Actor Dhanush: நல்லவேளை நான் முந்திகிட்டேன் .. கேப்டன் மில்லர் விழாவில் தனுஷ் சொன்ன சீக்ரெட் தகவல்

சத்யஜோதி நிறுவனம் தயாரிப்பில் நடிகர் தனுஷ் நடித்துள்ள படம் “கேப்டன் மில்லர்”. இந்த படத்தை அருண் மாதேஸ்வரன் இயக்கியுள்ளார்.

தனுஷ் - அருண் மாதேஸ்வரன்

கேப்டன் மில்லர் பட விழாவில் பேசிய நடிகர் தனுஷ், அப்படத்தின் இயக்குநர் அருண் மாதேஸ்வரன் பற்றி பேசியது இணையத்தில் வைரலாகி வருகிறது. 

சத்யஜோதி நிறுவனம் தயாரிப்பில் நடிகர் தனுஷ் நடித்துள்ள படம் “கேப்டன் மில்லர்”. இந்த படத்தை அருண் மாதேஸ்வரன் இயக்கியுள்ளார். ஜி.வி.பிரகாஷ்குமார் இசையமைத்துள்ளார். பிரியங்கா மோகன், சிவராஜ்குமார், சந்தீப் கிஷன், நிவேதிதா சதீஷ், காளி வெங்கட் உள்ளிட்ட பலரும் நடித்துள்ள கேப்டன் மில்லர் படம் வரும் ஜனவரி 12 ஆம் தேதி தியேட்டரில் வெளியாகும் என தெரிவிக்கப்பட்டுள்ளது. 

இதனிடையே கேப்டன் மில்லர் படத்தின் ப்ரீ ரிலீஸ் நிகழ்ச்சி சென்னை நேரு உள்விளையாட்டரங்கில் நடைபெற்றது. அதில் பேசிய நடிகர் தனுஷ், “சிறுக சிறுக சேர்த்த சிறு துளி (ரசிகர்கள்), பெருவெள்ளமாக இன்னைக்கு என் முன்னாடி இருக்கீங்க. இது நான் சேர்த்த சொத்து. இது அனைத்துக்கும் நான் நன்றிக்கடன் பட்டுள்ளேன். கில்லர் கில்லர் கேப்டன் மில்லர். இந்த படம் பற்றி யோசித்தால் உழைப்பு மட்டும் தான் நியாபகம் வரும். அப்படிப்பட்ட  அசுர தனமான உழைப்பு இதில் இருக்கும்.

எவ்வளவு அர்ப்பணிப்பு, உயிரை பணயம் வைத்து எடுக்கப்பட்ட கேப்டன் மில்லர் படம் அனைவருக்கும் பிடிக்கும் என நம்புகிறேன். இந்த படத்தில் இடம்பெற்ற பாடலில் You believe devil? I am the devil என்ற வரிகள் வரும். அந்த டெவில் அருண் மாதேஸ்வரன் தான். மிருகத்தனமாக உழைப்புக்கு சொந்தக்காரர். அவர்  மற்றும் இந்த படக்குழு உழைத்த உழைப்பை பார்க்குறப்பா நான் வேலை பார்த்தேன்னு சொல்லவே கூச்சமா இருக்கு. படக்குழுவினர் என்னை பூ மாறி பார்த்து கிட்டாங்க. நான் நிறைய அறிமுக இயக்குனர் உடன் படம் பண்ணிருக்கேன். 

ஆனால் அருண் மாதேஸ்வரனை பார்க்கும்போது எனக்கு வெற்றி மாறன் நியாபகம் தான் வருகிறது. கேப்டன் மில்லர் படத்தின் கதை சொல்லும் போது பெரிய அளவில் நான் கேட்ட கேள்விக்கெல்லாம் பேசவில்லை. ஆனால் படம் பார்த்துவிட்டேன். இப்போ தான் அருண் ஏன் பெரிய அளவில் பேசவில்லை என புரிகிறது. இந்த படம் பண்ணும் போது நான் ராக்கி படம் பார்க்கவில்லை. ஆனால் அருண் மாதேஸ்வரன் சம்பவம் பண்ற கைன்னு புரிஞ்சிது. நல்லவேளை நான் அவரை முந்திக்கொண்டு பிடித்து விட்டேன். விரைவில் அவருடன் ஒரு படத்தில் இணையவுள்ளேன்” எனவும் தனுஷ் தெரிவித்துள்ளார்.