்த்தம் செய்து முடித்திருக்கிறார். அவருக்கு நிச்சயதார்த்தம் நடந்த தினத்தன்று நடிகர் சிரஞ்சீவியின் பிறந்தநாள். கும்மாகொண்டா ஓரு சிரஞ்சீவி ரசிகர். அது தற்செயலாக அமைந்ததா அல்லது கும்மகொண்டா திட்டமிட்டே செய்தாரா என்று ரசிகர்கள் சமூக வலைதளங்களில் கிசுகிசுக்கின்றார்கள். நிச்சய மேடையில் கும்மகொண்டாவின் திரைப்பட பாடல்களுக்கு அவரே மிகுந்த ஈடுபாட்டுடன் நடனம் ஆடியதாக கூறுகிறார்கள் நிகழ்ச்சியை நேரில் கண்டவர்கள். மணமகளின் பெயர் லோஹிதா என்பதை தவிர வேறு குடும்ப விவரங்கள் எதுவும் வெளியிடப்படவில்லை.
திரைத்துறையில் கார்த்திகேயா தற்போது 'ராஜா விக்ரமார்கா'வில் நடித்துக்கொண்டிருக்கிறார். தமிழின் மிகவும் எதிர்பார்க்கப்படும் திரைப்படமான 'வலிமை' படத்தில் ‘தல’ அஜித்துக்கு வில்லனாக நடிக்கிறார்.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)