மீண்டும் இணையும் எஸ்.ஜே.சூர்யா ரஹ்மான் கூட்டணி...ஹைப் ஏற்றும் கில்லர் திரைப்படம்

AR Rahman : எஸ்.ஜே சூர்யா இயக்கி நடிக்கும் கில்லர் திரைப்படத்திற்கு ஏ.ஆர் ரஹ்மான் இசையமைக்க இருப்பதாக அறிவிப்பு வெளியாகியுள்ளது

ஏ ஆர் ரஹ்மான் , கில்லர் , எஸ். ஜே சூர்யா

Source : Twitter

ஏ.ஆர் ரஹ்மான் இசையமைக்கும் கில்லர் 

10 ஆண்டுகளுக்குப் பின் எஸ்.ஜே சூர்யா திரைப்பட இயக்கத்திற்கு திரும்பியுள்ளார். ஶ்ரீகோகுலம் மூவீஸ் மற்றும் எஞ்சல் ஸ்டுடியோஸ் இணைந்து தயாரிக்கும் புதிய படத்தை எஸ்.ஜே. சூர்யா தயாரித்து நடிக்கிறார். படத்தின் டைட்டில் கில்லர் என்றால் இது ஒரு நல்ல பொழுதுபோக்கு அம்சமுள்ள ரொமாண்டி  த்ரில்லர் படமாக இருக்கும் என எஸ்.ஜே சூர்யா தெரிவித்துள்ளார்.

அயோத்தி படத்தில் நடித்த ப்ரீத்தி அன்ஸாரி இந்த படத்தில் நாயகி நடிக்கிறார். கடந்த ஜூன் மாதம் இப்படத்தின் பூஜை நடைபெற்றது. தற்போது இப்படத்தின் இசையமைப்பாளர் அறிவிக்கப்பட்டுள்ளார். நியு , அன்பே ஆருயிரே படத்தைத் தொடர்ந்து தமிழில்  மூன்றாவது முறையாக ஏ. ஆர் ரஹ்மான் எஸ் ஜே சூர்யா கூட்டணி மீண்டும் இந்த படத்தில் இணைந்துள்ளது. இந்த கூட்டணியில் வெளியான பாடல்களுக்கு இன்றளவும் மிகப்பெரிய வரவேற்பு இருந்து வரும் நிலையில் கில்லர் படத்தின் மீது எதிர்பார்ப்பு அதிகரித்துள்ளது. வாலி , குஷி போன்ற ப்ளாக்பஸ்டர் ஹிட் கொடுத்த எஸ்.ஜே சூர்யாவின் இயக்கத்தைப் பார்க்கவும் ரசிகர்கள் ஆவலாக காத்திருக்கிறார்கள்

Yah it’s none other than OUR ISAI PUYAL , THE MUSICAL LEGEND, INDIAN PRIDE, OUR ONE N ONLY @arrahman sir 🥰🥰🥰💐💐💐💐💐💐sirrrr welcome on board sir 🙏🔥🙏🥰 immensely happy joining you again sir 🙏🙏🙏 #killer@GokulamGopalan #VCPraveen#BaijuGopalan#Krishnamoorthy… pic.twitter.com/kC9XPIs9mo

— S J Suryah (@iam_SJSuryah) July 7, 2025

குஷி , வாலி என முன்னணி நடிகர்களுக்கு மிகப்பெரிய ஹிட் கொடுத்தவர் எஸ்.ஜே சூர்யா. இதன் தனது படங்களை தானே தயாரித்து இயக்கி நடித்து வந்தார். 2015 ஆம் ஆண்டு இசை படத்திற்கு பின் நடிப்பில் அதிக கவனம் செலுத்த தொடங்கினார். கார்த்திக் சுப்பராஜ் இயக்கத்தில் இறைவி படம் அவருக்கு நடிகராக நல்ல அங்கீகாரத்தைப் பெற்று தந்தது. இதன் பிறகு எஸ்.ஜே சூர்யா நடித்த அனைத்து படங்களும் ஹிட் அடிக்கத் தொடங்கின . மாநாடு , ஜிகர்தண்டா டபுள் எக்ஸ்  , ராயன்  சரிபோதா சனிவாரம் , வீரதிர சூரன் என அடுத்தடுத்து அவருக்கு பட வாய்ப்புகள் இருந்து வருகின்றன. நடிகராக கொண்டாடப்பட்டாலும் இயக்குநர் எஸ்.ஜே சூர்யாவுக்கு ஒரு பெரிய ரசிகர் பட்டாளமே இருந்து வருகிறது. அந்த வகையில் கில்லர் படம் அவருக்கு ஒரு சிறப்பான கம்பேக் படமாக இருக்கும் என எதிர்பார்க்கப் படுகிறது.