Actor Balayya: இசையமைப்பாளர் தமனை திக்குமுக்காட வைத்த நடிகர் பாலையா..என்ன செஞ்சார்னு பாருங்க...
ஒருவருக்கு திடீரென விலை உயர்ந்த பரிசு கிடைத்தால், அவர்கள் திக்குமுக்காடிப் போவார்கள்தானே.? இசையமைப்பாளர் தமனுக்கு அப்படி ஒரு நிலையைதான் கொடுத்திருக்கிறார் நடிகர் பாலையா.
தெலுங்கு திரையுலகில் முன்னணி நடிகராக வலம் வருபவர், பாலையா என்று அழைக்கப்படும் நந்தமூரி பாலகிருஷ்ணா. இவர், இசையமைப்பாளர் தமனுக்கு ஒரு காஸ்ட்லி கிஃப்டை கொடுத்து, அவரை திக்குமுக்காடச் செய்திருக்கிறார். அப்படி என்ன செய்தார்.? எதற்காக செய்தார் என பார்க்கலாம்.
தொடர் ஹிட் படங்களை கொடுத்துவரும் பாலையா
தெலுங்கு திரையுலகில் 40 ஆண்டுகளுக்கும் மேலாக நடித்துவரும் பாலையா, 100-க்கும் மேற்பட்ட படங்களில் நடித்துள்ளார். சமீபத்தில் அவர் நடிப்பில் வெளியான டாக்கு மகராஜ், அவருக்கு பெரும் வரவேற்பை கொடுத்து, வசூலையும் குவித்துள்ளது. அதற்கு முன்னதாக அவர் நடிப்பில் வெளியான பகவந்த் கேசரி, அகண்டா படங்களும் அவருக்கு பெரும் வெற்றிப் படங்களாக அமைந்து நல்ல பெயரை வாங்கிக்கொடுத்தன. இந்த நிலையில், கேங்ஸ்டர் பின்னணியில், பாபி கொல்லி இயக்கத்தில் வெளியான டாக்கு மகராஜ் ஹிட் கொடுக்கவே, மிகவும் மகிழ்ச்சியில் இருக்கிறார் பாலையா.
பாலையா வெற்றியில் முக்கிய பங்கு வகித்த இசையமைப்பாளர் தமன்
இசையமைப்பாளர் தமன் தெலுங்கு மற்றும் தமிழ் படங்களுக்கு இசையமைத்து வருகிறார். துள்ளல் இசையில் தனக்கென ஒரு இடத்தை பிடித்து வைத்துள்ள தமன், ஷங்கரின் பாய்ஸ் திரைப்படத்தில் நடித்தது உங்ளுக்கு ஞாபகம் இருக்கும். இவர் தற்போது, இரு மொழிகளிலும் பிசியான இசையமைப்பாளராக வலம் வருகிறார். இவர்தான், பாலையாவின் பெரும்பாலான ஹிட் படங்களுக்கெல்லாம் இசையமைத்தவர். பாலையாவின் படங்களில் இசையும் ஒரு முக்கிய பங்கு வகிக்கிறது. துள்ளல் இசைக்கு அவர் போடும் ஆட்டத்தை காண ஒரு ரசிகர் கூட்டம் இருக்கிறது.
அந்த வகையில், பாலையாவின் பகவந்த் கேசரி, அகண்டா, வீரசிம்ஹா ரெட்டி, சமீபத்திய ஹிட்டான டாக்கு மகராஜ் படங்களுக்கெல்லாம் இசையமைத்தவர் தமன் தான். இதனால், இவர் பாலையாவின் செல்லப் பிள்ளை ஆகிப்போனார்.
தமனை திக்குமுக்காட வைத்த பாலையாவின் பரிசு
இப்படி, தன்னுடைய படங்களின் வெற்றிக்கு முக்கிய பங்காற்றிய தமனுக்கு, சுமார் 2 கோடி ரூபாய் மதிப்புள்ள போர்ஷ் காரை பரிசளித்து, அவரை திக்குமுக்காட வைத்துள்ளார்.
இயக்குநர்கள், இசையமைப்பாளர்களுக்கு கார் பரிசு வழங்குவது கோலிவுட்டில் வழக்கமாக உள்ளது. தயாரிப்பாளராக, தங்களுக்கு வெற்றிப்படங்களை கொடுக்கும் கலைஞர்களுக்கு, தயாநிதி மாறன், கமல்ஹாசன் போன்றோர், காஸ்ட்லியான கார்களை பரிசளித்து மகிழ்ந்தனர். அந்த வரிசையில், ஹீரோவான பாலையா தற்போது இணைந்திருக்கிறார்.
தலைப்பு செய்திகள்
ட்ரெண்டிங் செய்திகள்
