TVK Candidate List: விஜய் பெயரில் 17 பேர்.. வேறு கட்சியில் இருந்து வந்த 106 பேருக்கு சீட்.. பெண்களுக்கு அதிக வாய்ப்பு.. தவெக சம்பவம்!

TVK Candidate List 2026: ஏப்ரல் 23ம் தேதி தமிழக சட்டமன்ற தேர்தலுக்கான வாக்குப்பதிவு நடைபெறுகிறது. இந்த தேர்தலில் முதல்முறையாக களமிறங்கும் விஜயின் தமிழக வெற்றிக் கழகம் கணிசமான வாக்குகளைப் பெறும் என எதிர்பார்க்கப்படுகிறது.

விஜய்

Source : X

2026 தமிழ்நாடு சட்டமன்ற தேர்தலில் தமிழக வெற்றிக் கழகத்தின் வேட்பாளர்கள் பட்டியலில் இடம்பெற்ற முக்கியமான விஷயங்களைப் பற்றிப் பார்க்கலாம். 

ஏப்ரல் 23ம் தேதி தமிழக சட்டமன்ற தேர்தலுக்கான வாக்குப்பதிவு நடைபெறுகிறது. இந்த தேர்தலில் முதல்முறையாக களமிறங்கும் விஜயின் தமிழக வெற்றிக் கழகம் கணிசமான வாக்குகளைப் பெறும் என எதிர்பார்க்கப்படுகிறது. இந்த நிலையில் சட்டமன்ற தேர்தலில் போட்டியிடும் 234 தொகுதிகளுக்குமான வேட்பாளர் பட்டியலையும், புதுச்சேரியில் போட்டியிடும் வேட்பாளர்களையும் விஜய் அறிமுகப்படுத்தினார்.

இந்த தேர்தலில் ஆதவ் அர்ஜூனா வில்லிவாக்கத்திலும், ஆனந்த் தி.நகர் தொகுதியிலும், கோபிசெட்டிப்பாளையத்தில் செங்கோட்டையன், சத்தியபாமா திருப்பூர் வடக்கிலும் களம் காண்கின்றனர்.  

(3/3) pic.twitter.com/FJDNX8fHws

— TVK Vijay (@TVKVijayHQ) March 29, 2026

>

• தமிழக வெற்றிக் கழகத்தின் தலைவர் விஜய் திருச்சி கிழக்கு மற்றும் பெரம்பூர் ஆகிய தொகுதிகளில் போட்டியிடுகிறார். ஜெயலலிதாவுக்கு பிறகு இரண்டு தொகுதிகளில் இவர் போட்டியிடுகிறார். இரு தொகுதிகளில் ஜெயலலிதா வென்ற நிலையில் அதனை விஜய் தக்க வைப்பாரா என்ற எதிர்பாப்பு எழுந்துள்ளது.
• குமாரபாளையம்  சி. விஜயலட்சுமி, கும்மிடிப்பூண்டி தொகுதியில் எஸ். விஜயகுமார், மாதவரம் தொகுதியில் எம்.எல். விஜய் பிரபு, ராயபுரம் தொகுதியில் கே.வி. விஜய் தாமு, திருப்போரூர் தொகுதியில் பி. விஜய் ராஜ் , ஆற்காடு தொகுதியில் ஜி. விஜய் மோகன், மயிலம் தொகுதியில் ஏ. விஜய் நிரஞ்சன், விக்கிரவாண்டி தொகுதியில் விஜய் வடிவேல், திருக்கோவிலூர் தொகுதியில் விஜய் பரணிபாலாஜி, ஈரோடு கிழக்கு தொகுதியில் எம். விஜய் பாலாஜி, சேலம் தெற்கு தொகுதியில் விஜய் தமிழன் பார்த்திபன், அந்தியூர் தொகுதியில் எம். விஜய் வெங்கடேஷ், பூம்புகார் தொகுதியில் ஜெ. விஜயாலயன், விருத்தாச்சலம் தொகுதியில் எஸ். விஜய், தஞ்சாவூர் தொகுதியில் ஆர். விஜய் சரவணன், மற்றும் உசிலம்பட்டி தொகுதியில் எம். விஜய் ஆகிய 17 வேட்பாளர்கள் “விஜய்” பெயரில் இடம் பெற்றுள்ளனர்.
• சட்டமன்றத் தேர்தலில் நாம் தமிழர் கட்சி 117 தொகுதிகளில் பெண்களுக்கு வாய்ப்பளித்துள்ளது. அதேசமயம் திமுக 18 தொகுதிகளிலும், அதிமுக 20 தொகுதிகளிலும் போட்டியிட பெண் வேட்பாளர்களை நிறுத்தியுள்ளது. புதிதாக களம் கண்டுள்ள தமிழக வெற்றிக் கழகம் 23 தொகுதிகளில் வேட்பாளர்களை நிறுத்தியுள்ளது.
• இதில் 8 பேர் தனித்தொகுதியிலும் பழங்குடியினர் தொகுதியாக அறியப்படும் ஏற்காட்டிலும் ஒரு பெண் போட்டியிடுகிறார்.  
• 234 வேட்பாளர்களில் 106 பேர் மாற்றுக்கட்சியில் இருந்து வந்தவர்களுக்கு சீட் வழங்கப்பட்டுள்ளது. குறிப்பாக அதிமுகவில் இருந்து வந்த செங்கோட்டையன், திலகபாமா, ஜேசிடி பிரபாகர், சிடிஆர் நிர்மல்குமார், ரெட்டியார்பட்டி நாராயணன், தூசி மோகன். ஆர்.எஸ்.முருகன் ஆகியோருக்கு வாய்ப்பளிக்கப்பட்டுள்ளது.
• அதேபோல் 11 கிறிஸ்தவர்கள் மற்றும் இஸ்லாமிய வேட்பாளர்களையும் விஜய் களத்தில் இறக்கியுள்ளார்.