Bakasuran Movie: ‛கேரள கதகளி ஆடும் செல்வராகவன்..’ வெளியானது ‘பகாசூரன்’ போஸ்டர்!
சுதந்திரத்தினத்தை முன்னிட்டு ‘பகாசூரன்’ படத்தில் இருந்து போஸ்டர் ஒன்று வெளியிடப்பட்டுள்ளது.
சுதந்திரத்தினத்தை முன்னிட்டு 'பகாசூரன்' படத்தில் இருந்து போஸ்டர் ஒன்று வெளியிடப்பட்டுள்ளது.
பழைய வண்ணாரப்பேட்டை, திரௌபதி, ருத்ர தாண்டவம் படங்களை இயக்கிய மோகன் ஜி அடுத்ததாக 'பகாசூரன்' என்ற படத்தை எடுத்துள்ளார். இந்த படத்தில் நடிகர்கள் செல்வராகவன், ஒளிப்பதிவாளரும் நடிகருமான நட்டி ஆகியோர் முக்கிய கதாபாத்திரத்தில் நடித்துள்ளனர். இதனைத் தவிர ராதாரவி, தயாரிப்பாளர் கே.ராஜன், ராம்ஸ், சரவண சுப்பையா, தேவதர்ஷினி ஆகியோரும் இப்படத்தில் நடித்துள்ளனர்.
View this post on Instagram
சாம் சி.எஸ். இப்படத்திற்கு இசையமைத்துள்ள நிலையில், மோகன் ஜியின் முந்தைய படங்களுக்கு ஒளிப்பதிவு செய்த பாரூக் ஒளிப்பதிவாளராக பணியாற்றியுள்ளார்.
ஈசன் அருளால் #பகாசூரன் படப்பிடிப்பு இனிதே நிறைவுற்றது.. படத்தில் பணியாற்றிய அனைவருக்கும் எனது மனமார்ந்த நன்றிகளை தெரிவித்து கொள்கிறேன் 🙏❤️.. விரைவில் திரையில் #Bakasuran @selvaraghavan @natty_nataraj @SamCSmusic @ProBhuvan @Gmfilmcorporat1 pic.twitter.com/MyYSmVcmIg
— Mohan G Kshatriyan (@mohandreamer) July 19, 2022
கடந்த ஏப்ரல் மாதம் சேலத்தில் படப்பிடிப்பு தொடங்கிய நிலையில் கடந்த ஜூலை 18 ஆம் தேதி நிறைவடைந்தது. இதனிடையே இந்தப்படத்தின் ஃபர்ஸ்ட் லுக் போட்டோவும் வெளியிடப்பட்டது.
இந்த நிலையில் 75 ஆவது சுதந்திரதினமான இன்று சுதந்திரதின வாழ்த்துகளுடன் போஸ்டர் ஒன்று வெளியிடப்பட்டுள்ளது. இந்தத்திரைப்படத்தை வருகிற செப்டம்பர் மாதம் வெளியிட படக்குழு திட்டமிட்டுள்ளதாக தெரிகிறது.
அனைவருக்கும் #பகாசூரன் குழுவினரின் இனிய சுதந்திர தின நல்வாழ்த்துக்கள் 🇮🇳💐 pic.twitter.com/fSCtZHqU8X
— Mohan G Kshatriyan (@mohandreamer) August 15, 2022
அருண்மாதேஷ்வரனின் ‘சாணி காயிதம்’ படம் நடிகராக அறிமுகமான செல்வராகவன், தொடர்ந்து விஜயின் ‘பீஸ்ட்’ படத்திலும் நடித்தார். தொடர்ந்து தான் இயக்கி வரும் ‘ நானே வருவேன்’ படத்திலும் நடித்துள்ளார். அண்மையில் தனுஷின் பிறந்தநாளை முன்னிட்டு இந்தப்படத்தில் இருந்து போஸ்டர் ஒன்றும் வெளியிடப்பட்டது.
தலைப்பு செய்திகள்
ட்ரெண்டிங் செய்திகள்
