TVK Vijay Campaign: ''மே 4 அக்னி நட்சத்திரம்; மக்கள் சூரியனை வெறுத்து ஒதுக்குவார்கள்'’- வெளிப்படையாக சொன்ன விஜய்
TVK Vijay Campaign Today: சூரியன் பட்டால் சன் ஸ்ட்ரோக் வரும். எப்போதுதான் இந்த சூரியன் மறையும், எப்போதுடா இந்த சூரியன் ஒழியும் என்று குழந்தைகள் முதல் பெரியவர்கள் வரை ஒதுக்குவார்கள் - விஜய்.
தேர்தல் முடிவுகள் வெளியாகும் மே 4 சிறப்பான தேதி. அன்றுதான் அக்னி நட்சத்திரமும் கத்திரி வெயிலும் தொடங்குகிறது- தவெக விஜய்.
2026 தமிழ்நாடு சட்டமன்றத் தேர்தலில் தமிழக வெற்றிக் கழகம் தமிழ்நாட்டில் உள்ள 234 தொகுதிகளிலும் தனித்துப்போட்டியிடுகிறது. 30 ஆண்டுகாலமாக கதாநாயகனாக நடித்துள்ள விஜய்க்கு குழந்தைகள், பெண்கள், இளைஞர்கள் ரசிகர்கள் பட்டாளம் மிக அதிகளவு உள்ளது.
பெருகும் ஆதரவு பட்டாளம்
இந்த தேர்தலில் அவருக்கு மிகப்பெரிய அளவில் குழந்தைகள், சிறுவர்கள், இளைஞர்கள் ஆதரவாக வாக்கு சேகரித்து வருகின்றனர். இந்த நிலையில், இன்று சென்னையில் விஜய் தனது பரப்புரையை முடித்தார். குறிப்பாக, நந்தனத்தில் தவெக நிர்வாகிகள் சந்திப்பு நிகழ்வில் அக்கட்சியின் தலைவர் விஜய் கலந்துகொண்டு பேசினார். அப்போது விஜய் பேசியதாவது:
’’மக்களே.. திமுகவும் மற்றும் பலரும் வேணாம். பாஜகவும் வேணாம். தேர்தல் முடிவுகளுக்குப் பிறகு முக ஏன் விஜயை பகைத்தோம் என்று வேதனைப்படும். மக்களே உங்களை வருத்தப்பட வைக்கப் போகிறார்கள்.
தேர்தல் முடிவுகள் வெளியாகும் மே 4 சிறப்பான தேதி. அன்றுதான் அக்னி நட்சத்திரமும் கத்திரி வெயிலும் தொடங்குகிறது. அந்த கத்திரி வெயில் மண்டையைப் பிளக்கும். மக்களுக்கு ஆகவே ஆகாது. நம்பிக்கை உள்ள மக்கள் யாரும் நல்ல காரியங்களை அந்த நாட்களில் செய்ய மாட்டார்கள்.
சூரியனை வெறுத்து ஒதுக்குவார்கள்
சூரியன் பட்டால் சன் ஸ்ட்ரோக் வரும். எப்போதுதான் இந்த சூரியன் மறையும், எப்போதுடா இந்த சூரியன் ஒழியும் என்று குழந்தைகள் முதல் பெரியவர்கள் வரை சூரியனை வெறுத்து ஒதுக்குவார்கள். அதுதான் தேர்தல் முடிவுகளுக்கான அறிகுறி. ஓம் சக்தி பராசக்தி திமுக ஒரு தீய சக்தி’’ என்று தவெக தலைவர் விஜய் விமர்சித்துள்ளார்.
தன் நண்பர்களும் நண்பிகளும் காலையில் பக்காவாக ரெடி ஆகி முதல் ஆளாக வாக்குப் பதிவு மையத்துக்குச் சென்று, விசில் சின்னத்துக்கு ஓட்டுப்போட வேண்டும். வெளிநாடுகளில், வெளி மாநிலங்களில் வெளி ஊர்களில் இருந்தாலும் முறையாக டிக்கெட் பதிவு செய்து ஊருக்கு வந்து வாக்கைச் செலுத்த வேண்டும் என்றும் விஜய் வேண்டுகோள் விடுத்துள்ளார்.
தலைப்பு செய்திகள்
ட்ரெண்டிங் செய்திகள்
