Thunivu: சென்னை அண்ணா சாலையில் ‘துணிவு’ ஷூட்டிங்.. வேற லெவல் லுக்கில் அஜித்...குவிந்த கூட்டம்!

துணிவு படம் பொங்கல் வெளியீடாக இருக்கும் என ஓரளவு உறுதியான தகவல் வெளியான நிலையில் படப்பிடிப்பு கிட்டதட்ட முடிவடைந்துள்ளது.

துணிவு படப்பிடிப்பு புகைப்படங்கள்

சென்னையின் முக்கிய சாலையில் துணிவு படத்தின் படப்பிடிப்பு நடந்த நிலையில் ரசிகர்கள் குவிந்ததால் பரபரப்பு ஏற்பட்டது. 

தமிழ் சினிமாவின் முன்னணி நடிகராக உள்ள நடிகர் அஜித் 3வது முறையாக தயாரிப்பாளர் போனி கபூர் - இயக்குநர் ஹெச்.வினோத் கூட்டணியில் நடித்து வருகிறார். ஏற்கனவே நேர்கொண்ட பார்வை, வலிமை ஆகிய படங்கள் கலவையான விமர்சனத்தை சந்தித்த நிலையில் 3வது படத்தை பெரும் எதிர்பார்ப்போடு ரசிகர்கள் எதிர்நோக்கி காத்திருக்கின்றனர். அஜித்தின் 61வது படமாக உருவாகி வரும் இப்படத்திற்கு “துணிவு” என பெயரிடப்பட்டுள்ளது. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Boney.kapoor (@boney.kapoor)

இந்த படத்தில் நாயகியாக பிரபல நடிகை மஞ்சுவாரியர் நடித்துள்ள நிலையில் ஜிப்ரான் இப்படத்திற்கு இசையமைக்கிறார். வங்கி கொள்ளையை மையமாக வைத்து எடுக்கப்பட்டு வரும் இதன் படப்பிடிப்பு ஹைதராபாத், பாங்காங், விசாகப்பட்டினம், தாய்லாந்து உள்ளிட்ட இடங்களில் நடந்தது. கடந்த செப்டம்பர் 22 ஆம் தேதி துணிவு படத்தின் டைட்டில் மற்றும் ஃபர்ஸ்ட் லுக் போஸ்டர்கள் வெளியாகியது.

துணிவு படம் பொங்கல் வெளியீடாக இருக்கும் என ஓரளவு உறுதியான தகவல் வெளியான நிலையில் படப்பிடிப்பு கிட்டதட்ட முடிவடைந்துள்ளது. இதற்கிடையில் அஜித் தாய்லாந்தில் உள்ள கிராமப்பகுதிகளில் தனது பைக்கில் பயணம் செய்து வரும் புகைப்படங்கள் சில தினங்களுக்கு முன் வெளியாகி வைரலானது. ரசிகர்களும் துணிவு படத்தை எதிர்நோக்கி மிகுந்த ஆவலுடன் காத்திருக்கின்றனர். 

🔥🔥🔥#Thunivu #AjithKumar #ThunivuPongal2023 pic.twitter.com/q72GX25Oef

— ✧༺♥༻HARI༺♥༻✧ (@MSKHari1321) October 16, 2022

#Thunivu Shoot Started At Chennai 💥 #AjithKumar #ThunivuPonagal2023 @DeenaMugesh4 pic.twitter.com/U1oz2FENlx

— Deena Mugesh (@DeenaMugesh4) October 16, 2022

இந்நிலையில் சென்னை அண்ணாசாலையில் உள்ள எல்ஐசி பகுதியில் துணிவு படத்தின் படப்பிடிப்பு இன்று நடைபெற்றது. நேற்று நள்ளிரவு முதலே படப்பிடிப்பு நடந்த நிலையில் இதில் அஜித், மஞ்சு வாரியர் இருவரும் பங்கேற்றனர். தகவல் அறிந்து சம்பவ இடத்திற்கு வந்த ரசிகர்களால் அப்பகுதியில் சிறிது நேரம் பரபரப்பு நிலவியது.