ஒரு சாதாரண ஆரோக்கியமான நபர் ஒரு நாளைக்கு உட்கொள்ளும் மொத்த கலோரிகளில் சர்க்கரையின் அளவு 5% முதல் 10% வரை மிகாமல் இருக்க வேண்டும்.

ஆண்கள் ஒரு நாளைக்கு அதிகபட்சமாக 9 தேக்கரண்டி (சுமார் 36 கிராம்) சர்க்கரைக்கு மேல் உட்கொள்ளக்கூடாது.

பெண்கள் ஒரு நாளைக்கு 6 தேக்கரண்டி அதாவது (சுமார் 25 கிராம்) சர்க்கரைக்கு மேல் எடுத்துக் கொள்ளக்கூடாது.

வேறு என்னவெல்லாம் செய்யலாம்?

இரண்டு வயதுக்குட்பட்ட குழந்தைகளுக்கு சர்க்கரை கொடுப்பதை தவிர்ப்பது நல்லது.

சர்க்கரையை அதிகமாக உட்கொள்வதால் உடலில் இன்சுலின் அளவு அதிகரித்து, அது கொழுப்பாக மாறும்.

நாம் காபி, டீக்களில் சேர்த்துக்கொள்ளும் சர்க்கரையுடன் பிஸ்கட், குளிர்பானங்கள், சாக்லேட்டுகளில் இருக்கும் 'கூடுதல் சர்க்கரை' பற்றி கண்டிப்பாக கணக்கு வைத்திருக்க வேண்டும்.

சர்க்கரையை அதிகமாகப் பயன்படுத்தினால் இரத்த அழுத்தம் அதிகரித்து இதய நோய்கள் வரும் அபாயம் உள்ளது.

சர்க்கரையை அதிகமாக உட்கொள்வது கணையத்தில் அழுத்தத்தை ஏற்படுத்தி, டைப்-2 நீரிழிவு நோயை உருவாக்கும் அபாயம் உள்ளது.

சர்க்கரைக்குப் பதிலாக தேன் அல்லது பேரீச்சம்பழம் போன்ற இயற்கை இனிப்புகளை மிதமாகப் பயன்படுத்துவது ஆரோக்கியத்திற்கு நல்லது.