TVK Vijay: தமிழ்நாட்டின் மாற்றுத் தலைவராக உருவெடுக்கும் விஜய்! கருத்துக்கணிப்பு சொல்வது என்ன?
Tamil Nadu Assembly Election 2026: இளைஞர்களின் ஆதரவு காரணமாக முதலமைச்சர் வேட்பாளராக முதல்வர் ஸ்டாலினுக்கு அடுத்தபடியாக வலுவான மாற்றுத் தலைவராக விஜய் உருவெடுப்பார் என்று லோக்பால் கருத்துக் கணிப்பு தெரிவித்துள்ளது.
2026 சட்டமன்ற தேர்தல் களம் சூடிப்பிடித்துள்ள நிலையில் லோக் பால் நிறுவனம் நடத்திய கருத்துக்கணிப்பில் தவெக தலைவர் விஜய் மாற்றுத்தலைவராக உருவெடுப்பார் என்று கணிக்கப்பட்டுள்ளது அரசியல் வட்டாரத்தில் பேசுப்ப்பொருளாகியுள்ளது.
தமிழ்நாடு சட்டமன்ற தேர்தல்:
தமிழ்நாடு சட்டமன்ற தேர்தல் களம் அனல்பறக்க தொடங்கியுள்ளது, நான்கு முனை போட்டியாக நடைபெறும் இந்த தேர்தலில் திமுக கூட்டணி 26 கட்சிகளுடன் களம் காண்கிறது, அதிமுக தலைமையில் தேசிய ஜனநாயக கூட்டணியுடன் களம் காண்கிறது. சீமானின் நாம் தமிழர் கட்சி, மற்றும் புதிதாக கட்சி தொடங்கியுள்ள நடிகரின் விஜயின் தவெக கட்சியின் 234 தொகுதிகளிலும் தனித்து போட்டியிடுகிறது.
கருத்துக்கணிப்பில் தனி கவனம் பெறும் தவெக:
இந்த தேர்தலில் இளைஞர்களின் ஆதரவு தவெகவுக்கு அதிகம் உள்ளதால் எத்தனை இடங்கள் வெற்றிப்பெறுவார்கள் என்கிற கேள்வி எழுந்து வருகிறது, அந்த வகையில் லோக்போல் கருத்துக்கணிப்பு முடிவுகள் தற்போது வெளியாகி உள்ளது.
தமிழகத்தின் அனைத்து தொகுதிகளையும் உள்ளடக்கிய இந்த மெகா சர்வேயின் முடிவுகளின்படி, ஆளுங்கட்சியான திமுக தலைமையிலான கூட்டணி 181 முதல் 189 இடங்களைக் கைப்பற்றி மீண்டும் ஆட்சியைத் தக்கவைக்கும் என கணிக்கப்பட்டுள்ளது. 40.1 சதவீத வாக்கு சதவீதத்தை பெற்று வலுவான கூட்டணியாக திமுக உருவெடுக்கும் என கணிக்கப்பட்டுள்ளது.
எதிர்க்கட்சியான அதிமுக கூட்டணி 38 முதல் 42 இடங்களை மட்டுமே பெறும் என இந்த ஆய்வு தெரிவிக்கிறது. கடந்த தேர்தல்களைக் காட்டிலும் அதிமுகவின் வாக்கு வங்கி 29 சதவீதமாகக் குறையும் எனவும் கூறப்பட்டுள்ளது.
ஆனால் இந்த பலருக்கும் ஆச்சர்யத்தை அளிக்கும் வகையில் முதல் தேர்தலிலேயே 23.9% வாக்கு சதவீதத்தை தவெக பெறும் எனவும், 8 முதல் 10 இடங்களில் வெற்றி பெற வாய்ப்புள்ளதாகத் தெரிகிறது எனவும் தெரிவிக்கப்பட்டுள்ளது.
தமிழ்நாட்டின் மாற்று தலைவர்:
இந்த கருத்துக்கணிப்பில் வெளிவந்துள்ள மற்றொரு தகவலின் படி இளைஞர்களின் ஆதரவு காரணமாக முதலமைச்சர் வேட்பாளராக முதல்வர் ஸ்டாலினுக்கு அடுத்தபடியாக வலுவான மாற்றுத் தலைவராக விஜய் உருவெடுப்பார் என்றும் கருத்துக் கணிப்பு தெரிவித்துள்ளது. இதில் தற்போதைய முதல்வர் மு.க. ஸ்டாலினுக்கு (41%) அடுத்தபடியாக, விஜய் 27.1% ஆதரவுடன் ஒரு வலுவான மாற்றுத் தலைவராக உருவெடுத்துள்ளார்.
மேலும் தவெக இந்த தேர்தலில் சுமார் 23.9% முதல் 24.5% வரையிலான வாக்கு சதவீதத்தை ஈர்க்கிறது. குறிப்பாக இளைஞர்கள், முதல்முறை வாக்காளர்கள் மற்றும் அரசு மீது அதிருப்தியில் இருப்பவர்களின் ஆதரவு இந்த கட்சிக்கு அதிகமாக உள்ளது. தவெக தனித்துப் போட்டியிடுவதால், இந்த வாக்கு ஆதரவு அப்படியே அதிகப்படியான தொகுதிகளாக மாற வாய்ப்பில்லை எனக் கருதப்படுகிறது. தற்போதைய நிலவரப்படி, தவெக சுமார் 8 முதல் 10 இடங்களை வெல்ல வாய்ப்புள்ளதாக இந்த கருத்துக்கணிப்பு தெரிவிக்கிறது.
தலைப்பு செய்திகள்
ட்ரெண்டிங் செய்திகள்
