![metaverse](https://cdn.abplive.com/imagebank/metaverse-top.png)
1 Year of Thiruchitrambalam: தினமும் இந்த குடும்பத்தை மிஸ் பண்றேன்... திருச்சிற்றம்பலம் குழுவினரை சந்தித்த தனுஷ்.. உருக்கமான பதிவு!
திருச்சிற்றம்பலத்தை ஒவ்வொரு நாளும் மிஸ் செய்வதாக உருக்கமாக பதிவிட்ட தனுஷ்
![1 Year of Thiruchitrambalam: தினமும் இந்த குடும்பத்தை மிஸ் பண்றேன்... திருச்சிற்றம்பலம் குழுவினரை சந்தித்த தனுஷ்.. உருக்கமான பதிவு! 1 year of thiruchitrambalam movie dhanush shares his experience 1 Year of Thiruchitrambalam: தினமும் இந்த குடும்பத்தை மிஸ் பண்றேன்... திருச்சிற்றம்பலம் குழுவினரை சந்தித்த தனுஷ்.. உருக்கமான பதிவு!](https://feeds.abplive.com/onecms/images/uploaded-images/2023/08/19/04daeceaf7024febf59e7be09e6bf96c1692437809680102_original.jpg?impolicy=abp_cdn&imwidth=1200&height=675)
Thiruchitrambalam : மித்ரன் கே ஜவகர் இயக்கத்தில் தனுஷ், நித்யாமேனன், பிரகாஷ் ராஜ், பாரதிராதா நடித்திருக்கும் திருச்சிற்றம்பலம் இன்றுடன் ஓராண்டை நிறைவு செய்கிறது.
ஏற்கெனவே தனுஷ் - மித்ரன் கே ஜவகர் கூட்டணியில் நயன்தாரா, ரகுவரன் என நடிகர்கள் பட்டாளமே நடித்த யாரடி நீ மோகினி திரைப்படம் மிகப்பெரிய வெற்றியை பெற்றது. அதை தொடர்ந்து இருவரின் கூட்டணியிலும் கடந்த ஆண்டு வெளிவந்த திருச்சிற்றம்பலம் படம் ரூ.100 கோடியை வசூலித்து சூப்பர் ஹிட் அடித்தது. தனுஷ் மற்றும் மித்ரன் கூட்டணியில் இணைந்த அனிருத்தும் படத்துக்கு மேலும் பலம் சேர்த்தார். படத்தில் இடம்பெற்றிருந்த ஒவ்வொரு பாடலும், பின்னணி இசையும் ரசனையையும் தாண்டி கொண்டாட வைத்தது. படத்தில் ராஷி கண்ணா, பிரியா பவானி சங்கர் உள்ளிட்டோர் ஹீரோயின்களாக நடித்திருந்தாலும், கடைசியாக தனது தோழியான நித்யா மேனனையே தனுஷ் கரம்பிடிக்கிறார்.
எதார்த்தமான கதை, இயல்பான நடிப்பு, ஆக்ஷன் காட்சிகள் இல்லாமல் தனது கேரக்டர் உணர்ந்து திருச்சிற்றம்பலமாக நடிப்பில் அசத்தி இருப்பார் தனுஷ். அவருக்கு போட்டியாக நித்யா மேனன் மற்றும் பாரதிராஜா ஆகியோரும் நடிப்பில் உச்சத்தை காட்டி இருப்பார்கள். தனுஷ் - நித்யாமேனன் காம்பினேஷனை பார்த்த ரசிகர்கள் அவர்களை மற்றொரு படத்தில் காண விருப்பம் கூறி வருகின்றனர்.
இந்த நிலையில் ஓராண்டை நிறைவு செய்திருக்கும் திருச்சிற்றம்பலத்தை கொண்டாடும் விதமாக தனுஷ் ஒரு டிவிட்டர் பதிவை வெளியிட்டுள்ளார். அதில், திருச்சிற்றம்பலம் படத்தில் இடம் பெற்றிருந்த குடும்பத்தை போன்ற அனைவருக்கும் நன்றி கூறியதுடன், திருச்சிற்றம்பலம் படத்தில் நடித்தது போன்ற தருணத்தை ஒவ்வொரு நாளும் மிஸ் செய்வதாகவும் கூறியுள்ளார்.
View this post on Instagram
மேலும் படிக்க: 1 Year of Thiruchitrambalam : மீண்டும் இணைந்த பழம் மற்றும் ஷோபனா..வைரலாகும் திருசிற்றம்பலம் படக்குழுவினரின் புகைப்படம்!
தலைப்பு செய்திகள்
ட்ரெண்டிங் செய்திகள்
![metaverse](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)