TVK VCK: தவிக்கும் தவெக... விசிக ஆதரவா? கம்யூனிஸ்டுகள் கையில்.. திருமா பரபரப்பு பேட்டி!

TVK VCK alliance: தவெகவுக்கு ஆதரவு அளிப்பது குறித்து உணர்ச்சிவசப்பட்டு முடிவு எடுக்க முடியாது. விசிக உயர்நிலைக் குழு கூட்டத்தில் ஆலோசித்து முடிவு எடுப்போம் - திருமாவளவன்

Written By : க.சே.ரமணி பிரபா தேவி | Updated at : 07 May 2026 02:06 PM (IST)

TVK VCK alliance TN govt 2026 thirumavalavan TVK VCK: தவிக்கும் தவெக... விசிக ஆதரவா? கம்யூனிஸ்டுகள் கையில்.. திருமா பரபரப்பு பேட்டி!

விஜய், திருமாவளவன்

Source : சிறப்பு ஏற்பாடு

தமிழக வெற்றிக் கழகம் ஆட்சி அமைப்பது குறித்து சந்தேகம் எழுந்துள்ள நிலையில், அக்கட்சிக்கு விடுதலைச் சிறுத்தைகள் கட்சி ஆதரவு அளிக்குமா என்பது குறித்து விசிக தலைவர் திருமாவளவன் பேட்டி அளித்துள்ளார்.

முதன் முதலாகப் போட்டியிட்ட 2026 சட்டமன்றத் தேர்தலிலேயே தவெக 108 இடங்களைப் பிடித்து, தனிப் பெரும் கட்சியாக உருவெடுத்தது. திமுக 2ஆம் இடத்தில் எதிர்க் கட்சியாக உள்ள நிலையில், அதிமுக 3ஆம் இடத்துக்கு தள்ளப்பட்டது.

பிற கட்சிகளின் ஆதரவு கோரும் தவெக

இந்த நிலையில் ஆட்சி அமைக்க 118 இடங்கள் தேவை என்பதால், பிற கட்சிகளின் ஆதரவு தவெகவுக்குத் தேவைப்படுகிறது. தொடர்ந்து தவெக விசிக, இந்திய கம்யூனிஸ்ட், மார்க்சிஸ்ட் கட்சிகளிடம் ஆதரவு கோரி உள்ளது.

எனினும் முதல் ஆளாக காங்கிரஸ், தவெகவுடன் இணைந்துள்ளது. இந்த நிலையில், விசிக தவெகவுக்கு ஆதரவு அளிக்குமா, தவெக ஆட்சியைப் பிடிக்குமா என்று கேள்வி எழுந்துள்ளது. இதுகுறித்து இன்று திருமாவளவன் தனியார் ஆட்சிக்கு அளித்துள்ள பேட்டியில், தவெகவுக்கு ஆதரவு அளிப்பது குறித்து உணர்ச்சிவசப்பட்டு முடிவு எடுக்க முடியாது. விசிக உயர்நிலைக் குழு கூட்டத்தில் ஆலோசித்து முடிவு எடுப்போம். சக தோழமை கட்சியான கம்யூனிஸ்டு கட்சிகளின் முடிவைப் பார்த்த பிறகு நாங்கள் முடிவு எடுப்போம்.

பழிவாங்க நினைக்கும் பாஜக

தவெக ஆட்சியமைக்க காங்கிரஸ் ஆதரவு அளித்ததால் பாஜக பழிவாங்க நினைக்கிறது. கரூர் விவகாரத்தை வைத்து விஜயைப் பழிவாங்க பாஜக திட்டமிடுகிறது.

திமுக தலைவர் ஸ்டாலினை மரியாதை நிமித்தமாகச் சந்தித்துப் பேசினோம். தேர்தல் முடிவுகள், சிறுபான்மையினரின் வாக்குகள் குறித்து ஸ்டாலினிடம் பேசினோம். தவெக ஆட்சிக்கு இடையூறாக இருக்க மாட்டோம் என்று ஸ்டாலின் ஏற்கெனவே தெளிவுபடுத்தி விட்டார். திமுக- அதிமுக கூட்டணி அமைய எந்த வாய்ப்பும் இல்லை.

மறு தேர்தல் வர வேண்டுமா?

குடியரசுத் தலைவர் ஆட்சியோ, மறு தேர்தல் வருவதோ தேவையில்லாதது. அது ஏற்புடையதும் அல்ல’’ என்று திருமாவளவன் தெரிவித்துள்ளார்.

விசிகவும் கம்யூனிஸ்ட் கட்சிகளும் எடுக்கும் முடிவின் அடிப்படையில் அடுத்தடுத்த நகர்வுகள் இருக்கும் என்பதால், எல்லோரும் அவர்கள் எடுக்கப்போகும் முடிவுக்காகக் காத்திருக்கின்றனர்

About the author க.சே.ரமணி பிரபா தேவி

An Engineer by Education, Journalist by Profession, Ramani Prabha Devi hails from a tiny village in Tiruppur. Her agricultural background influenced to take part in the welfare of society.She quit her job from IT industry and joined Journalism with utmost enthusiasm. She has been working in Tamil media for the past 11 years. Her areas of focus are Education, Jobs, Politics, Psychology, Women, Health, Positive and Social Awareness news. She is the author of 3 books and got many awards. She keenly researches and provides accurate and detailed updated news on Education, Jobs which are important to each and everyone. In addition to that, she writes news and articles related to politics, national and international events to the public. Currently she works as Associate Producer in ABP NADU Tamil website.